完整藏文原文 · 德格版页 当前仅加载第 65 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
ཚད་མེད་པས་རྣམ་པར་རོལ་པའི་དབང་དང་། བཀོད་པས་ཡོངས་སུ་བཟུང་བས། སེམས་ཅན་དག་ལ་ཆགས་པ་མེད་པར་དམ་པའི་ཆོས་སྟོན་ཏེ། ཐེག་པ་གསུམ་ལས་གང་དང་འཐུན་པ་བཞིན་དུ་འཛུད་དོ། །གོ་ཆ་ཆེན་པོ་བགོས་པའི་བྱང་ཆུབ་སེམས་
D239.065.0187b01.01དཔའ་སེམས་དཔའ་ཆེན་པོས། གཞན་ལ་ཆོས་སྟོན་པ་ཡང་དེ་བཞིན་ཏེ། སེམས་ཅན་རྣམས་ལ་མཆོག་དམ་པ་ཤིན་ཏུ་ཟབ་པའི་ཆོས་འདི་ཐོས་པར་བྱས་ཏེ། ཐེག་པ་གསུམ་ལས་གང་ལ་མོས་པ་དེ་གཅིག་ལ་འཛུད་ཅིང་། དགེ་བའི་རྩ་བ་ཡོངས་སུ་སྨིན་
D239.065.0187b02.01པར་བྱ་བ་དང་། ཐེག་པ་གཅིག་ལ་བདེ་བར་དགོད་པ་དང་། གང་འཁོར་བའི་གནས་སུ་སྡིག་པ་མི་དགེ་བའི་ལས་རྣམ་པ་ཐམས་ཅད་འཕེལ་བར་མི་བྱེད་ཅིང་། ཐམས་ཅད་མྱ་ངན་ལས་འདའ་བ་ཤིན་ཏུ་བརྟན་པ་དང་། ཕྱིར་མི་ལྡོག་པར་ཡང་བྱེད་དོ། །རིགས་
D239.065.0187b03.01ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ནི་སེམས་ཅན་གྲངས་མེད་ཚད་མེད་པའི་འཁོར་བ་ཡོངས་སུ་གཅད་པའི་ཕྱིར་ཆོས་སྟོན་ཏོ། །ཉན་ཐོས་དང་། རང་སངས་རྒྱས་ནི། བདག་གི་འཁོར་བ་འབའ་ཞིག་གཅད་པའི་ཕྱིར་ཕ་རོལ་ལ་ཆོས་སྟོན་
D239.065.0187b04.01ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི། སེམས་ཅན་ཚད་མེད་གྲངས་མེད་པ་དག །ཆུ་བོ་བཞི་ལས་བསྒྲལ་བའི་ཕྱིར་གཞན་ལ་ཆོས་སྟོན་ཏོ། །ཉན་ཐོས་དང་། རང་སངས་རྒྱས་ནི། བདག་ཆུ་བོ་བཞི་ལས་བསྒྲལ་བའི་ཕྱིར་གཞན་
D239.065.0187b05.01ལ་ཆོས་སྟོན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི། སེམས་ཅན་ཚད་མེད་གྲངས་མེད་པའི་ཉོན་མོངས་པའི་ནད་བསལ་བའི་ཕྱིར། གཞན་ལ་ཆོས་སྟོན་ཏོ། །ཉན་ཐོས་དང་། རང་སངས་རྒྱས་ནི། བདག་ཉིད་ཀྱི་ཉོན་མོངས་པའི་ནད་
D239.065.0187b06.01བསལ་བའི་ཕྱིར། གཞན་ལ་ཆོས་སྟོན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི། སེམས་ཅན་ཐམས་ཅད་ཀྱི་ཕུང་པོའི་ཉོན་མོངས་པའི་བག་ཆགས་ཀྱི་རྒྱུན་ལྷག་མ་མ་ལུས་པར་གཅད་པའི་ཕྱིར། གཞན་ལ་ཆོས་སྟོན་ཏོ། །ཉན་
D239.065.0187b07.01