完整藏文原文 · 德格版页 当前仅加载第 65 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའ་ཀུན་པས་ཁྱད་པར་དུ་འཕགས་པ་ཡིན་པས་ཁྱེད་ཀྱིས་བསྟི་སྟང་དང་བཅས་པས་མཆོད་པར་བྱའོ། །དེ་ནས་ཕྱོགས་བཅུ་ནས་འདུས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དང་། ཉན་ཐོས་དང་། ལྷ་དང་། མི་དང་། གནོད་སྦྱིན་དང་།
D239.065.0114a01.01དྲི་ཟ་ལ་སོགས་པ་འཁོར་གྱི་དཀྱིལ་འཁོར་ཐམས་ཅད་འདུག་པ་ལས་ལངས་ནས་ཅི་ནུས་སུ་སོ་སོ་ནས་གསེར་དང་། དངུལ་དང་། རིན་པོ་ཆེ་རྣམ་པ་སྣ་ཚོགས་ཀྱི་མེ་ཏོག་དང་། སྤོས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་ལ་མཆོད་པའི་ཕྱིར་མངོན་པར་གཏོར་ཏོ། །དེ་
D239.065.0114a02.01མ་ཡིན་པ་གཞན་ཡང་ལྷ་རྫས་ཀྱི་ན་བཟའ་དང་། ནོར་བུ་དང་། ནོར་བུ་རིན་པོ་ཆེ་དང་། མུ་ཏིག་གི་ཕྲེང་བ་དང་། མུ་ཏིག་གི་སེ་མོ་དོ་དང་། གསེར་དང་། དངུལ་དང་། རིན་པོ་ཆེའི་ཕྲེང་བ་དང་། རྒྱལ་མཚན་དང་། བ་དན་དང་། གདུགས་ལ་སོགས་པས་ཀྱང་བྱང་ཆུབ་སེམས་དཔའ་སེམས་
D239.065.0114a03.01དཔའ་ཆེན་པོ་སའི་སྙིང་པོ་ལ་མཆོད་པའི་ཕྱིར་ཕུལ་ལོ། །གཞན་ཡང་ཚད་མེད་པའི་ལྷ་རྫས་ཀྱི་རོལ་མོ་སྙན་པ་དང་། ཚིགས་སུ་བཅད་པའི་བསྟོད་པ་རྣམ་པ་སྣ་ཚོགས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་ལ་བསྟི་སྟང་དང་བཅས་པས་མཆོད་པ་བྱས་སོ། །དེ་ནས་
D239.065.0114a04.01བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོས་རྣམ་པ་སྣ་ཚོགས་ཀྱི་ལྷ་རྫས་ཀྱི་མཆོད་པའི་ཡོ་བྱད་དེ་དག་སླར་བཅོམ་ལྡན་འདས་ལ་ཕུལ་ནས་ཚིགས་སུ་བཅད་པ་འདི་དག་སྨྲས་སོ། །ལྷ་དང་ཀླུ་དང་གནོད་སྦྱིན་མི་རྣམས་དང་། །ཕྱོགས་བཅུའི་བྱང་ཆུབ་སེམས་དཔའི་མཆོད་པ་
D239.065.0114a05.01རྣམས། །ཡོན་ཏན་ཆེན་པོ་འཇིག་རྟེན་གཙོ་ལ་དབུལ། །མཆོག་གི་མཆོད་པ་འདི་དག་བཞེས་སུ་གསོལ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོས་ཚིགས་སུ་བཅད་པ་དེ་སྨྲས་ནས། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་བ་དང་། དེ་ལ་བཅོམ་
D239.065.0114a06.01ལྡན་འདས་ཀྱིས་ཚིགས་སུ་བཅད་པས་འདི་སྐད་ཅེས་བཀའ་སྩལ་ཏོ། །བརྟན་པའི་བློ་དང་རྣམ་དག་སེམས་བསྐྱེད་ནས། །སེམས་ཅན་ཚད་མེད་པ་ཡི་སྡུག་བསྔལ་བཅིལ། །རིན་ཆེན་དག་ལྟར་བདེ་བ་འབྱུང་བར་མཐོང་། །རྡོ་རྗེ་བཞིན་དུ་ཐེ་ཙོམ་དྲ་བ་གཅོད། །སྙིང་རྗེ་ཆེན་པོའི་བློ་ཅན་
D239.065.0114a07.01