完整藏文原文 · 德格版页 当前仅加载第 65 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཞིང་རྣམས་ཀྱང་དེ་བཞིན་དུ་འགྱུར་ཏེ། གལ་ཏེ་རྣམ་པར་དག་པའི་ཡེ་ཤེས་ཕུན་སུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ན་ཏིང་ངེ་འཛིན་དེའི་མཐུས་སངས་རྒྱས་ཀྱི་ཞིང་དེ་དག་ན་གནས་པའི་སེམས་ཅན་ཐམས་ཅད་ཀྱིས་འཐུན་པར་འདོད་པའི་སྤྱོད་ཡུལ་གྱི་
D239.065.0106b01.01ཉེས་པའི་སྐྱོན་ཚད་མེད་པ་མཐོང་ནས་སེམས་རྣམ་པར་དག་པར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་དུ་འགྱུར་ཏེ། གལ་ཏེ་ཁྲེལ་བ་དང་ངོ་ཚ་བ་དང་ལྡན་པའི་ཡེ་ཤེས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ན་ཏིང་ངེ་འཛིན་དེའི་
D239.065.0106b02.01མཐུས་སངས་རྒྱས་ཀྱི་ཞིང་དེ་དག་ན་གནས་པའི་སེམས་ཅན་ཐམས་ཅད་ལྷག་པའི་འཛེམ་པ་དང་ངོ་ཚ་བ་དང་ལྡན་ཞིང་སྡིག་པ་མི་དགེ་བའི་ཆོས་དང་ཡོངས་སུ་བྲལ་ནས་བསམ་པ་མི་ཉམས་པར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་དུ་འགྱུར་
D239.065.0106b03.01ཏེ། གལ་ཏེ་ཐེག་པ་ཐམས་ཅད་དང་ལྡན་པ་གསལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སངས་རྒྱས་ཀྱི་ཞིང་དེ་དག་ན་གནས་པའི་སེམས་ཅན་ཐམས་ཅད་ཐབས་མཁས་པའི་རྫུ་འཕྲུལ་གྱི་མིག་གི་མངོན་པར་ཤེས་པ་དང་། སྔོན་གྱི་གནས་དྲན་པའི་མངོན་པར་ཤེས་
D239.065.0106b04.01པ་དང་། འཆི་འཕོ་དང་སྐྱེ་བ་མངོན་པར་ཤེས་པ་དང་། འཇིག་རྟེན་འདི་དང་འཇིག་རྟེན་ཕ་རོལ་གྱི་རྒྱུ་དང་འབྲས་བུ་མངོན་པར་རྟོགས་པར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་དུ་འགྱུར་ཏེ། གལ་ཏེ་མྱ་ངན་མེད་པའི་མངོན་པར་ཤེས་པས་
D239.065.0106b05.01རིག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ན་ཏིང་ངེ་འཛིན་དེའི་མཐུས་སངས་རྒྱས་ཀྱི་ཞིང་དེ་དག་ན་གནས་པའི་སེམས་ཅན་ཐམས་ཅད་མྱ་ངན་དང་། ཡི་མུག་པ་དང་། རྨུགས་པ་ཐམས་ཅད་དང་བྲལ་བར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་
D239.065.0106b06.01རྣམས་ཀྱང་དེ་བཞིན་དུ་འགྱུར་ཏེ། གལ་ཏེ་མངོན་པར་ཤེས་པའི་ཁྱད་པར་དང་ལྡན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ན། སངས་རྒྱས་ཀྱི་ཞིང་དེ་དག་ན་གནས་པའི་སེམས་ཅན་ཐམས་ཅད་ཐབས་མཁས་པའི་མངོན་པར་ཤེས་པ་དང་ལྡན་པར་འགྱུར་རོ། །དེ་ཇི་
D239.065.0106b07.01