完整藏文原文 · 德格版页 当前仅加载第 65 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྐྱབས་སུ་སོང་ཞིང་ལོག་པ་ལ་དད་པ་དང་། ལོག་པར་ལྟ་བ་དང་། ལོག་པ་ལ་སློབ་པ་དང་། ལོག་པའི་བརྟུལ་ཞུགས་ལ་མངོན་པར་ཞེན་ཏེ། ལོག་པའི་ལྟས་བཟང་ངན་ལ་ཆགས་ནས་དོན་མེད་པའི་སྡུག་བསྔལ་རྣམ་པ་སྣ་ཚོགས་ཀྱིས་སྡུག་བསྔལ་བར་གྱུར་
D239.065.0127a01.01པ་དག་རྒྱལ་པོ་ཆེན་པོ་དེས་ཤེས་ནས་རྟག་ཏུ་ཡང་དང་ཡང་བསྡུས་ཏེ། རྒྱལ་པོ་སྔ་མའི་དམ་པའི་ཆོས་ལུགས་ཀྱིས་རྒྱས་པར་བསྟན་ནས་ལོག་པར་ལྟ་བ་དང་། ལོག་པར་དད་པ་སྤོངས་ལ། རྒྱལ་པོ་སྔ་མའི་ཆོས་ལུགས་བསླབ་པ་ལ་ནན་ཏན་དུ་སྤྱོད་ཅིག་པར་བཀས་བཏགས་ཏེ།
D239.065.0127a02.01ཡུལ་དེ་ན་གནས་པའི་སེམས་ཅན་ཐམས་ཅད་འཇུག་པ་གཅིག །ཕྱོགས་པ་གཅིག །བསམ་པ་གཅིག །འདོད་པ་གཅིག་པར་ཐམས་ཅད་འཐུན་པར་རྒྱལ་པོ་སྔ་མའི་དམ་པའི་ཆོས་བཞིན་དུ་གནས་པ་དང་། བཀའ་བཞིན་དུ་ཉན་ཅིང་རྗེས་སུ་སྤྱོད་པས་དེ་ན་གནས་པ་ཐམས་ཅད་
D239.065.0127a03.01འཐུན་པར་གང་བྱ་བར་རིགས་པ་རྣམས་བྱེད་དོ། །རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་ཡང་རྟག་ཏུ་བློན་པོ་རྣམས་དང་འདུས་ནས་སྟོན་མོ་བྱེད་ཅིང་ལོངས་སྤྱོད་དེ། དགའ་བས་རོལ་ཅིང་གཤེགས་པས་གྲོས་འཐུན་པས་རྒྱལ་པོའི་ལས་བྱེད་དོ། །རིགས་
D239.065.0127a04.01ཀྱི་བུ་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་དེ་ལྟར་རྒྱལ་པོའི་འཁོར་ལོ་བཞི་པོ་འདི་དང་ལྡན་ཏེ། འཁོར་ལོ་དེའི་དབང་གིས་བདག་གི་ཡུལ་རབ་ཏུ་བདེ་ཞིང་སྐྱིད་པ་དང་། ཕས་རྒོལ་བའི་དགྲ་ཐམས་ཅད་དང་། གྲོགས་པོ་ངན་པ་བཏུལ་ཞིང་ལུས་སྲུང་
D239.065.0127a05.01བའི་ནན་ཏན་ལ་མཁས་པས་ཚེ་ཡང་རིང་བར་འགྱུར་རོ། །རིགས་ཀྱི་བུ་དེ་ལྟར་དེ་བཞིན་དུ་དེ་བཞིན་གཤེགས་པ་ཡང་ཤིན་ཏུ་ཐབས་མཁས་པའི་མོས་པ་མཁྱེན་པའི་ཡེ་ཤེས་དང་ལྡན་པས་འཇིག་རྟེན་ན་ལོག་པ་ལ་ཕྱོགས་པ་རྣམ་པ་སྣ་ཚོགས་དང་། ལོག་པར་ལྟ་བ་དང་། ལོག་པའི་
D239.065.0127a06.01བསམ་པ་དང་། ལོག་པའི་ཆོས་ལ་མོས་པ་དང་། ལོག་པའི་ལས་སྤྱོད་པ་དེའི་རྒྱུ་དེའི་རྐྱེན་གྱིས་སྡུག་བསྔལ་ཚད་མེད་པ་མྱོང་བར་དེ་བཞིན་གཤེགས་པས་མཁྱེན་ཅིང་གཟིགས་ནས་རྟག་ཏུ་ཡང་དང་ཡང་འཁོར་མང་པོ་བསྡུས་ཏེ་སྔ་མ་འདས་པའི་སངས་རྒྱས་བཅོམ་ལྡན་འདས་ཀྱི་
D239.065.0127a07.01