完整藏文原文 · 德格版页 当前仅加载第 65 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོལ་བའི་ཕྱིར་ཐེག་པ་ཆེན་པོའི་སྣོད་མ་ཡིན་ནོ། །དེ་དག་བདག་གི་ཀུན་ནས་ཉོན་མོངས་པའི་མགོ་བཅད་པས་སེམས་ཅན་ཐམས་ཅད་ཀྱི་ཀུན་ནས་ཉོན་མོངས་པའི་མགོ་གཅོད་པ་ལ་མི་སྤྲོ་བས་ཐེག་པ་ཆེན་པོའི་སྣོད་མ་ཡིན་ནོ། །དེ་དག་ཐེག་པ་ཆེན་པོའི་འཁོར་
D239.065.0182b01.01ལོས་བྱང་ཆུབ་ལ་འབབ་པ་མ་ཡིན་པས་ན་ཐེག་པ་ཆེན་པོའི་སྣོད་མ་ཡིན་ནོ། །དེ་དག་འོད་ཆེན་པོའི་འཁོར་ལོས་བྱང་ཆུབ་ལ་འབབ་པ་མ་ཡིན་པས་ན་ཐེག་པ་ཆེན་པོའི་སྣོད་མ་ཡིན་ནོ། །དེ་དག་གཅིག་པུ་ཟླ་མེད་པར་མྱ་ངན་ལས་འདས་པའི་གྲོང་ཁྱེར་དུ་འགྲོ་བ་ལ་
D239.065.0182b02.01དགའ་ཞིང་ནན་ཏན་བྱེད་པས་ན་ཐེག་པ་ཆེན་པོའི་སྣོད་མ་ཡིན་ནོ། །རིགས་ཀྱི་བུ་སེམས་ཅན་གང་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པའི་ཆོས་ལ་ནན་ཏན་མ་བྱས་པ་བརྩོན་འགྲུས་མ་བརྩམས་པ་དག་ནི་དབང་པོ་ཡོངས་སུ་མ་སྨིན་ཏེ། དབང་
D239.065.0182b03.01པོ་ཞན་པ། བརྩོན་འགྲུས་ཆུང་བདག་ལ་གལ་ཏེ་ཤིན་ཏུ་ཟབ་མོ་ཐེག་པ་ཆེན་པོའི་དམ་པའི་ཆོས་བསྟན་ན་བཤད་པ་དང་ཉན་པ་གཉི་ག་ཁ་ན་མ་ཐོ་བ་ཆེན་པོའི་སྡིག་ཐོབ་པར་འགྱུར་ཏེ་དེ་ནི་སངས་རྒྱས་ཐམས་ཅད་ལ་འཁུས་པ་ཡིན་ནོ། །དེ་ཅིའི་ཕྱིར་ཞེ་ན།
D239.065.0182b04.01སེམས་ཅན་གང་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པའི་ཆོས་ལ་ནན་ཏན་མ་བྱས་ཤིང་བརྩོན་འགྲུས་མ་བརྩམས་ཏེ། དབང་པོ་ཞན་པ། བརྩོན་འགྲུས་ཆུང་བ་དག་ཤིན་ཏུ་ཟབ་པ་ཐེག་པ་ཆེན་པོའི་དམ་པའི་ཆོས་མཉན་ན་སེམས་ཅན་དེ་
D239.065.0182b05.01ནི་ཡང་དག་པར་གླེན་པ། གཏི་མུག་པ་ཡིན་ཏེ་དེ་ནི་བདག་ཤེས་པར་ཁས་འཆེ་ཡང་ཆད་པའི་མཐའ་དང་། ལོག་པའི་འདུ་ཤེས་སུ་འགྱུར་བ་དང་རྒྱུ་མེད་པར་སྨྲ་ཞིང་ལས་ཀྱི་འབྲས་བུ་རྣམས་ལ་མེད་པར་འཛིན་པས་དགེ་བ་བྱས་པ་དང་། སྡིག་པ་བྱས་པ་ཐམས་
D239.065.0182b06.01ཅད་ལ་མེད་པར་འཛིན་པ་དང་། ཐེག་པ་ཆེན་པོ་ལ་{བརྫུན་,རྫུན་}དུ་སྨྲ་ཞིང་ངའི་དམ་པའི་ཆོས་མ་རུང་བར་བྱེད་པ་ཆོས་མ་ཡིན་པ་ལ་ནི་ཆོས་ཡིན་པར་འཆད་པ་ཆོས་ལ་ནི་ཆོས་མ་ཡིན་པར་འཆད་པ། དགེ་སྦྱོང་མ་ཡིན་པ་ལ་དགེ་སྦྱོང་ཡིན་པར་འཆད་པ། དགེ་སྦྱོང་ཡང་
D239.065.0182b07.01