完整藏文原文 · 德格版页 当前仅加载第 65 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བཞིན་དུ་རྟེན་ཅིང་འབྲེལ་ཏེ་འབྱུང་བའི་ཆོས་བསྟན་ནས་དེ་དག་ཐམས་ཅད་རང་སངས་རྒྱས་ཀྱི་ཐེག་པ་ལ་ནན་ཏན་བྱས་ཏེ། ཐམས་ཅད་མཐར་གྱིས་རྒྱལ་མཚན་ལ་དམིགས་པ་ཞེས་བྱ་བའི་ཏིང་ངེ་འཛིན་ཡོངས་སུ་རྫོགས་ནས་རང་སངས་རྒྱས་ཀྱི་ཐེག་པ་ལས་ཕྱིར་མི་ལྡོག་ཅིང་དགའ་བཞིན་དུ། བཅོམ་ལྡན་
D239.065.0193a01.01འདས་ལ་ཕྱག་འཚལ་ནས་ཕྱིར་ཡང་སོ་སོའི་སྟན་ལ་འཁོད་དོ། །ཡང་འཁོར་གྱི་དཀྱིལ་འཁོར་དེའི་ནང་ན་སེམས་ཅན་བྱེ་བ་བརྒྱ་སྟོང་ཕྲག་བརྒྱད་ཅུ་སྙེད་སྔོན་འདས་པའི་སངས་རྒྱས་ཀྱི་ཆོས་ལ་སྐུར་བ་ནས་ཆུང་ངུ་ན་སངས་རྒྱས་ཀྱི་བསྟན་པ་ཚིགས་སུ་བཅད་པ་གཅིག་ཙམ་ལ་སྨད་པ་དེའི་རྒྱུ་དེའི་རྐྱེན་གྱིས་ངན་སོང་དག་ཏུ་
D239.065.0193a02.01ལྟུང་ཞིང་སྡུག་བསྔལ་མང་པོ་མྱོང་སྟེ། སླར་མིའི་ལུས་ཐོབ་ན་ཡང་ཐོག་མ་ནས་ལྐུགས་པ་དིག་པ་ལྕེ་ལྡིབ་ཅིང་སྨྲ་མི་ཤེས་པ་དག་མདོ་སྡེ་འདི་བཤད་པ་ཐོས་ནས་ཡང་དག་པའི་ལྟ་བ་རྙེད་དེ། དེ་དག་འདུག་པ་ལས་ལངས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔར་
D239.065.0193a03.01ཤིན་ཏུ་འཛེམ་པ་དང་། ངོ་ཚ་བས་སྔོན་གྱི་སྡིག་པའི་ལས་སོ་སོར་བཤགས་ནས་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་མིག་མི་འཛུམས་པར་ལྟའོ། །བཅོམ་ལྡན་འདས་ཀྱིས་དེ་དག་ཐམས་ཅད་སྨྲ་ནུས་པར་བྱིན་གྱིས་བརླབས་ཏེ། དེའི་ཚེ་བཅོམ་ལྡན་འདས་ཀྱིས་མཁྱེན་བཞིན་དུ་དེ་དག་ལ་བཀའ་སྩལ་པ།
D239.065.0193a04.01ཁྱེད་རྣམས་སྔོན་མི་དགེ་བའི་ལས་ཅི་ཞིག་བྱས་ན་འཁོར་གྱི་དཀྱིལ་འཁོར་འདིའི་ནང་ན་སྨྲ་མི་ཤེས་པར་གྱུར། དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་ཁ་ཅིག་གིས་ནི་སྔོན་རྣམ་པར་གཟིགས་དེ་བཞིན་གཤེགས་པའི་བསྟན་པའི་ཆོས་ལ་ཁ་ཅིག་གིས་ནི་
D239.065.0193a05.01ཐེག་པ་ཆེན་པོའི་ཆོས་ལ་སྐུར་ཏོ། །ལ་ལ་ནི་རང་སངས་རྒྱས་ཀྱི་ཐེག་པའི་ཆོས་ལ་སྐུར་ཏོ། །ཁ་ཅིག་གིས་ནི་ཉན་ཐོས་ཀྱི་ཐེག་པའི་ཆོས་ལ་སྐུར་ཏོ། །དེ་ལ་ཆུང་ངུ་ན་ཚིགས་སུ་བཅད་པ་གཅིག་ཙམ་ལ་སྐུར་པས་བདག་ཅག་མི་དགེ་བའི་ལས་དེ་དག་གི་དབང་གིས་བསྐལ་པ་དགུ་བཅུ་རྩ་གཅིག་གི་བར་དུ་འཁོར་
D239.065.0193a06.01བར་འཁོར་ཞིང་རྟག་ཏུ་སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། {ཡི་དགས་,ཡི་དྭགས་}ཀྱི་འཇིག་རྟེན་དུ་སྐྱེས་ཏེ། ལྐུགས་པ་དང་། དིག་པ་དང་། ལྕེ་མེད་པ་དང་། སྨྲ་མི་ནུས་པ་དང་། ཤིན་ཏུ་མི་བཟད་པའི་སྡུག་བསྔལ་ཆེན་པོ་མྱོང་སྟེ། གདོད་ཚེ་འདི་ལ་མི་ལུས་ཐོབ་ཀྱིས་ཀྱང་
D239.065.0193a07.01