完整藏文原文 · 德格版页 当前仅加载第 65 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་ཅིང་འབྲེལ་ཏེ་འབྱུང་བ་ཉིད་སྟོང་པ་མ་ཡིན། རྟེན་ཅིང་འབྲེལ་ཏེ་འབྱུང་བའི་ཆོས་ལས་གཞན་པ་སྟོང་པ་མ་ཡིན་ནོ། །བསྲུང་བར་བྱ་བ་གསུམ་པོ་ཉིད་སྟོང་པ་མ་ཡིན། བསྲུང་བར་བྱ་བ་གསུམ་པོ་ལས་གཞན་པ་སྟོང་པ་མ་ཡིན་ནོ། །
D239.065.0187a01.01འཇིགས་པ་མེད་པ་བཞི་ཉིད་སྟོང་པ་མ་ཡིན། །འཇིགས་པ་མེད་པ་བཞི་ལས་གཞན་པ་སྟོང་པ་མ་ཡིན་ནོ། །སྟོབས་བཅུ་ཉིད་སྟོང་པ་མ་ཡིན། སྟོབས་བཅུ་ལས་གཞན་པ་སྟོང་པ་མ་ཡིན་ནོ། །མ་འདྲེས་པའི་ཆོས་{བཅྭ་,བཅོ་}བརྒྱད་ཉིད་སྟོང་པ་མ་ཡིན། མ་
D239.065.0187a02.01འདྲེས་པའི་ཆོས་{བཅྭ་,བཅོ་}བརྒྱད་ལས་གཞན་པ་སྟོང་པ་མ་ཡིན་ནོ། །བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་ཉིད་སྟོང་པ་མ་ཡིན། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་
D239.065.0187a03.01པོ་དང་། བཏང་སྙོམས་ཆེན་པོ་ལས་གཞན་པ་སྟོང་པ་མ་ཡིན་ནོ། །མྱ་ངན་ལས་འདའ་བ་ཉིད་སྟོང་པ་མ་ཡིན། མྱ་ངན་ལས་འདས་པ་ལས་གཞན་པ་སྟོང་པ་མ་ཡིན་ནོ། །དེ་དག་ནི་དེ་བཞིན་གཤེགས་པ་དང་། བྱང་ཆུབ་སེམས་དཔའ་རྣམས་ཀྱི་སེམས་
D239.065.0187a04.01ཅན་རྣམས་ལ་དམ་པའི་ཆོས་སྟོན་པ་ལ་དབུ་མའི་ནན་ཏན་ཞེས་བྱའོ། །རིགས་ཀྱི་བུ་དེ་ལྟར་ན་དེ་བཞིན་གཤེགས་པས་སེམས་ཅན་དག་ལ་དྲི་མ་མེད་པར་སྤྱོད་པའི་འཁོར་ལོས་ཆོས་སྟོན་ཏེ། ཇི་ལྟར་ཟླ་བ་ཉ་བའི་འོད་ཤིན་ཏུ་གསལ་ཞིང་སིམ་པ་དང་། ཐོགས་པ་
D239.065.0187a05.01མེད་པར་ནམ་མཁའ་ཀུན་ཏུ་ཁྱབ་པ་དང་། སྤྱོད་ཡུལ་ཐམས་ཅད་དུ་ཐོགས་པ་མེད་པར་སྣང་བ་ནས་གཞུང་དེ་བཞིན་དུ་རྒྱས་པར་སྟོན་ཏོ། །དང་དུ་མི་ལེན་པར་སྤྱོད་པའི་འཁོར་ལོས་ཀྱང་དམ་པའི་ཆོས་སྟོན་ཅིང་ཆོས་ཐམས་ཅད་ལ་ཐོགས་པ་མེད་པ་ནི་ཇི་ལྟར་ཉི་མའི་འོད་
D239.065.0187a06.01ཀུན་ཏུ་གསལ་བ་ལྟར་ཐེག་པ་གསུམ་གྱི་སྣོད་དང་། དབང་པོ་ཇི་ལྟ་བ་བཞིན་དུ་དམ་པའི་ཆོས་ཆགས་པ་མེད་པར་སྟོན་ཏོ། །དེ་བཞིན་གཤེགས་པས་སེམས་ཅན་དག་ལ་ཆོས་སྟོན་པ་ནི། ཇི་ལྟར་ནམ་མཁའ་ལ་མཚན་ཉིད་ཐ་དད་པ་མེད་པ་ལྟར་ཏིང་ངེ་འཛིན་
D239.065.0187a07.01