完整藏文原文 · 德格版页 当前仅加载第 65 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
ལྐུགས་པ་དང་། དིག་པ་དང་། རྟག་ཏུ་ལྕེ་ནད་ཅན་དུ་གྱུར་པ་ལས་བཅོམ་ལྡན་འདས་ཀྱི་བྱིན་གྱི་རླབས་ཀྱིས་སྨྲ་ནུས་པ་དང་། སྔོན་འདས་པའི་དུས་ན་མི་དགེ་བའི་ལས་ཀྱི་སྒྲིབ་པ་ཅི་དང་ཅི་བགྱིས་པ་ཐམས་ཅད་དང་དྲན་པར་གྱུར་ཏོ། །དེའི་ནང་ན་ཡང་ཁ་ཅིག་ནི། འདི་སྐད་དུ་བཙུན་པ་
D239.065.0193b01.01བཅོམ་ལྡན་འདས་བདག་ཅག་སྔོན་བཅོམ་ལྡན་འདས་གཙུག་ཏོར་ཅན་གྱི་བསྟན་པའི་ཆོས་ལ་ཁ་ཅིག་གིས་ནི་ཐེག་པ་ཆེན་པོ་ལ་སྐུར་ཏོ། །ཁ་ཅིག་གིས་ནི་རང་སངས་རྒྱས་ཀྱི་ཐེག་པ་ལ་སྐུར་པ་ནས་སྔོན་གྱི་དམིགས་པ་ཇི་ལྟ་བ་བཞིན་དུ་སྟོན་པ་ཡང་ཇི་ལྟར་རྒྱས་པར་བཤད་པ་བཞིན་ནོ། །
D239.065.0193b02.01དེའི་ནང་ན་ཁ་ཅིག་ནི་འདི་སྐད་དུ་བཙུན་པ་བཅོམ་ལྡན་འདས་བདག་ཅག་སྔོན་ཐམས་ཅད་སྐྱོབ་དེ་བཞིན་གཤེགས་པའི་བསྟན་པ་ལ་ཁ་ཅིག་གིས་ནི་ཐེག་པ་ཆེན་པོ་ཡང་དག་པའི་ཆོས་ལ་སྐུར་པ་ནས་དམིགས་པ་ཇི་ལྟ་བ་བཞིན་དུ་སྟོན་པ་ཡང་ཇི་ལྟར་གོང་དུ་རྒྱས་པར་བཤད་པ་ཡིན་ནོ། །དེ་
D239.065.0193b03.01ལ་ཁ་ཅིག་གིས་ནི་འདི་སྐད་དུ་བཙུན་པ་བཅོམ་ལྡན་འདས་བདག་ཅག་སྔོན་ལོག་པར་དད་སེལ་དེ་བཞིན་གཤེགས་པའི་བསྟན་པ་ལ་ཁ་ཅིག་ནི་ཐེག་པ་ཆེན་པོ་ཡང་དག་པའི་ཆོས་ལ་སྐུར་པ་ནས་དམིགས་པ་ཇི་ལྟ་བ་བཞིན་དུ་སྟོན་པ་ཡང་ཇི་ལྟར་གོང་དུ་རྒྱས་པར་བཤད་པ་བཞིན་ནོ། །
D239.065.0193b04.01དེ་ལ་ཁ་ཅིག་གིས་ནི་འདི་སྐད་དུ་བཙུན་པ་བཅོམ་ལྡན་འདས་བདག་ཅག་སྔོན་གསེར་ཐུབ་དེ་བཞིན་གཤེགས་པའི་བསྟན་པ་ལ་ཁ་ཅིག་གིས་ནི་ཐེག་པ་ཆེན་པོ་དམ་པའི་ཆོས་ལ་སྐུར་པ་ནས་དམིགས་པ་ཇི་ལྟ་བ་བཞིན་དུ་སྟོན་པ་ཡང་ཇི་ལྟར་གོང་དུ་རྒྱས་པར་བཤད་པ་ཡིན་ནོ། །དེ་ལ་ཁ་ཅིག་
D239.065.0193b05.01གིས་ནི་འདི་སྐད་དུ་བཙུན་པ་བཅོམ་ལྡན་འདས་བདག་ཅག་སྔོན་འོད་སྲུང་དེ་བཞིན་གཤེགས་པའི་བསྟན་པ་ལ་ཁ་ཅིག་གིས་ནི་ཐེག་པ་ཆེན་པོའི་དམ་པའི་ཆོས་ལ་སྐུར་ཏོ། །ཁ་ཅིག་གིས་ནི་རང་སངས་རྒྱས་ཀྱི་ཐེག་པའི་ཆོས་ལ་སྐུར་ཏོ། །ཁ་ཅིག་གིས་ནི་ཉན་ཐོས་ཀྱི་ཐེག་པ་པའི་ཆོས་ལ་
D239.065.0193b06.01སྐུར་བ་ནས་ཆུང་ངུ་ན་ཚིགས་སུ་བཅད་པ་གཅིག་ཙམ་ལ་སྐུར་པས་མི་དགེ་བའི་ལས་ཀྱི་དབང་གིས་དེ་ཚུན་ཆད་འཁོར་བར་འཁོར་ཏེ། རྟག་ཏུ་སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་དུ་སྐྱེས་ཤིང་ལྐུགས་པ་དང་། དིག་པ་དང་། ལྕེ་མེད་པ་དང་། བརྡ་
D239.065.0193b07.01