完整藏文原文 · 德格版页 当前仅加载第 65 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་དུལ་བ་ཚུལ་ཁྲིམས་དང་ཡོན་ཏན་དུ་ལྡན་པ་བསོད་ནམས་ཀྱི་ཞིང་ཡང་དག་པ་དང་ཕྲད་དེ། ལུས་དང་སེམས་རབ་ཏུ་དགའ་བ་དང་། དེ་ལ་བཀུར་སྟི་དང་བཅས་པས་ཤིན་ཏུ་དད་པ་སྐྱེ་བར་འགྱུར་རོ། །ཚེ་འཕོས་ནས་ཀྱང་ཕྱིར་མིའི་ལུས་སུ་སྐྱེ་ཞིང་དབང་པོ་ཡོངས་སུ་རྫོགས་པ་ཡན་ལག་
D239.065.0209b01.01དང་ལྡན་པ་དང་། གོང་ནས་གང་དུ་སྐྱེས་པར་ཚིག་བཙུགས་པ་དང་། བྱད་གཟུགས་བཟང་བ་དང་། ཡིད་གཞུངས་པ་དང་། རབ་ཏུ་བདེ་ཞིང་སྐྱིད་པ་དང་། ཡིད་དུ་འོང་བའི་དགེ་བའི་བཤེས་གཉེན་ཆོས་ཀྱིས་དུལ་བ་ཚུལ་ཁྲིམས་དང་ཡོན་ཏན་དུ་ལྡན་པ་བསོད་ནམས་ཀྱི་
D239.065.0209b02.01ཞིང་ཡང་དག་པ་དང་ཕྲད་དེ། དེའི་རྗེས་སུ་སློབ་པ་དང་། {བརྫུན་,རྫུན་}དུ་སྨྲ་བ་ཡོངས་སུ་སྤངས་པ་དང་། སྡིག་པ་མི་དགེ་བའི་ཆོས་ཐམས་ཅད་ཡོངས་སུ་གཅོད་པ། དགེ་བའི་ཆོས་ཁྱད་པར་ཅན་ཐམས་ཅད་རྫོགས་པ་དང་། ཐེག་པ་ཆེན་པོའི་ཆོས་ཀྱི་རྣམ་གྲངས་ཐམས་ཅད་ཚོལ་
D239.065.0209b03.01བ་དང་། བྱང་ཆུབ་སེམས་དཔའི་སྨོན་ལམ་དང་སྤྱོད་པ་ཐམས་ཅད་ལ་རིམ་གྱིས་གཞོལ་བ་དང་། ཤིན་ཏུ་ཡངས་པའི་ཡེ་ཤེས་ཀྱི་རྒྱ་མཚོ་ལ་འཇུག་པ་ནས་བླ་ན་མེད་པའི་བྱང་ཆུབ་འཐོབ་པའི་བར་དུ་འགྱུར་རོ། །སངས་རྒྱས་ཀྱི་ཞིང་ཐམས་ཅད་བདེན་པར་སྨྲ་བ། སྒྱུ་དང་
D239.065.0209b04.01བྲལ་བ། ལྷའི་གསུང་གིས་ཡོངས་སུ་བརྒྱན་པ་དང་། སླུ་བ་མེད་ཅིང་སེམས་ཀྱི་སྤྱོད་པ་དྲང་བ་དང་། ཡང་དག་པའི་སྤྱད་པ་རྣམ་པར་དཀར་བའི་ཆོས་འབའ་ཞིག་ལ་སྤྱོད་པ། ལྷའི་གོས་བསུང་ཅན་གྱོན་པ། རིན་པོ་ཆེའི་རྒྱན་གྱིས་བཀོད་པའི་སེམས་ཅན་དག་ཞིང་དེར་སྐྱེ་བར་
D239.065.0209b05.01འགྱུར་རོ། །དེ་བཞིན་གཤེགས་པའི་ཚེའི་ཚད་ཀྱང་དཔག་ཏུ་མེད་དེ། སེམས་ཅན་དག་ཅིས་འདུལ་བ་བཞིན་དུ་ཆོས་སྟོན་ཏོ། །ཡོངས་སུ་མྱ་ངན་ལས་འདས་ནས་ཀྱང་དམ་པའི་ཆོས་ཡུན་རིང་དུ་གནས་ཤིང་སེམས་ཅན་ཚད་མེད་པ་ལ་ཕན་པ་དང་བདེ་བའི་དོན་བྱེད་པར་འགྱུར་རོ། །
D239.065.0209b06.01རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་{བརྫུན་,རྫུན་}དུ་སྨྲ་བ་ཡོངས་སུ་སྤངས་པའི་འཁོར་ལོ་བཞི་པའོ། །བྱང་ཆུབ་སེམས་དཔའ་སེམས་དཔའ་ཆེན་པོས་འཁོར་ལོ་འདི་དང་ལྡན་ན་ཉན་ཐོས་ཀྱི་ཐེག་པ་ལ་འཁྲུལ་པ་མེད་པར་འགྱུར། ཉན་ཐོས་ཀྱི་ཐེག་པའི་གང་ཟག་
D239.065.0209b07.01