完整藏文原文 · 德格版页 当前仅加载第 65 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
བྱིན་གྱིས་བརླབས་པ། །སྤྱོད་ལམ་མང་པོ་ཡོངས་སུ་ཉམས་ཀྱང་། །རྣམ་པར་གྲོལ་བ་ཡོངས་སུ་སྤངས་མིན། །ངན་པར་ལྟ་བའི་སྡིག་པ་སྤངས་པས། །མྱུར་དུ་མྱ་ངན་འདས་པ་འཐོབ་འགྱུར། །ཇི་ལྟར་སྨན་རབ་འཁུས་པར་གྱུར་ཀྱང་། །ནད་རྣམས་ཀུན་ལ་
D239.065.0179b01.01ཤིན་ཏུ་ཕན་འགྱུར། །དེ་བཞིན་སྤྱོད་ལམ་ཉམས་པ་དེ་ཡང་། །ཕ་རོལ་སྡུག་བསྔལ་ཞི་བར་བྱེད་འགྱུར། །ཞུ་བའི་ལས་དང་གསོ་སྦྱིན་དག་ཏུ། །དགེ་སྦྱོང་དེ་ནི་དེར་འདུག་མ་གནང་། །གཞན་ལ་དམ་པའི་ཆོས་སྟོན་དབང་སྟེ། །གཉི་གས་བསོད་ནམས་
D239.065.0179b02.01ཆེན་པོ་ཐོབ་འགྱུར། །དཀོན་མཆོག་གསུམ་ལ་དད་ཅིང་ཕྱོགས་ཏེ། །ང་ལ་སྟོན་པ་ཆེན་པོར་འཛིན་པ། །མི་དགེ་སྡིག་པ་མང་པོ་སྤོང་འགྱུར། །མུ་སྟེགས་མང་པོ་གང་བས་དེ་མཆོག །ཇི་ལྟར་སྲིན་མོའི་གླིང་དུ་འཁྱམས་པའི། །འཇིགས་ཤིང་སྐྲག་
D239.065.0179b03.01པའི་ཚོང་པ་དེ་དག །ཀུན་གྱིས་རྟ་སྤུ་ཉག་རེ་བཟུང་བས། །རྒྱ་མཚོ་ལས་རྒལ་བགེགས་དང་བྲལ་བ། །དེ་ལྟར་ཚུལ་ཁྲིམས་ཉམས་པ་དེ་ནི། །མི་དགེ་ངན་པར་ལྟ་བ་སྤངས་ཏེ། །དད་པ་གཅིག་གི་རྒྱུ་ཡི་མཐུས་ན། །ཉོན་མོངས་པ་ཡི་སྲིན་ལས་ཐར་འགྱུར། །
D239.065.0179b04.01རྣམ་པར་གྲོལ་བའི་རྒྱལ་མཚན་བསྲུངས་ཏེ། །སངས་རྒྱས་མང་པོས་བྱིན་གྱིས་བརླབས་པའི། །ཚུལ་ཁྲིམས་ཉམས་ལ་གནོད་མི་བྱེད་ན། །ཁ་ན་མ་ཐོའི་སྡིག་ལྕི་སྤོང་འགྱུར། །བསོད་ནམས་ཆེན་པོ་ལ་ནི་མོས་ཤིང་། །ཡང་དག་རྣམ་པར་གྲོལ་ལ་དགའ་
D239.065.0179b05.01བ། །སྣོད་དང་སྣོད་མིན་ཀུན་ལ་མཉམ་སྲུང་། །དེས་ནི་རྣམ་གྲོལ་ཐོབ་པར་མི་དཀའ། །གླེན་པ་ང་རྒྱལ་ཐེག་པ་ཆེན་པོར། །ཁས་འཆེ་དེ་ནི་ཤེས་པའི་མཐུ་མེད། །ཐེག་པ་གཉིས་ཀྱི་ཆོས་ལ་རྨོངས་ན། །ཐེག་པ་ཆེན་པོར་རིག་འགྱུར་ཅི་སྨོས། །དཔེར་
D239.065.0179b06.01ན་མིག་གི་འབྲས་བུ་ཉམས་ན། །ཁ་དོག་རྣམ་པ་མཐོང་བར་མི་འགྱུར། །དེ་བཞིན་དད་པ་ཉམས་ཤིང་མེད་ན། །ཐེག་པ་ཆེན་པོ་ཤེས་པར་མི་ནུས། །ཆུ་བྲན་བཏུང་བའི་མཐུ་ཡང་མེད་ན། །རྒྱ་མཚོ་ཆེན་པོ་ག་ལ་རྔུབ་ནུས། །ཐེག་པ་གཉིས་ཀྱང་གོམས་
D239.065.0179b07.01