完整藏文原文 · 德格版页 当前仅加载第 65 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
པོར་ཕན་པ་དང་བདེ་བའི་དོན་ཐོབ་པར་གྱིས་ཤིག །བཅུ་གང་ཞེ་ན། འདི་ལྟ་སྟེ། དེའི་ཐབས་དང་བདོག་པའི་ནོར་ཐམས་ཅད་བསྲུངས་ཏེ་ཉམས་པར་མི་བྱ་བ་དང་། གནོད་པ་ཐམས་ཅད་ལས་བསྲུངས་ཏེ། གནོད་པ་མེད་པར་བྱ་བ་དང་། ལོག་པར་ལྟ་བ་དང་། ལོག་པར་ཕྱོགས་པ་ལས་
D239.065.0241a01.01བསྲུངས་ཏེ་མི་དགེ་བ་བཅུའི་ལས་ཀྱི་ལམ་སྤང་བར་བྱ་བ་དང་། དེའི་ལུས་དང་ངག་ལ་གནོད་པ་ཐམས་ཅད་ལས་བསྲུངས་ཏེ་མེད་པར་བྱ་བ་དང་། འཕྱ་བ་དང་སྐུར་པ་ཐམས་ཅད་ལས་བསྲུངས་ཏེ་མེད་པར་བྱ་བ་དང་། ཚུལ་ཁྲིམས་དང་སྤྱོད་པ་ཐམས་ཅད་ཉམས་པར་མི་འགྱུར་བར་སྲུང་བ་
D239.065.0241a02.01དང་། དེ་ལ་མི་མ་ཡིན་པ་ཐམས་ཅད་དང་། འབྱུང་བ་ཆེན་པོ་འཁྲུགས་པ་དང་། དུས་མ་ཡིན་པའི་ནད་དང་། མི་དགེ་བ་ཐམས་ཅད་ཡོངས་སུ་སེལ་བར་སྲུང་བ་དང་། དེ་ལ་དུས་མ་ཡིན་པ་ཚུལ་མ་ཡིན་པ། ལྟས་ངན་དང་། རིམས་ཐམས་ཅད་མི་འབྱུང་བར་སྲུང་བ་དང་། དེ་ལ་འཆི་བའི་དུས་
D239.065.0241a03.01བྱེད་པ་ན་ཡང་སངས་རྒྱས་ཐམས་ཅད་མཐོང་བར་སྲུང་བ་དང་། དེ་ཚེ་འཕོས་ནས་ཀྱང་བདེ་འགྲོར་སྐྱེ་བ་དང་། ཕན་པ་དང་བདེ་བའི་དོན་ཐོབ་པར་ཡོངས་སུ་སྲུང་བར་བྱེད་དོ། །རིགས་ཀྱི་བུ་སེམས་ཅན་གང་ཆོས་ཀྱི་རྣམ་གྲངས་འདི་ཀློག་པ་དང་། འདོན་པ་དང་། དོན་ཡིད་ལ་བྱེད་པ་དང་།
D239.065.0241a04.01གཞན་ལ་རྒྱ་ཆེར་འཆད་དམ། ཡང་དག་པའི་སྤྱོད་པ་ལ་གནས་པ་དག་ལ་ཁྱོད་ཀྱིས་ཆོས་རྣམ་པ་འདི་བཅུས་ཤིན་ཏུ་བསྲུངས་ཤིང་། བྱིན་གྱིས་བརླབས་ཏེ། ཆོས་རྣམ་པ་འདི་བཅུས་ཡུན་རིང་པོར་ཕན་པ་དང་བདེ་བར་གྱིས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་
D239.065.0241a05.01མཁའི་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེ་དེ་བཞིན་ནོ། །བཅོམ་ལྡན་འདས་བདག་གིས་ཆོས་ཀྱི་རྣམ་གྲངས་གཟུངས་སུ་འཛིན་ཅིང་ཤིན་ཏུ་རྒྱས་པར་བགྱིའོ། །སེམས་ཅན་གང་ཆོས་ཀྱི་རྣམ་གྲངས་འདི་ལ་ཀློག་པ་དང་། འདོན་པ་དང་། དོན་ཡིད་ལ་བགྱིད་པ་དང་། ཕ་
D239.065.0241a06.01རོལ་པོ་ལ་རྒྱ་ཆེར་སྟོན་པ་དང་། ཡང་དག་པའི་སྤྱོད་པ་ལ་གནས་པ་དག་ལ་བདག་གིས་ཆོས་རྣམ་པ་འདི་བཅུས་ཤིན་ཏུ་བསྲུངས་ཏེ་ཡུན་རིང་པོར་ཕན་པ་དང་བདེ་བར་བགྱིའོ། །དེ་ནས་བཅོམ་ལྡན་འདས་ཀྱིས་མདོ་སྡེ་འདི་གསུངས་ནས། འཁོར་གྱི་དཀྱིལ་འཁོར་དེ་ན་གནས་པའི་བྱང་ཆུབ་
D239.065.0241a07.01