完整藏文原文 · 德格版页 当前仅加载第 65 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
མ་རུང་བར་བྱས་པ་ཡིན་ནོ། །དེ་ནི་སེམས་ཅན་ཐམས་ཅད་ལ་ཤིན་ཏུ་གནོད་པ་ཆེན་པོ་བྱས་པ་ཡིན་ནོ། །དེ་བས་ན་སངས་རྒྱས་ཀྱི་བསྟན་པ་ལ་རབ་ཏུ་བྱུང་བ་ལ་གནོད་པ་བྱས་ན་དེའི་སྡིག་པ་ནི་སྔར་བཤད་པའི་མཚམས་མེད་པ་ལྔའི་སྡིག་པ་བས་ཚད་མེད་གྲངས་མེད་པས་ལྷག་པར་ཆེའོ། །དེ་
D239.065.0196b01.01བས་ན་ཁྱེད་ཀྱིས་དེང་ངའི་མདུན་དུ་ཤིན་ཏུ་བསམ་པ་དག་ཅིང་ལྷག་པའི་འཛེམ་པ་དང་། འབད་པར་བཅས་པས་སྔོན་མི་དགེ་བའི་ལས་ཀྱི་སྒྲིབ་པ་ཐམས་ཅད་སོ་སོར་བཤགས་པའི་ཕྱིར་ཁྱེད་ལ་ཐུགས་རྗེ་ཆེན་པོས་རྗེས་སུ་བཟུང་བས་ཁྱེད་ཀྱི་སྡིག་པའི་ལས་ཀྱི་སྒྲིབ་པ་ཐམས་ཅད་ཁད་ཀྱིས་བྱང་
D239.065.0196b02.01བར་གྱུར་ཏེ་སངས་རྒྱས་ཀྱི་ཞིང་འདིར་བསྐལ་པ་བཟང་པོའི་སངས་རྒྱས་སྟོང་འབྱུང་བ་ཐམས་ཅད་ལ་ཡང་ཁྱེད་ཀྱིས་འདི་བཞིན་དུ་དེ་བཞིན་གཤེགས་པ་དེ་དག་གི་སྤྱན་སྔར་ཡང་སྡིག་པའི་ལས་ཀྱི་སྒྲིབ་པ་ཐམས་ཅད་ཤིན་ཏུ་སོ་སོར་ཤོགས་ཤིག །མ་འོངས་པའི་ཉེས་པ་ཡང་ཤིན་ཏུ་བསྲུང་བར་གྱིས་
D239.065.0196b03.01ཤིག །བསྐལ་པ་བཟང་པོའི་སངས་རྒྱས་སྟོང་གི་ཐ་མ་སྣང་མཛད་ཅེས་བྱ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་རིག་པ། བླ་ན་མེད་པ་སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་
D239.065.0196b04.01དང་མིའི་སྟོན་པ་སངས་རྒྱས་བཅོམ་ལྡན་འདས་དེའི་སྤྱན་སྔར་ཡང་སྡིག་པའི་ལས་ཀྱི་སྒྲིབ་པ་ཐམས་ཅད་ཤིན་ཏུ་སོ་སོར་ཤོགས་ཤིག་དང་། ལྷག་མ་མ་ལུས་པར་ཡོངས་སུ་བྱང་བར་འགྱུར་རོ། །དེའི་ཚེ་ཉན་ཐོས་དེ་དག་དང་། བྱང་ཆུབ་སེམས་དཔའ་དེ་དག་གིས་གསོལ་པ་དེ་དེ་བཞིན་ནོ། །བཅོམ་
D239.065.0196b05.01ལྡན་འདས་བདག་ཅག་གལ་ཏེ་འདི་ལྟར་སངས་རྒྱས་སྟོང་གི་ཐ་མ་སྣང་མཛད་ཀྱི་ཚེ། ཡང་དག་པའི་ལྟ་བ་ཐོབ་ཅིང་ལོག་པར་ལྟ་བ་རྣམ་པར་སྤངས་ཏེ། སྡིག་པའི་ལས་ཀྱི་སྒྲིབ་པ་ཐམས་ཅད་ལྷག་མ་མ་ལུས་པར་འབྱང་ཞིང་སྡུག་བསྔལ་ཐམས་ཅད་ལས་རྣམ་པར་གྲོལ་བར་འགྱུར་ན།
D239.065.0196b06.01བདག་ཅག་བསྐལ་པ་བཟང་པོ་འདི་ལ་མཚམས་མེད་པའི་སེམས་ཅན་དམྱལ་བར་སྐྱེས་ཏེ། སྡུག་བསྔལ་རྣམ་པ་སྣ་ཚོགས་མྱོང་ན་ཡང་བཟོད་དོ། །བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །ཁྱེད་ཀྱིས་འདི་ལྟར་རྟུལ་ཕོད་པ་དང་། ཤིན་ཏུ་འབད་པའི་བརྩོན་
D239.065.0196b07.01