完整藏文原文 · 德格版页 当前仅加载第 65 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
གོས་གྱོན་ནས་ཕྱོགས་བཅུའི་སངས་རྒྱས་བཅོམ་ལྡན་འདས་ཐམས་ཅད་ཀྱིས་བསམ་གཏན་དང་། སྙོམས་པར་འཇུག་པ་དང་། བརྩོན་འགྲུས་དང་། ཐབས་དང་། ཤེས་རབ་དང་། བྱམས་པ་དང་། ཐུགས་རྗེས་རྗེས་སུ་བཟུང་སྟེ་ཐམས་ཅད་ཀྱིས་གསུང་
D239.065.0134a01.01འཐུན་པར་འདི་སྐད་དུ་སྐྱེས་བུ་ཆེན་པོ་འདི་ནི་བསོད་ནམས་དང་། ཡེ་ཤེས་ཆེན་པོའི་ཚོགས་ཀྱིས་ཡོངས་སུ་བརྒྱན་པའི་སྣོད་དུ་གྱུར་པས་རྣམ་པར་ཐར་པ་གསུམ་དང་མི་འཇིགས་པ་བཞི་དང་། དེ་བཞིན་གཤེགས་པའི་སྟོབས་བཅུ་དང་། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཀྱི་
D239.065.0134a02.01སྣོད་དུ་གྱུར་པའོ། །བླ་ན་མེད་པ་ཐམས་ཅད་མཁྱེན་པའི་ཡེ་ཤེས་ཐོབ་པའི་གནས་བྱམས་པ་ཆེན་པོ་དང་། སྙིང་རྗེ་ཆེན་པོ་ཡོངས་སུ་རྫོགས་པ། སེམས་ཅན་ཐམས་ཅད་ལ་ཕན་པ་དང་བདེ་བའི་དོན་བྱེད་པ་ལ་སྤྲོ་བ། སངས་རྒྱས་རིན་པོ་ཆེ་ཚོལ་བའི་ཚོང་དཔོན་དུ་གྱུར་པ། འཁོར་
D239.065.0134a03.01བས་སྡུག་བསྔལ་བའི་སེམས་ཅན་ཡོངས་སུ་སྒྲོལ་བ། སེམས་ཅན་ལ་མྱ་ངན་ལས་འདའ་བའི་བདེ་བ་ཆེན་པོ་རབ་ཏུ་སྟོབས་པ་ཡིན་ཏེ། བདག་ཅག་སངས་རྒྱས་བཅོམ་ལྡན་འདས་ཐམས་ཅད་བདེན་པའི་གསུང་གིས་ཅི་དང་ཅི་འདོད་པ་དེ་དག་ཐམས་ཅད་བྱིན་ཏེ། ཡང་དག་པར་རྫོགས་
D239.065.0134a04.01པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས་བླ་ན་མེད་པའི་ཆོས་ཐོབ་ནས་ཆོས་ཀྱི་རྒྱལ་པོ་ཆེན་པོར་གྱུར་ཏེ། ང་དེའི་ཚེ་ན་བསོད་ནམས་དང་ཡེ་ཤེས་ཀྱི་ཚོགས་ལ་བརྟེན་ཏེ་ཤིན་ཏུ་བརྟན་པའི་བརྩོན་འགྲུས་ཀྱིས་འཕགས་པའི་བདེན་པ་བཞི་ཡང་དག་པ་ཇི་ལྟ་བ་བཞིན་དུ་ཆུད་ནས་
D239.065.0134a05.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་སོ། །རིགས་ཀྱི་བུ་ཇི་ལྟར་འཁོར་ལོས་སྒྱུར་བའི་རྒྱལ་པོ་གླིང་བཞི་ལ་དབང་ཞིང་དབང་སྒྱུར་བ་བཞིན་དུ་དེ་བཞིན་གཤེགས་པ་ཡང་བསམ་གཏན་བཞི་དང་། གཟུགས་མེད་པའི་ཏིང་ངེ་འཛིན་བཞི་དང་། ཚངས་པའི་
D239.065.0134a06.01གནས་བཞི་དང་། སོ་སོ་ཡང་དག་པར་རིག་པ་བཞི་དང་། འཕགས་པའི་བདེན་པ་བཞི་དང་། འཇིགས་པ་མེད་པ་བཞི་དང་། དེ་བཞིན་གཤེགས་པའི་སྟོབས་བཅུ་དང་། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་དང་། རྣམ་པ་ཐམས་ཅད་མཁྱེན་པའི་ཡེ་ཤེས་ལ་དབང་དུ་གྱུར་ཏོ། །
D239.065.0134a07.01