完整藏文原文 · 德格版页 当前仅加载第 65 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
པོས་མཐུ་ཆེ་བ་གཟི་བརྗིད་དང་ལྡན་པའི་ལྷ་ཐམས་ཅད་ལ་མཆོད་པ་བྱེད་དོ། །དེའི་ཚེ་ན་ལྷའི་དབང་པོ་དང་། ཀླུའི་དབང་པོ་ནས་ལྟོ་འཕྱེ་ཆེན་པོའི་དབང་པོའི་བར་དུ་ཐམས་ཅད་ཀྱིས་དེ་ལྟར་ཤེས་ནས་གཅིག་ལ་གཅིག་འདི་སྐད་ཅེས་ཟེར་རོ། །རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་
D239.065.0133b01.01བའི་རྒྱལ་པོ་ཆེན་པོ་འདི་ཡོན་ཏན་དང་ལྡན་ཏེ། གཟི་བརྗིད་ཆེ་བས་ན་གླིང་བཞི་ལ་དབང་བའི་འཁོར་ལོས་སྒྱུར་བའི་རྒྱལ་པོར་འོས་ཀྱིས་བདག་ཅག་གིས་དེར་དོང་ལ་གླིང་བཞི་ལ་དབང་བའི་རྒྱལ་པོར་དབང་བསྐུར་བ་དང་། སེམས་ཅན་རྣམས་ནད་མེད་ཅིང་བདེ་བར་བྱ་བའི་ཕྱིར་འདོང་ངོ་ཞེས་
D239.065.0133b02.01སྨྲས་ནས་ལྷའི་དབང་པོ་ནས་ལྟོ་འཕྱེ་ཆེན་པོའི་དབང་པོའི་བར་དུ་ཐམས་ཅད་ལྷགས་ནས་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་དེ་འཁོར་ལོས་སྒྱུར་བའི་རྒྱལ་པོར་དབང་བསྐུར་ཏེ། རིན་པོ་ཆེ་སྣ་བདུན་དང་ལྡན་པ་དང་། གླིང་བཞི་ལ་དབང་བྱེད་པ་དང་། བུ་སྟོང་
D239.065.0133b03.01དང་ལྡན་ཏེ་ཐམས་ཅད་ཀྱང་དཔའ་ཞིང་རྟུལ་ཕོད་པ་དང་། མཛེས་ཤིང་ཡིད་དུ་འོང་བ་དང་། ཕས་རྒོལ་བའི་དགྲ་ཐུལ་བ་དང་། དབང་བར་གྱུར་པའི་ས་ཆེན་པོ་དེ་ལྟར་རྒྱ་མཚོའི་མཐའ་ནས་ཕོ་བྲང་དུ་ཐུག་གི་བར་དུ་མཚོན་ཆ་མི་སྤྱོད་ཅིང་ཐམས་ཅད་དམ་པའི་ཆོས་སྤྱོད་དེ་བདེ་སྐྱིད་པར་བྱས་སོ། །
D239.065.0133b04.01རིགས་ཀྱི་བུ་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་དེ་ལྟར་འཁོར་ལོ་བཅུ་པ་འདི་དག་དང་ལྡན་ཏེ། འཁོར་ལོ་དེའི་དབང་གིས་གླིང་ཆེན་པོ་བཞི་ནས་ཕྱོགས་མཚམས་བརྒྱད་དང་། གླིང་ཕྲན་བརྒྱད་ཁྲི་བཞི་སྟོང་དག་ན་སེམས་ཅན་ཇི་སྙེད་གནས་པ་དེ་དག་
D239.065.0133b05.01ཐམས་ཅད་དགེ་བ་བཅུའི་ལས་ཀྱི་ལམ་ལ་གནས་ཤིང་། བདག་གི་ལུས་ཤིན་ཏུ་སྲུང་བ་དང་། ཚེ་ཡང་རིང་བར་འགྱུར་རོ། །ཚེ་འཕོས་ནས་ཀྱང་མཐོ་རིས་ཀྱི་ལྷར་སྐྱེ་ཞིང་ལོངས་སྤྱོད་དམ་པ་དང་ལྡན་པར་འགྱུར་རོ། །རིགས་ཀྱི་བུ་དེ་ལྟར་དེ་བཞིན་དུ་དེ་བཞིན་གཤེགས་པ་ཡང་
D239.065.0133b06.01སྔོན་བྱང་ཆུབ་སེམས་དཔའི་ཚེ་ན་བདག་དང་གཞན་གྱི་ལུས་ལ་ཉོན་མོངས་པའི་ནད་རྣམ་པ་ཚད་མེད་པ་སྙེད་ཡོད་པར་མཁྱེན་ནས་ཏིང་ངེ་འཛིན་གྱི་སྤོས་ཆུས་ནི་ལུས་བཀྲུས། བདེན་པའི་ཆོས་དང་། བྱམས་པ་ཆེན་པོ་དང་། སྙིང་རྗེ་ཆེན་པོའི་ཆུས་ཁྲུས་བྱས་པ་ཁྲེལ་བ་དང་འཛེམ་པའི་
D239.065.0133b07.01