完整藏文原文 · 德格版页 当前仅加载第 65 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་རིམ་གྱིས་གཞོལ་ཞིང་ཤིན་ཏུ་ཡངས་པའི་ཡེ་ཤེས་ཀྱི་རྒྱ་མཚོ་ལ་འཇུག་པ་ནས་བླ་ན་མེད་པའི་བྱང་ཆུབ་འཐོབ་པའི་བར་དུ་འགྱུར་རོ། །སངས་རྒྱས་ཀྱི་ཞིང་དོན་མེད་པའི་ཚིག་ཐམས་ཅད་དང་བྲལ་ཏེ། བྱང་ཆུབ་སེམས་དཔའི་སྡེ་སྣོད་དུ་གཏོགས་པའི་ཆོས་ཆེན་
D239.065.0213b01.01པོའི་སྒྲ་མཆོག་དམ་པ་རྣམ་པ་མང་པོས་ཞིང་དེ་ཡོངས་སུ་ཁྱབ་པ་དང་། དཔག་ཏུ་མེད་པའི་སྨོན་ལམ་དང་། ཡེ་ཤེས་དམ་པ་ཕུན་སུམ་ཚོགས་པས་ཆོས་ཀྱི་དོན་རྣམ་པ་སྣ་ཚོགས་འཆད་པ་ལ་མཁས་པའི་སེམས་ཅན་དེ་ལྟ་བུ་དག་ཞིང་དེར་སྐྱེ་བར་འགྱུར་རོ། །དེ་བཞིན་གཤེགས་
D239.065.0213b02.01པའི་ཚེའི་ཚད་ཀྱང་དཔག་ཏུ་མེད་དེ། སེམས་ཅན་དག་ཅིས་འདུལ་བ་བཞིན་དུ་དམ་པའི་ཆོས་སྟོན་ཏོ། །ཡོངས་སུ་མྱ་ངན་ལས་འདས་ནས་ཀྱང་དམ་པའི་ཆོས་ཡུན་རིང་དུ་གནས་ཤིང་སེམས་ཅན་ཚད་མེད་པ་ལ་ཕན་པ་དང་བདེ་བའི་དོན་བྱེད་པར་འགྱུར་རོ། །རིགས་ཀྱི་བུ་འདི་
D239.065.0213b03.01ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཚིག་ཀྱལ་པ་ཡོངས་སུ་སྤངས་པའི་འཁོར་ལོ་བདུན་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་ལོ་འདི་དང་ལྡན་པས་ཉན་ཐོས་ཀྱི་ཐེག་པ་ལ་འཁྲུལ་པ་མེད་པར་འགྱུར། ཉན་ཐོས་ཀྱི་ཐེག་པའི་གང་ཟག་ལ་
D239.065.0213b04.01འཁྲུལ་པ་མེད་པར་འགྱུར་རོ། །རང་སངས་རྒྱས་ཀྱི་ཐེག་པ་ལ་འཁྲུལ་པ་མེད་པར་འགྱུར། རང་སངས་རྒྱས་ཀྱི་ཐེག་པའི་གང་ཟག་ལ་འཁྲུལ་པ་མེད་པར་འགྱུར་རོ། །ཐེག་པ་ཆེན་པོ་ལ་འཁྲུལ་པ་མེད་པར་འགྱུར། ཐེག་པ་ཆེན་པོའི་གང་ཟག་ལ་འཁྲུལ་པ་མེད་པར་འགྱུར་
D239.065.0213b05.01རོ། །དཀོན་མཆོག་གསུམ་གྱི་གདུང་ཡོངས་སུ་འཕེལ་བ་དང་། དེ་བཞིན་གཤེགས་པའི་བསྟན་པ་ལ་རབ་ཏུ་བྱུང་བའི་ཉེ་གནས་ཆོས་ཀྱི་སྣོད་དམ། ཆོས་ཀྱི་སྣོད་མ་ཡིན་པ་ཡང་རུང་ཆུང་ངུ་ན་ཆོས་གོས་ཀྱི་ཚལ་བུ་གྱོན་ཅིང་སྐྲ་དང་ཁ་སྤུ་བྲེགས་པ་ལ་འཁྲུལ་པ་མེད་པར་འགྱུར། ཐེག་
D239.065.0213b06.01པ་ཆེན་པོའི་ཆོས་ལ་གོང་ནས་གོང་དུ་འཕར་ཞིང་ཕྱིར་མི་ལྡོག་པ་དང་། རྣོ་བའི་ཤེས་རབ་དང་། བསོད་ནམས་ཀྱི་ཁྱད་པར་རྟག་ཏུ་སྐྱེ་ཞིང་འཕེལ་བ་དང་། ཏིང་ངེ་འཛིན་དང་། གཟུངས་དང་། བཟོད་པ་དང་། ས་རྣམས་ཐམས་ཅད་ལ་དབང་དུ་འགྱུར་ཞིང་ཕྱིར་མི་ལྡོག་པ་དང་།
D239.065.0213b07.01