完整藏文原文 · 德格版页 当前仅加载第 65 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་གིས་བླ་ན་མེད་པའི་དུས་གསུམ་གྱི་ལས་ཀྱི་ཡེ་ཤེས་ཀྱིས་ཡང་དག་པ་ཇི་ལྟ་བ་བཞིན་དུ་སེམས་ཅན་ཐམས་ཅད་ཀྱི་ལས་དང་། ཆོས་དང་། ཚོར་བ་དང་། རྒྱུ་དང་། འབྲས་བུ་ཡོངས་སུ་སྨིན་པ་མཁྱེན་ཏེ། ཅིས་འདུལ་བ་བཞིན་དུ་ལས་ཀྱི་འཁོར་ལོ་རྣམ་པ་གསུམ་རྣམ་
D239.065.0125b01.01པར་བཞག་ནས་སྣོད་དུ་གྱུར་པའི་སེམས་ཅན་ཐམས་ཅད་ལ་ཕན་པ་དང་བདེ་བའི་དོན་དང་། འཇིགས་པ་མེད་པ་ལ་བདེ་བར་བཀོད་དོ། །འཇིགས་པ་མེད་པས་ལྷ་དང་བདུད་དུ་བཅས་པའི་མུ་སྟེགས་ཅན་ལོག་པར་སྨྲ་བ་ཐམས་ཅད་བཏུལ་ནས་ཚངས་པ་ཆེན་པོའི་འཁོར་ལོ་བསྐོར་
D239.065.0125b02.01ཞིང་། ཚངས་པ་ཆེན་པོའི་སྤྱད་པ་ཡོངས་སུ་གྲུབ་པས་ཡང་དག་པ་ཇི་ལྟ་བ་བཞིན་དུ་སེམས་ཅན་གྱི་རྒྱུ་དང་འབྲས་བུ་ཀུན་མངོན་པར་མཁྱེན་ཏོ། །རིགས་ཀྱི་བུ་འདི་ལྟ་སྟེ། རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་ནི་ཐབས་མཁས་པའི་བློ་དང་ལྡན་
D239.065.0125b03.01པས་དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་ལ་སོགས་པ་ཡོན་ཏན་རྣམ་པ་སྣ་ཚོགས་དང་། མང་དུ་ཐོས་པ་དང་། དཔའ་བོ་དང་། བཟོ་བོ་དང་། རྩལ་ཆེ་བ་དང་། སེམས་ཅན་གང་ཕྱུག་ཅིང་ཡོན་ཏན་དང་ལྡན་པ། ཐབས་
D239.065.0125b04.01མཁས་པའི་བློ་དང་ལྡན་པ། དཔའ་ཞིང་རྟུལ་ཕོད་པ། བརྟན་པ། ཕྱིར་མི་ལྡོག་པ། བསོད་ནམས་རྣམ་པ་སྣ་ཚོགས་ཀྱིས་ཡོངས་སུ་བརྒྱན་པ་དེ་དག་ལ་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོས་དེ་དག་ཅི་དང་ལྡན་པ་བཞིན་ཅི་འོས་ཅི་རིགས་སུ་རིན་
D239.065.0125b05.01པོ་ཆེ་དང་། ནོར་གྱི་དབྱིག་དང་། ཞིང་འབྲོག་དང་། ཁང་ཁྱིམ་དང་། བྲན་དང་། ལས་བྱེད་པའི་མི་ལ་སོགས་པ་ཅི་རིགས་སུ་སྦྱིན་པར་བྱེད་དོ། །ཡུལ་དེ་ན་གནས་པའི་མི་ཡོན་ཏན་དང་ཤེས་པ་ཞན་པ། ལས་བྱས་པ་ཆུང་བ་དག་ལ་ནི་རྒྱལ་ཐབས་སྤྱི་བོ་ནས་དབང་བསྐུར་
D239.065.0125b06.01བའི་རྒྱལ་པོ་ཆེན་པོས་དེ་དག་ལ་ཡང་ཅི་འོས་ཅི་རིགས་སུ་ཤས་ཀྱིས་སྦྱིན་པར་བྱེད་དོ། །ཡུལ་དེ་ན་གནས་པ་བསོད་ནམས་མེད་ཅིང་བརྩོན་འགྲུས་ཆུང་བ། ལེ་ལོ་ཆེ་བ། བག་མེད་པ། དྲན་པ་ཉམས་པ། སྙིང་རྗེའི་སེམས་མེད་པ། བྱས་པ་མི་གཟོ་བ། འཇིག་རྟེན་
D239.065.0125b07.01