完整藏文原文 · 德格版页 当前仅加载第 65 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གླེངས་ན་ཁ་ན་མ་ཐོ་བའི་སྡིག་པ་ཆེན་པོ་འཐོབ་པར་འགྱུར་བ་བཅུ་ཞེས་བྱའོ། །གལ་ཏེ་བདེན་པ་ཡང་དག་པ་ལ་བརྟེན་ཏེ་གླེངས་ན་ཡང་ཉེས་པར་འགྱུར་ན་བདེན་པ་མ་ཡིན་པ་ལ་བརྟེན་ཏེ་གླེང་བ་ལྟ་ཅི་སྨོས་ཏེ། ཁ་ན་མ་ཐོ་བའི་སྡིག་པ་ཆེན་པོ་ཐོབ་པར་འགྱུར་རོ། །གཞན་ཡང་ཆོས་མ་ཡིན་པ་
D239.065.0145b01.01རྣམ་པ་འདི་བཅུས་ཚུལ་ཁྲིམས་ཉམས་པའི་དགེ་སློང་གི་ཉེས་པ་གླེངས་ན་ཁ་ན་མ་ཐོ་བ་ཆེན་པོའི་སྡིག་འཐོབ་པར་འགྱུར་གྱིས་མཁས་པ་དག་གིས་དེ་ལྟར་མི་བྱའོ། །བཅུ་གང་ཞེ་ན། མུ་སྟེགས་ཅན་དག་གིས་དགེ་སློང་གི་ཉེས་པ་གླེང་བ་དང་། ཚུལ་ཁྲིམས་མེད་པའི་ཁྱིམ་པ་དག་གིས་
D239.065.0145b02.01དགེ་སློང་གི་ཉེས་པ་གླེང་བ་དང་། མཚམས་མེད་པ་བྱས་པ་དག་གིས་དགེ་སློང་གི་ཉེས་པ་གླེང་བ་དང་། དམ་པའི་ཆོས་ལ་སྐུར་པ་དག་གིས་དགེ་སློང་གི་ཉེས་པ་གླེང་བ་དང་། འཕགས་པ་རྣམས་ལ་སྨོད་པ་དག་གིས་དགེ་སློང་གི་ཉེས་པ་གླེང་བ་དང་། གླེན་པ་སེམས་འཁྲུག་པ་དག་གིས་
D239.065.0145b03.01དགེ་སློང་གི་ཉེས་པ་གླེང་བ་དང་། ནད་ཀྱིས་ཡོངས་སུ་གཟིར་བ་དག་གིས་དགེ་སློང་གི་ཉེས་པ་གླེང་བ་དང་། ཕྱོགས་བཞིའི་དགེ་འདུན་གྱི་རུང་བར་བྱེད་པ་བས་དགེ་སློང་གི་ཉེས་པ་གླེང་བ་དང་། བཟའ་ཤིང་གི་ར་བ་སྲུང་བ་དག་གིས་དགེ་སློང་གི་ཉེས་པ་གླེང་བ་དང་། དགེ་སློང་ཆད་པ་པ་
D239.065.0145b04.01དག་གིས་དགེ་སློང་གི་ཉེས་པ་གླེང་བ་སྟེ། ཆོས་མ་ཡིན་པ་རྣམ་པ་འདི་བཅུས་དགེ་སློང་ཚུལ་ཁྲིམས་ཉམས་པའི་ཉེས་པ་གླེངས་ན་ཁ་ན་མ་ཐོ་བའི་སྡིག་པ་ཆེན་པོ་འཐོབ་པར་འགྱུར་རོ། །ཇི་སྟེ་བདེན་པ་ཡང་དག་པ་ལ་བརྟེན་ཏེ་གླེངས་ན་ཡང་ཉེས་པར་འགྱུར་ན་བདེན་པ་མ་ཡིན་པར་གླེང་
D239.065.0145b05.01བ་ལྟ་ཅི་སྨོས་ཏེ། ཁ་ན་མ་ཐོ་བའི་སྡིག་པ་ཆེན་པོ་ཐོབ་པར་འགྱུར་རོ། །གཞན་ཡང་ཨུ་པ་ལི་གལ་ཏེ་དགེ་སློང་ཚུལ་ཁྲིམས་ཉམས་པ་དག་དགེ་སློང་གི་དགེ་འདུན་གྱི་ནང་ན་དགེ་འདུན་དང་ལྷན་ཅིག་ཏུ་གནས་ན། དགེ་སློང་དེའི་ནང་ན་ཚུལ་བཞིན་དུ་བྱེད་པ། སྤྱོད་ལམ་དང་ལྡན་
D239.065.0145b06.01པ། ཡོན་ཏན་ལྔ་ཕྲུགས་དང་ལྡན་པ་གཅིག་འདུག་པ་ལས་ལངས་ཏེ། གོས་ཚགས་བཅོས་ལ་བསྟི་སྟང་དང་བཅས་པས་དགེ་སློང་གི་དགེ་འདུན་གྱི་རྐང་པ་ལ་ཕྱག་འཚལ་ལ། དེ་ནས་ཚུལ་ཁྲིམས་ཉམས་པའི་དགེ་སློང་གི་མདུན་དུ་སོང་ལ་ཉེས་པ་གླེང་ངོ་ཞེས་འདི་སྐད་
D239.065.0145b07.01