完整藏文原文 · 德格版页 当前仅加载第 65 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་ཤིང་སེམས་ཅན་ཚད་མེད་པ་ལ་ཕན་པ་དང་བདེ་བའི་དོན་བྱེད་པར་འགྱུར་རོ། །རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཆགས་སེམས་ཡོངས་སུ་སྤངས་པའི་འཁོར་ལོ་བརྒྱད་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་
D239.065.0215a01.01ལོ་འདི་དང་ལྡན་ན་ཉན་ཐོས་ཀྱི་ཐེག་པ་ལ་འཁྲུལ་པ་མེད་པར་འགྱུར། ཉན་ཐོས་ཀྱི་ཐེག་པའི་གང་ཟག་ལ་འཁྲུལ་པ་མེད་པར་འགྱུར་རོ། །རང་སངས་རྒྱས་ཀྱི་ཐེག་པ་ལ་འཁྲུལ་པ་མེད་པར་འགྱུར། རང་སངས་རྒྱས་ཀྱི་ཐེག་པའི་གང་ཟག་ལ་འཁྲུལ་པ་མེད་པར་འགྱུར་རོ། །
D239.065.0215a02.01ཐེག་པ་ཆེན་པོ་ལ་འཁྲུལ་པ་མེད་པར་འགྱུར། ཐེག་པ་ཆེན་པོའི་གང་ཟག་ལ་འཁྲུལ་པ་མེད་པར་འགྱུར་རོ། །དཀོན་མཆོག་གསུམ་གྱི་གདུང་ཡོངས་སུ་འཕེལ་བ་དང་། དེ་བཞིན་གཤེགས་པའི་བསྟན་པ་ལ་རབ་ཏུ་བྱུང་བའི་ཉེ་གནས་ཆོས་ཀྱི་སྣོད་དམ། ཆོས་ཀྱི་སྣོད་མ་
D239.065.0215a03.01ཡིན་པ་ཡང་རུང་ཆུང་ངུ་ན་ཆོས་གོས་ཀྱི་ཚལ་བུ་གྱོན་ཅིང་སྐྲ་དང་ཁ་སྤུ་བྲེགས་པ་ལ་འཁྲུལ་པ་མེད་པར་འགྱུར་རོ། །ཐེག་པ་ཆེན་པོའི་ཆོས་ལ་གོང་ནས་གོང་དུ་འཕར་ཞིང་ཕྱིར་མི་ལྡོག་པ་དང་། རྣོ་བའི་ཤེས་རབ་དང་། བསོད་ནམས་ཀྱི་ཁྱད་པར་རྟག་ཏུ་སྐྱེ་ཞིང་འཕེལ་བ་དང་། ཏིང་ངེ་
D239.065.0215a04.01འཛིན་དང་། གཟུངས་དང་། བཟོད་པ་དང་། ས་རྣམས་ཐམས་ཅད་ལ་དབང་དུ་འགྱུར་ཞིང་ཕྱིར་མི་ལྡོག་པ་དང་། རྟག་ཏུ་དགེ་བའི་བཤེས་གཉེན་དང་ཕྲད་ཅིང་དེའི་རྗེས་སུ་འཐུན་པར་འགྱུར་བ་དང་། རྟག་ཏུ་སངས་རྒྱས་ཐམས་ཅད་མཐོང་བ་དང་མི་འབྲལ་ཞིང་། བྱང་ཆུབ་
D239.065.0215a05.01སེམས་དཔའ་དང་། ཉན་ཐོས་ཀྱི་ཉེ་གནས་མཐོང་བ་དང་མི་འབྲལ་བ་དང་། ཆོས་ཐོས་པ་དང་མི་འབྲལ་བ་དང་དགེ་འདུན་ལ་མཆོད་པ་དང་། བསྙེན་བཀུར་བྱེད་པ་དང་མི་འབྲལ་བ་དང་། དགེ་བའི་རྩ་བ་ཐམས་ཅད་ཚོལ་བ་ལ་བརྩོན་པས་མི་ངོམས་པ། བྱང་ཆུབ་ཀྱི་སྤྱོད་
D239.065.0215a06.01པ་དང་སྨོན་ལམ་རྣམ་པ་སྣ་ཚོགས་ཀྱིས་སེམས་མི་ངོམས་པར་འགྱུར་ཏེ། འབྲས་བུ་གཞན་དག་ཐོབ་པ་ཡང་ཇི་སྐད་བཤད་པ་བཞིན་ནོ།། །།བམ་པོ་དགུ་པ། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་ནམ་འཚོའི་བར་
D239.065.0215a07.01