完整藏文原文 · 德格版页 当前仅加载第 65 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
ཟེར་དེའི་དབང་གིས་སངས་རྒྱས་ཀྱི་ཞིང་ཐམས་ཅད་ཀྱི་སེམས་ཅན་གང་སྡུག་བསྔལ་གྱིས་གདུངས་པ་དག་ཐམས་ཅད་ཞི་ནས་རབ་ཏུ་བདེ་བ་དང་ལྡན་པར་མཐོང་ངོ་། །གཞན་ཡང་སངས་རྒྱས་ཀྱི་ཞིང་དེ་དག་ཐམས་ཅད་དུ་འོད་ཀྱིས་སྣང་བར་བྱས་པས་སྤྲིན་དང་། རྡུལ་དང་། ན་བུན་དང་།
D239.065.0101b01.01རླུང་དང་། རྫི་ཆར་དང་། བཀྲ་མི་ཤིས་པའི་སྒྲ་དང་། དྲི་མི་ཞིམ་པ་དང་། ཁ་བ་དང་ཚ་བ་ལ་སོགས་པའི་རོ་ངན་པ་དང་། ཡིད་དུ་མི་འོང་བའི་རེག་བྱ་དང་། འཇིགས་སྐྲག་པ་དང་། གནོད་པ་མང་པོ་རྣམས་མེད་པར་གྱུར་ཏོ། །གཞན་ཡང་ལས་ངན་པ་དང་། ལོག་པའི་
D239.065.0101b02.01ངག་དང་། ལོག་པའི་བསམ་པ་དང་། ལོག་པར་ཕྱོགས་པ་དང་ཡོངས་སུ་བྲལ་ཏེ་ལྷག་པར་མི་གྲང་བ་དང་། ལྷག་པར་མི་ཚ་བ་དང་། རབ་ཏུ་ཞི་ཞིང་བདེ་བ་དང་། ས་གཞི་ལག་མཐིལ་ལྟར་མཉམ་པ་དང་། བདེ་བའི་ཡོ་བྱད་དམ་པ་ཐམས་ཅད་ཀྱིས་ཡོངས་སུ་གང་བར་
D239.065.0101b03.01གྱུར་ཏོ། །དེའི་ཚེ་ན་འཁོར་མང་པོ་རྣམས་ཀྱི་སོ་སོའི་ལུས་ཀྱི་སའི་ཁམས་ལྷག་པར་ལྕི་ཞིང་མི་ཐེག་པ་ཙམ་དུ་གྱུར་ཏོ། །ལྟས་འདི་ལྟ་བུར་གྱུར་པ་མཐོང་ནས་ཐམས་ཅད་ཀྱང་དངངས་ཏེ། དེ་ཅིའི་རྒྱུ་ཅིའི་རྐྱེན་གྱིས་ལྟས་འདི་ལྟ་བུར་གྱུར་སྙམ་དུ་རྟོག་པ་སྐྱེས་སོ། །དེའི་ཚེ་འཁོར་
D239.065.0101b04.01གྱི་དཀྱིལ་འཁོར་དེའི་ནང་ན་བརྒྱ་བྱིན་ལྷའི་དབང་པོ་དྲི་མ་མེད་པར་སྐྱེས་ཞེས་བྱ་བ་བཅོམ་ལྡན་འདས་དང་ཧ་ཅང་ཡང་མི་རིང་བ་ཞིག་ན་འདུག་པ་ལས་ལངས་ནས། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་
D239.065.0101b05.01ནས་ཚིགས་སུ་བཅད་པ་འདི་སྐད་ཅེས་གསོལ་ཏོ། །བདེན་པར་གསུང་ཞིང་བདེན་གཟིགས་པ། །བདེན་ལ་རབ་གནས་ཐུབ་པ་ཁྱོད། །འདུས་པའི་འཁོར་མང་ཐམས་ཅད་ལ། །མཐར་ཕྱིན་བདེན་པའི་ཆོས་གསུངས་ཤིག །སོ་སོའི་སྐྱེ་བོ་མང་པོ་དག །སྡུག་བསྔལ་
D239.065.0101b06.01རྒྱུ་དང་སྡུག་བསྔལ་སེལ། །ཅི་ཡི་སླད་དུ་འཁོར་འདིར་ནི། །སྤྲིན་དང་ཆར་རྣམས་གདའ་བར་གྱུར། །འཁོར་རྣམས་རབ་ཏུ་དགའ་རངས་ནས། །ཤིན་ཏུ་དད་པའི་བསམ་པ་སྐྱེས། །ཐེག་པ་ཆེན་པོར་ཐམས་ཅད་གཞོལ། །ཡང་དག་ལྟ་སྐྱེ་སོམ་ཉི་རྒལ། །འཁོར་མང་
D239.065.0101b07.01