完整藏文原文 · 德格版页 当前仅加载第 65 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
དག་པ་ལ་ནི་དགེ་སྦྱོང་མ་ཡིན་པར་འཆད་པ་འདུལ་བ་མ་ཡིན་པ་ལ་ནི་འདུལ་བར་འཆད་པ་འདུལ་བ་ཡང་དག་པ་ལ་ནི་འདུལ་བ་མ་ཡིན་པར་འཆད་དེ། གླེན་པ་གཏི་མུག་གི་རང་བཞིན་ཅན་ང་རྒྱལ་གྱིས་མངོན་པར་ཟིན་པ། ཕྲག་དོག་དང་སེར་སྣས་
D239.065.0183a01.01ཡོངས་སུ་བསྟེན་པ་ཐེག་པ་ཆེན་པོའི་ཆོས་ལ་བསྟོད་ཅིང་སྲུང་བ་དང་ཀུན་ཏུ་རྒྱས་པར་བྱེད་ཀྱང་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པའི་ཆོས་ལ་འཕྱ་ཞིང་སྐུར་ནས་རྒྱས་པར་མི་བྱེད་དོ། །དེ་ནི་ཉན་ཐོས་ཀྱི་ཐེག་པ་དང་རང་སངས་རྒྱས་ཀྱི་ཐེག་པ་དང་།
D239.065.0183a02.01བླ་ན་མེད་པ་ཡང་དག་པའི་ཐེག་པ་ལ་བརྟེན་ཏེ། ཁྱིམ་ནས་ཁྱིམ་མ་ཡིན་པར་རབ་ཏུ་བྱུང་ནས་བསྙེན་པར་རྫོགས་ཀྱང་དགེ་སློང་ཉིད་དུ་འགྱུར་བར་ཡང་དག་པ་ཇི་ལྟ་བ་བཞིན་དུ་མི་ཤེས་པ་དང་། དགེ་བའི་ཆོས་ཐམས་ཅད་མངོན་པར་སྡུད་པའི་རྒྱུ་ཡང་དག་པ་ཇི་
D239.065.0183a03.01ལྟ་བ་བཞིན་དུ་མི་ཤེས་པས་ངའི་སློབ་མ་ཆོས་ཀྱི་སྣོད་དུ་གྱུར་པ་དང་། ཆོས་ཀྱི་སྣོད་དུ་མ་གྱུར་པ་དང་། སློབ་པ་དང་། མི་སློབ་པ་ལ་ནན་ཏན་བྱེད་པ་དང་། མཐའི་གནས་བྱས་པའི་འབྲས་བུ་ཐོབ་པ་དང་། དགེ་བའི་སྐྱེ་བོ་ཚུལ་ཁྲིམས་སྲུང་བ་དང་། ཚུལ་
D239.065.0183a04.01ཁྲིམས་ཉམས་པ་དང་། ཚུལ་ཁྲིམས་མེད་པ་དག་ལ་རྣམ་པ་སྣ་ཚོགས་ཀྱིས་སྤྱོ་ཞིང་གཤེ་བ་དང་། གནོད་པ་བྱེད་པ་དང་། ཆོས་གོས་དང་། ལྷུང་བཟེད་འཕྲོག་པ་དང་། འཚོ་བའི་ཡོ་བྱད་ལ་སྤྱོད་དུ་མི་སྟེར་བ་དང་། བཟུང་ཞིང་བཅིང་བ་ཡང་བྱེད་དོ། །
D239.065.0183a05.01དེ་ལྟར་རྒྱུ་དང་འབྲས་བུ་ཐམས་ཅད་མེད་པར་ལྟ་ཞིང་ཆད་པར་སྨྲ་བ་དག་ནི་མིའི་ནང་ན་གནས་ཀྱང་དེ་ནི་ཡང་དག་པར་སྲིན་པོ་ཞེས་བྱ་སྟེ། མ་འོངས་པའི་དུས་ན་བསྐལ་པ་ཆེན་པོ་གྲངས་མེད་པའི་བར་དུ་ཡང་མིའི་ལུས་ཐོབ་པར་དཀའོ། །སེམས་ཅན་དམྱལ་བར་ཚད་མེད་
D239.065.0183a06.01པའི་སྡུག་བསྔལ་མྱོང་བར་ཡང་སླའི། མིའི་ནང་ན་ཆད་པར་ལྟ་བ་ནི་མ་ཡིན་ནོ། །དེ་ལྟར་གང་ཟག་གླེན་པ་དེ་ནི་རིང་པོ་མི་ཐོགས་པར་ལུས་ཀྱི་ཡན་ལག་དུམ་བུར་ཆད་ཅིང་ཉིན་ཞག་དུ་མར་ལྕེ་ལྐུགས་ཤིང་སྨྲ་མི་ནུས་པ་དང་། ཤིན་ཏུ་མི་བཟད་པའི་ན་བ་དང་ཚ་བའི་
D239.065.0183a07.01