完整藏文原文 · 德格版页 当前仅加载第 65 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ་བ་དང་། རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་སྤྱོད་པ་མི་དགེ་བ་ལ་གནས་པ་ཐམས་ཅད་ངན་སོང་གསུམ་ལས་བཟློག་ཅིང་མི་ལྟུང་བར་བྱ་བ་དང་། ཞིང་འདིར་དཀོན་མཆོག་གསུམ་གྱི་གདུང་ཤིན་ཏུ་རྒྱས་ཤིང་ཡུན་རིང་དུ་གནས་པར་བྱ་བའི་ཕྱིར་འདི་ལྟ་བུའི་དོན་
D239.065.0119a01.01དྲིས་པ་ལེགས་སོ། །ཤིན་ཏུ་ལེགས་པར་ཉོན་ལ་ཡིད་ལ་ཟུང་ཤིག་དང་། ངས་བསྟན་པར་བྱའོ། །བཅོམ་ལྡན་འདས་དེ་ལྟར་བགྱིའོ་ཞེས་གསོལ་ནས། བཅོམ་ལྡན་འདས་ལ་སླར་ཉན་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་
D239.065.0119a02.01པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དེ་བཞིན་གཤེགས་པ་ནི་སྔོན་གྱི་སྨོན་ལམ་གྱི་ཤུགས་ཀྱིས་སངས་རྒྱས་ཀྱི་འཁོར་ལོ་རྣམ་པ་བཅུ་དང་ལྡན་ཏེ། སངས་རྒྱས་ཀྱི་ཞིང་རྙོག་པ་ལྔ་ཅན་གྱི་སེམས་ཅན་ཐམས་ཅད་རྣམ་པར་དཀར་བའི་ཆོས་ཐམས་ཅད་ལས་ཕྱིར་ལྡོག་པ་དང་།
D239.065.0119a03.01འཕགས་པའི་ནོར་རིན་པོ་ཆེ་བདུན་གྱིས་བྲེལ་བ་དང་། མཁས་པ་དག་དང་རིང་དུ་གྱུར་པ་ཆད་པ་དང་། རྟག་པའི་དྲ་བས་ཀུན་ནས་གླགས་པ་དང་། ངན་སོང་དུ་འགྲོ་བའི་ཤིང་རྟ་ལ་སྤྲོ་ཞིང་དགའ་བ་དང་། སྐྱེ་བ་ཕྱི་མའི་སྡུག་བསྔལ་ལ་འཇིགས་པར་མི་ལྟ་བ་དང་། མ་རིག་པའི་མུན་ནག་
D239.065.0119a04.01ཐིབས་པོ་ལ་གནས་པ་ལ་དད་པ་དང་། མི་དགེ་བ་བཅུའི་ལས་ཀྱི་ལམ་རྫོགས་པར་བྱེད་པ་དང་། མཚམས་མེད་པ་ལྔ་བྱེད་པ་དང་། དམ་པའི་ཆོས་ལ་སྐུར་ཅིང་འཕགས་པ་ལ་དབང་ཟ་བ། དགེ་བའི་ཆོས་ཐམས་ཅད་རིང་དུ་སྤོང་ཞིང་མི་དགེ་བའི་ཆོས་རྫོགས་པར་བྱེད་པའི་གནས་ན་
D239.065.0119a05.01བཞུགས་སོ། །དེ་ལྟ་བུའི་སྡུག་བསྔལ་རྣམ་པ་སྣ་ཚོགས་དང་ལྡན་པའི་ཞིང་ན་བཞུགས་ཀྱང་རབ་ཏུ་བདེ་བར་བཞུགས་ཏེ། བག་ཚ་བ་མེད་པ་དང་། འཇིགས་སྐྲག་པ་མེད་པས་དྲང་སྲོང་ཆེན་པོའི་གནས་སུ་ཕྱིན་ཏེ། སངས་རྒྱས་ཀྱི་འཁོར་ལོ་བསྐོར་ནས་ལྷ་དང་བདུད་དུ་བཅས་པའི་མུ་
D239.065.0119a06.01སྟེགས་ཅན་ལོག་པར་སྨྲ་བ་ཐམས་ཅད་བཏུལ་ནས། སོ་སོའི་སྐྱེ་བོ་ཐམས་ཅད་ཀྱི་རིགས་ལ་ཉོན་མོངས་པ་ཤིན་ཏུ་སྲ་བ་རྡོ་རྗེ་ལྟ་བུ་དག་བསལ་ནས་ཅི་ལ་མོས་པ་བཞིན་དུ་སོ་སོར་བཀོད་དོ། །མཐུ་དང་ལྡན་པའི་སེམས་ཅན་དག་ནི་ཐེག་པ་གསུམ་ལས་ཕྱིར་མི་ལྡོག་པར་ཡང་མཛད་དོ། །
D239.065.0119a07.01