完整藏文原文 · 德格版页 当前仅加载第 65 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟོད་པ་བྱས་སོ། །ལེགས་པར་འགྱུར་བ་རྣམ་པ་སྣ་ཚོགས་ཐོབ་པར་གྱུར་ཅིག་ཅེས་སྨོན་ལམ་ཡང་བཏབ་བོ། །བཀྲ་ཤིས་པ་རྣམ་པ་སྣ་ཚོགས་ཀྱིས་རྒྱལ་པོའི་སྤྱི་བོར་གཏོར་ཏོ། །རྒྱལ་པོ་སྔ་མའི་བློན་པོའི་རིགས་ལ་གཏོགས་པ་ཐོས་པ་དང་ལྡན་ཞིང་ཤེས་པ་ཆེ་བ། དྲང་བ། གཡོ་
D239.065.0120b01.01མེད་པ། མཛངས་པ་དག་ཀྱང་ཅི་རིགས་སུ་བློན་པོར་རིམ་པར་ཕྱེ་སྟེ་བཅུག་ནས། རྒྱལ་པོའི་ལས་བྱེད་པས་སྔོན་ཡུལ་དེ་ན་བདག་དང་གཞན་གྱི་དམག་ཐམས་ཅད་ཀྱིས་གཙེ་བར་འགྱུར་བ་དང་། ཕྱིར་རྒོལ་བ་དང་གྲོགས་པོ་ངན་པ་ཐམས་ཅད་མེད་པར་བྱས་ནས་ཕས་རྒོལ་བའི་དགྲ་དང་།
D239.065.0120b02.01གནོད་པ་བྱེད་པ་ཐམས་ཅད་ཞི་བར་གྱུར་ནས། ནག་པོའི་ཕྱོགས་ཐམས་ཅད་བྱང་ཞིང་རྣམ་པར་དཀར་བའི་ཕྱོགས་ཐམས་ཅད་སྐྱེས་ཏེ་འཕེལ་བར་གྱུར་ཏོ། །རིགས་ཀྱི་བུ་རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་དེ་ལྟ་བུའི་འཁོར་ལོ་གཅིག་དང་ལྡན་ན། འཁོར་
D239.065.0120b03.01ལོ་དེའི་དབང་གིས་བདག་གི་རྒྱལ་སྲིད་རབ་ཏུ་ཆེ་ཞིང་ཕས་རྒོལ་བའི་དགྲ་ཐམས་ཅད་ཤིན་ཏུ་ཐུལ་བ་ལས་ཚེ་ཡང་རིང་བར་འགྱུར་རོ། །རིགས་ཀྱི་བུ་དེ་བཞིན་དུ་རྙོག་པ་ལྔའི་འཇིག་རྟེན་གྱི་ཁམས་མི་མཇེད་ཀྱི་སངས་རྒྱས་ཀྱི་ཞིང་འདིར་སངས་རྒྱས་མི་བཞུགས་པའི་ཚེ། དེ་ན་གནས་པའི་
D239.065.0120b04.01སེམས་ཅན་ཐམས་ཅད་རང་གི་སེམས་ཀྱི་བག་ལ་ཉལ་བའི་ཉོན་མོངས་པས་ཡོངས་སུ་བཅིངས་ནས་ནང་གི་དགྲ་དང་། ཕྱི་རོལ་གྱི་དགྲས་རྣམ་པར་གཙེས་ཏེ། ཀུན་ནས་ཉོན་མོངས་པས་ཉོན་མོངས་ནས་གཏི་མུག་གིས་ལྡོངས་ཏེ། མི་བདེ་བར་གྱུར་པས་རྟག་པ་དང་ཆད་པ་ལ་རྣམ་པར་ཞེན་
D239.065.0120b05.01ཅིང་ཆགས་པ་ཚད་མེད་པ་བསྐྱེད་ནས་ཕན་ཚུན་རྩོད་ཅིང་འགལ་བར་བྱེད་དེ། གཅིག་ལ་གཅིག་དབང་ཟ་ཞིང་སྨོད་པས་འདོད་ཆགས་དང་། ཞེ་སྡང་དང་། གཏི་མུག་བསྐྱེད་དེ་གཡོ་དང་སྒྱུའི་ཚུལ་དུ་སྨྲ་ཞིང་མི་དགེ་བ་བཅུའི་ལས་ཀྱི་ལམ་རྫོགས་པར་བྱེད་པ་དང་། རྣམ་པར་ཞེན་ཅིང་ཆགས་
D239.065.0120b06.01པའི་སྐྱེ་བོ་དག་ཉོན་མོངས་པའི་འཇིག་རྟེན་གྱི་ཁམས་འདིར་རྣམ་པ་སྣ་ཚོགས་ཀྱི་ཉོན་མོངས་པའི་ནད་ཀྱིས་གཟིར་བ་དང་ལྡན་པས་ཡང་དག་པའི་ཆོས་ཀྱི་མིག་ལྡོངས་ཏེ། ཞེ་སྡང་དང་ཁོང་ཁྲོ་བས་གདུངས་ཤིང་འཁྲུགས་ཀྱང་ཡང་དག་པ་བདེན་པའི་ཆོས་ཅུང་ཟད་ཀྱང་ཡིད་ལ་མི་བྱེད་དེ།
D239.065.0120b07.01