完整藏文原文 · 德格版页 当前仅加载第 65 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་སྦྱོར་བའོ། །ཡོངས་སུ་དག་པས་ཀྱང་བྱ་བའི་ལས་ཀྱི་དངོས་པོ་གཉིས་བྱེད་པར་འགྱུར་ཏེ། ཀུན་ནས་ཉོན་མོངས་པ་སྤོང་བ་དང་། ལྟ་བ་ཡོངས་སུ་དག་པའོ། །དེ་ལྟར་སྦྱོར་བ་རྣམ་པ་དྲུག་གིས་དབུགས་ཕྱི་ནང་དུ་རྒྱུ་བ་ལ་རྟོག་པ་བསྒོམས་པས་ཉེ་
D239.065.0124a01.01བར་ལེན་པའི་ཕུང་པོ་ལྔ་རྟོགས་པ་དང་རྗེས་སུ་འཐུན་པར་འཇུག་གོ། །དེ་ཅིའི་ཕྱིར་ཞེ་ན། ཇི་ལྟར་དབུགས་ཕྱི་ནང་དུ་རྒྱུ་བའི་རང་བཞིན་ནི་གཟུགས་ཉེ་བར་ལེན་པའི་ཕུང་པོའོ། །དབུགས་ཕྱི་ནང་དུ་རྒྱུ་བ་ལེན་ཅིང་མྱོང་བར་བྱེད་པ་ནི་ཚོར་བ་ཉེ་བར་ལེན་པའི་ཕུང་པོའོ། །དབུགས་ཕྱི་ནང་དུ་རྒྱུ་བའི་
D239.065.0124a02.01མཚན་ཉིད་ལེན་པ་ནི་འདུ་ཤེས་ཉེ་བར་ལེན་པའི་ཕུང་པོའོ། །དབུགས་ཕྱི་ནང་དུ་རྒྱུ་བ་མངོན་དུ་བྱེད་པ་ནི་འདུ་བྱེད་ཉེ་བར་ལེན་པའི་ཕུང་པོའོ། །དབུགས་ཕྱི་ནང་དུ་རྒྱུ་བ་བྱེ་བྲག་ཏུ་འབྱེད་པ་ནི་རྣམ་པར་ཤེས་པ་ཉེ་བར་ལེན་པའི་ཕུང་པོ་སྟེ། དེ་ལྟར་ཉེ་བར་ལེན་པའི་ཕུང་པོ་རྣམ་པ་ལྔ་བཤད་པ་ནི་
D239.065.0124a03.01སོ་སོ་བ། ཐ་དད་པ་མི་འདྲ་བ། གསར་མ་ཡིན་པ། རྙིང་མ་ཡིན་པ། གནས་མེད་པ། སྤུངས་པ་མེད་པ་མ་ཡིན་པ། བརྗོད་དུ་མེད་པའོ། །དེ་ལྟར་ཉེ་བར་ལེན་པའི་ཕུང་པོ་ལྔ་ཤིན་ཏུ་རྟོགས་པས་འདུ་བྱེད་རྣམ་པ་གསུམ་ཡོངས་སུ་སྤོང་བར་འགྱུར་རོ། །གལ་ཏེ་དེ་ལྟར་འདུ་
D239.065.0124a04.01བྱེད་རྣམ་པ་གསུམ་ཡོངས་སུ་ཟད་པར་རྗེས་སུ་བརྟགས་པའི་མཐར་ཕྱིན་ན་རྣམ་པར་ཤེས་པ་དང་བཅས་པའི་ལུས་དང་། ཡུལ་དྲུག་རྗེས་སུ་རྟོགས་པའི་མཐར་ཕྱིན་པར་འགྱུར་རོ། །བདག་དང་བདག་གིར་ཞེན་པ་དང་། ལས་དང་། མ་རིག་པ་དང་། སྲིད་པའི་རྒྱུ་དང་། ཞིང་དང་།
D239.065.0124a05.01ཀུན་ནས་འགེབས་པའི་རླན་པ་ཡང་ཐམས་ཅད་ཟད་པར་འགྱུར་རོ། །དེ་བཞིན་དུ་དྲན་པ་ཉེ་བར་གཞག་པ་བཞི་བསྒོམ་པ་ཡང་ཡོངས་སུ་རྫོགས་པ་ནས་འཕགས་པའི་ལམ་ཡན་ལག་བརྒྱད་པའི་བར་དུ་ཡང་བསྒོམ་པ་ཡོངས་སུ་རྫོགས་པར་འགྱུར་རོ། །དེ་བཞིན་དུ་སངས་རྒྱས་ཀྱི་
D239.065.0124a06.01ཆོས་མ་འདྲེས་པ་{བཅྭ་,བཅོ་}བརྒྱད་ཀྱི་བར་དུ་ཡང་བསྒོམ་པ་ཡོངས་སུ་རྫོགས་པར་འགྱུར་རོ། །དེ་བཞིན་དུ་རྣམ་པ་ཐམས་ཅད་མཁྱེན་པའི་ཡེ་ཤེས་དང་། མི་སྐྱེ་བའི་ཆོས་ཀྱི་བཟོད་པ་དང་། དཔའ་བར་འགྲོ་བའི་ཏིང་ངེ་འཛིན་ལ་སོགས་པའི་བར་དུ་བསྒོམ་པ་ཡོངས་སུ་རྫོགས་པར་འགྱུར་
D239.065.0124a07.01