完整藏文原文 · 德格版页 当前仅加载第 65 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
དུག་ཅན་གྱིས་གླང་པོ་ཆེའི་རྒྱལ་པོ་ལ་འཕངས་ནས་གཟས་པ་བཞིན་དུ་སྙིང་ལ་ཕོག་གོ། །དེ་ནས་གླང་པོ་ཆེ་མོས་སྐད་ཆེན་པོ་ཕྱུང་སྟེ་ངུས་ནས། སྐད་ཀྱིས་བརྣངས་བཞིན་དུ་ཚིགས་སུ་བཅད་པ་འདི་སྐད་ཅེས་སྨྲས་སོ། །ཆོས་གོས་གྱོན་པ་དེ་དག་ནི། །སངས་རྒྱས་ལ་ནི་སྐྱབས་སོང་
D239.065.0153a01.01སྙམ། །ཆ་ལུགས་ཤིན་དུ་ཞིར་སྣང་ཡང་། །གདུག་པའི་སེམས་ནི་ཁོང་ན་སྲེལ། །ལྷ་ཡི་སྐུ་ལ་མདའ་འཕེན་པའི། །དགྲ་དེ་ཤིན་དུ་བརླག་པའི་ཕྱིར། །མྱུར་དུ་ལུས་ཀུན་བརྫིས་ནས་སུ། །འཚོ་བའི་དབང་དང་དབྲལ་བར་བྱ། །དེ་ནས་གླང་པོ་ཆེའི་རྒྱལ་པོས་ཚིགས་སུ་བཅད་དེ་སྨྲས་པ། འཚོ་བའི་སྲོག་
D239.065.0153a02.01དང་བྲལ་ཀྱང་སླའི། །སྡིག་པའི་སེམས་ནི་བསྐྱེད་མི་རིགས། །འདི་དག་སླུ་བའི་སེམས་ཡོད་ཀྱང་། །ཆ་ལུགས་སངས་རྒྱས་སློབ་མ་འདྲ། །མཁས་པའི་སེམས་ནི་རྣམ་དག་པ། །སྲོག་གི་ཕྱིར་ནི་མ་ཡིན་ཏེ། །སྐྱེ་བོ་མང་པོ་བསྒྲལ་བའི་ཕྱིར། །རྟག་ཏུ་བྱང་ཆུབ་སྤྱད་པ་སྤྱོད། །དེའི་ཚེ་གླང་པོ་ཆེའི་
D239.065.0153a03.01རྒྱལ་པོས་སྙིང་བརྩེ་བའི་སེམས་སྐྱེས་ནས་མི་དེ་དག་ལ་འདི་སྐད་ཅེས་སྨྲས་སོ། །ཁྱེད་ང་ལ་ཅི་འདོད། དེ་དག་གིས་སྨྲས་པ། ཁྱོད་ཀྱི་མཆེ་བ་འདོད་དོ། །གླང་པོ་ཆེའི་རྒྱལ་པོ་སྙིང་ཤིན་དུ་དགའ་ནས་མཆེ་བ་ཕྱུང་སྟེ་དེ་དག་ལ་བྱིན་ནས་ཚིགས་སུ་བཅད་དེ་སྨྲས་པ། ཁྲོ་ཞིང་ཕངས་པའི་བསམ་པ་
D239.065.0153a04.01མེད་བཞིན་དུ། །ཁྱེད་ལ་ང་ཡི་མཆེ་བ་དཀར་པོ་འདི། །བྱིན་པའི་བསོད་ནམས་མངོན་པར་སངས་རྒྱས་ནས། །སྐྱེ་བོའི་ཉོན་མོངས་ནད་རྣམས་ཞི་བྱེད་ཤོག །རིགས་ཀྱི་བུ་སྔོན་འདས་པའི་དུས་ན་དེ་ལྟར་གླང་པོ་ཆེའི་རྒྱལ་པོ་བྱོལ་སོང་གི་སྐྱེ་གནས་སུ་གྱུར་པ་ཡང་བླ་ན་མེད་པ་ཡང་དག་པར་རྫོགས་
D239.065.0153a05.01པའི་བྱང་ཆུབ་འདོད་པའི་ཕྱིར་ལུས་དང་སྲོག་ལ་མ་ཆགས་པར་བཏང་ནས་ཆོས་གོས་གྱོན་པ་དེ་ལ་རིམ་གྲོ་དང་། བསྟི་སྟང་བྱ་བའི་ཕྱིར་དེས་དགྲར་བྱས་ཀྱང་ལན་མི་ལྡོན་པ་ལ་ལྟོས། མ་འོངས་པའི་དུས་ན་རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་། ཚོང་དཔོན་དང་།
D239.065.0153a06.01དགེ་སྦྱོང་དང་། བྲམ་ཟེ་གདོལ་པ་ཅན་དག་ཡང་དག་པར་གླེན་པའི་རང་བཞིན་ཅན་ཡིན་ཡང་ཅུང་ཟད་ཙམ་གྱི་ཤེས་པ་སྙེམས་ཏེ། གཡོ་དང་སྒྱུས་འཚོ་ཞིང་འཇིག་རྟེན་དག་བསླུས་ནས་འཇིག་རྟེན་ཕྱི་མའི་སྡུག་བསྔལ་གྱི་འབྲས་བུ་ལ་འཇིགས་པར་མི་ལྟ་བས་ངའི་བསྟན་པ་ལ་སྐྱབས་སུ་སོང་ཞིང་རབ་ཏུ་བྱུང་བ་
D239.065.0153a07.01