完整藏文原文 · 德格版页 当前仅加载第 65 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་པ་དང་བསྙེན་བཀུར་བྱེད་པ་དང་མི་འབྲལ་བ་དང་། དགེ་བའི་རྩ་བ་ཐམས་ཅད་ལ་བརྩོན་པས་སེམས་མི་ངོམས་པ་དང་། བྱང་ཆུབ་ཀྱི་སྤྱོད་པ་དང་སྨོན་ལམ་རྣམ་པ་སྣ་ཚོགས་ཀྱིས་སེམས་མི་ངོམས་པ་དང་། སྔོན་སྡིག་པ་མི་དགེ་བའི་ལས་ཅི་བྱས་པ་ཐམས་
D239.065.0203a01.01ཅད་འཕགས་པའི་ཆོས་ཀྱི་ཡེ་ཤེས་རྡོ་རྗེ་ལྟར་སྲ་ལ་རྣོ་བས་ལྷག་མ་མ་ལུས་པར་བཅོམ་སྟེ་རྣམ་པར་སྨིན་པའི་འབྲས་བུ་མི་མྱོང་བ་དང་། གསར་དུ་སྡིག་པ་མི་དགེ་བའི་ལས་ཐམས་ཅད་མི་བྱེད་པ་དང་། སྐྱོ་བ་དང་སྒྱིད་ལུག་པ་མེད་པའི་སེམས་ཀྱིས་བླ་ན་མེད་པའི་ཆོས་ཀྱི་འཁོར་ལོ་
D239.065.0203a02.01བསྐོར་བ་དང་། བྱང་ཆུབ་ཀྱི་ཡན་ལག་རིན་པོ་ཆེ་སྣ་བདུན་ནན་ཏན་བྱེད་པ་ལ་སྐྱོ་ཞིང་སྒྱིད་ལུག་པ་མེད་པའི་སེམས་དང་། སེམས་ཅན་ཐམས་ཅད་ཀྱི་ཉོན་མོངས་པའི་ནད་རྣམས་འཇིལ་བ་ལ་སྐྱོ་ཞིང་སྒྱིད་ལུག་པ་མེད་པའི་སེམས་ཀྱིས་སེམས་ཅན་ཐམས་ཅད་ཀྱི་རྟེན་དང་། གནས་སུ་
D239.065.0203a03.01འགྱུར་ཞིང་ཉེ་བར་འཚོ་བ་ཡིན་ནོ། །རིགས་ཀྱི་བུ་འདི་ལྟ་སྟེ། འཁོར་ལོས་སྒྱུར་བའི་རྒྱལ་པོ་རིན་པོ་ཆེ་སྣ་བདུན་དང་ལྡན་པ་ནི་གར་འགྲོ་ཡང་རིན་པོ་ཆེའི་འཁོར་ལོ་ཐོག་མར་འགྲོ་སྟེ། རིན་པོ་ཆེ་གཞན་དེའི་ཕྱི་བཞིན་འབྲང་ངོ་། །གླིང་བཞི་ཀུན་ཏུ་རྒྱུ་ཞིང་སེམས་ཅན་ཐམས་ཅད་ཀྱི་
D239.065.0203a04.01ལུས་དང་སེམས་ཀྱི་རྙོག་པ་ཐམས་ཅད་ཀྱང་བསལ་ཏེ། སེམས་ཅན་ཐམས་ཅད་ཀྱི་ལུས་དང་སེམས་ཀྱི་བདེ་བ་ཡང་སྐྱེ་ཞིང་འཕེལ་བར་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དེ་བཞིན་དུ་འཁོར་ལོ་བཅུ་པོ་འདི་དང་ལྡན་ན་ཉན་ཐོས་ཀྱི་ཐེག་པ་ལ་འཁྲུལ་པ་
D239.065.0203a05.01མེད་པ་ནས། སེམས་ཅན་ཐམས་ཅད་ཀྱི་རྟེན་དང་གནས་སུ་འགྱུར་ཞིང་ཉེ་བར་འཚོ་བའི་བར་དུ་འཐོབ་པར་འགྱུར་རོ། །རིགས་ཀྱི་བུ་འདི་ལྟ་སྟེ། ཤིང་རྟ་ཆེན་པོ་ནི་འཁོར་ལོ་བཞི་དང་ལྡན་ཏེ། མི་མང་པོ་དེའི་ནང་དུ་འདུག་ནས་ལམ་ཆེན་པོར་འགྲོའོ། །ལམ་དེ་ནི་བོང་བའམ། གྱོ་
D239.065.0203a06.01མོའམ། གསེག་མའམ། རྩྭའམ། ཤིང་ངམ། ལོ་མའམ། ཡལ་གའམ། མེ་ཏོག་གམ། འབྲས་བུ་ཇི་སྙེད་ཡོད་པ་ཐམས་ཅད་ཤིང་རྟའི་འཁོར་ལོ་དེའི་འོག་ཏུ་སོང་ནས་ཐམས་ཅད་ཆག་ཅིང་གྲུགས་ཏེ་ནོར་དུ་མི་རུང་བར་བྱེད་དོ། །དེ་བཞིན་དུ་བྱང་ཆུབ་སེམས་དཔའ་སེམས་
D239.065.0203a07.01