完整藏文原文 · 德格版页 当前仅加载第 65 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཞིང་འདི་ཀུན། །སྡིག་པས་དགེ་བ་ཉམས་བགྱིས་ཤིང་། །བློ་ཅན་དག་གིས་སྤངས་པ་ཡི། །ངན་པར་སྤྱོད་ཀུན་ལྷན་ཅིག་གནས། །མཚམས་མེད་སྡིག་པ་བགྱིད་པ་དང་། །ཡང་དག་དམ་པའི་ཆོས་ལ་སྐུར། །འཕགས་ལ་སྨོད་ཅིང་ལོག་ལྟ་བས། །རྟག་དང་ཆད་པའི་གཙུག་
D239.065.0118b01.01ལག་འཆད། །སྡིག་པ་བཅུ་ཡི་ལས་བགྱིད་ཅིང་། །འཇིག་རྟེན་ཕྱི་མས་མི་འཇིགས་པ། །ཐེག་པ་རྣམ་གསུམ་རིང་སྤངས་ཤིང་། །སྡིག་ཅན་དག་ལ་ངན་འགྲོར་གཞོལ། །མ་རིག་པས་ནི་བསྒྲིབས་པའི་མིག །འདོད་ཆགས་ཕྲག་དོག་སྒྱུས་འཚོ་བ། །སངས་རྒྱས་འཁོར་ལོ་རབ་
D239.065.0118b02.01བསྐོར་ཏེ། །སེམས་ཅན་འདི་དག་སྒྲོལ་བར་མཛད། །ཇི་ལྟར་ཉིང་མཚམས་སྦྱོར་བ་ཡི། །ཉོན་མོངས་རྡོ་རྗེ་ལྟ་བུས་བཅད། །ཇི་ལྟ་བུར་ན་གཟུངས་དག་འཐོབ། །དེ་བཞིན་བཟོད་པའང་ངེས་པར་འགྱུར། །བདག་གིས་འདྲེན་པ་ཚོགས་ཆེན་དག །མཐོང་བར་གྱུར་པ་ངོ་མཚར་ཆེ། །
D239.065.0118b03.01འདི་འདྲའི་ཡོན་ཏན་ཀུན་ཚོགས་པ། །ཕྱོགས་གཞན་དག་ན་མ་མཐོང་ངོ་། །ཡོན་ཏན་མང་པོ་ཀུན་ལྡན་ཞིང་། །བྱང་ཆུབ་ལམ་ལ་རབ་བརྩོན་པས། །ཇི་ལྟར་བྱིས་པའི་འཁོར་དག་ལ། །སངས་རྒྱས་འཁོར་ལོ་བསྐོར་བ་མཛད། །བཅོམ་ལྡན་འདས་ཀྱིས་བཀའ་སྩལ་པ། ལེགས་
D239.065.0118b04.01སོ་ལེགས་སོ། །རིགས་ཀྱི་བུ་ཁྱོད་ཀྱི་སྔོན་འདས་པའི་དུས་ན་ཡང་ཆུ་ཀླུང་གང་གཱའི་བྱེ་མ་སྙེད་ཀྱི་སངས་རྒྱས་དག་གི་ཞིང་ན་རྙོག་པ་ལྔའི་ཚེ། སངས་རྒྱས་བཅོམ་ལྡན་འདས་ཆུ་ཀླུང་གང་གཱའི་བྱེ་མ་སྙེད་ལ་སྔོན་འདི་ལྟ་བུའི་དོན་དག་ཞུ་བ་ཞུས་སོ། །ཁྱོད་ཀྱིས་དྲིས་པའི་དོན་འདི་དག་ལ་
D239.065.0118b05.01སྔོན་ཡང་ནན་ཏན་ཤིན་ཏུ་བྱས་པས་ཤིན་ཏུ་རྟོགས་ཤིང་ཁོང་དུ་ཆུད་དོ། །སྤྱོད་པ་མང་པོ་ཕུན་སུམ་ཚོགས་པ་ཕ་རོལ་ཏུ་ཕྱིན་པས་ཤིན་ཏུ་ཐབས་མཁས་པའི་ཤེས་རབ་དང་ལྡན་ཏེ། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། ཕན་པ་དང་བདེ་བའི་དོན་ཐོབ་པར་བྱ་བ་དང་། བྱང་ཆུབ་སེམས་
D239.065.0118b06.01དཔའ་སེམས་དཔའ་ཆེན་པོ་ཐམས་ཅད་ཐབས་མཁས་པས་འཕགས་པའི་སྤྱོད་པའི་གཏེར་སྦྱིན་པ་ལ་སོགས་པ་ཕ་རོལ་ཏུ་ཕྱིན་པ་དྲུག་གིས་སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་སྤྱོད་པའི་ཁྱད་པར་དང་། ཐམས་ཅད་མཁྱེན་པའི་ཡེ་ཤེས་ཀྱི་ཡོན་ཏན་རྒྱ་མཚོ་ཡོངས་སུ་རྫོགས་
D239.065.0118b07.01