完整藏文原文 · 德格版页 当前仅加载第 65 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་འབྲས་བུ་ལ་འཇིགས་པར་མི་ལྟ་བ་དག་དེ་ལ་ཁ་ཅིག་ནི་ཉན་ཐོས་ཀྱི་ཐེག་པ་ལ་ཅུང་ཟད་དད་ཀྱང་ཡང་དག་པར་གླེན་པའི་རང་བཞིན་ཅན་དུ་གྱུར་པས་འདི་སྙམ་དུ་བདག་ལས་ཤེས་ཤིང་མཁས་པ་མེད་དོ་སྙམ་ནས། ངས་བསྟན་པའི་རང་སངས་རྒྱས་ཀྱི་ཐེག་པའི་ཆོས་དང་། ཐེག་པ་ཆེན་པོའི་ཆོས་
D239.065.0150b01.01ལ་བརྙས་སྨོད་དེ་འཕྱ་ཞིང་སྐུར་ནས་སེམས་ཅན་གཞན་དག་ཀྱང་ཚིགས་སུ་བཅད་པ་གཅིག་ཙམ་གྱི་བར་དུ་འཆང་ཞིང་འཛིན་པ་དང་། ཀློག་ཅིང་འདོན་དུ་ཡང་མི་སྟེར་ཏོ། །དེ་ལ་ཁ་ཅིག་ནི་རང་སངས་རྒྱས་ཀྱི་ཐེག་པ་ལ་དད་པ་ཅུང་ཟད་ཐོབ་ཀྱང་། ཡང་དག་པར་གླེན་པའི་རང་བཞིན་ཅན་དུ་གྱུར་
D239.065.0150b02.01པས་འདི་སྙམ་དུ་བདག་ལས་མཁས་ཤིང་ཤེས་པ་མེད་དོ་སྙམ་ནས། ངས་བསྟན་པའི་ཉན་ཐོས་ཀྱི་ཐེག་པའི་ཆོས་དང་། ཐེག་པ་ཆེན་པོའི་ཆོས་ལ་བརྙས་ཤིང་སྨོད་དེ་འཕྱ་ཞིང་སྐུར་ནས། སེམས་ཅན་གཞན་དག་ཚིགས་སུ་བཅད་པ་གཅིག་ཙམ་གྱི་བར་དུ་འཆང་ངམ། འཛིན་ཏམ་
D239.065.0150b03.01ཀློག་གམ། འདོན་དུ་ཡང་མི་སྟེར་ཏོ། །དེ་ལ་ཁ་ཅིག་ནི་ཐེག་པ་ཆེན་པོའི་ཆོས་ལ་དད་པ་ཅུང་ཟད་ཙམ་ཐོབ་ཀྱང་ཡང་དག་པར་གླེན་པའི་རང་བཞིན་ཅན་དུ་གྱུར་པས་འདི་སྙམ་དུ་བདག་ལས་ཤེས་ཤིང་མཁས་པ་མེད་དོ་སྙམ་ནས་ངས་བསྟན་པའི་ཉན་ཐོས་ཀྱི་ཐེག་པའི་ཆོས་དང་། རང་སངས་
D239.065.0150b04.01རྒྱས་ཀྱི་ཐེག་པའི་ཆོས་ལ་བརྙས་སྨོད་དེ་འཕྱ་ཞིང་སྐུར་ནས། སེམས་ཅན་གཞན་དག་ཚིགས་སུ་བཅད་པ་གཅིག་ཙམ་གྱི་བར་དུ་ཡང་འཆང་ཞིང་འཛིན་ཏམ། ཀློག་ཅིང་འདོན་དུ་ཡང་མི་སྟེར་ཏོ། །གང་ཟག་དེ་དག་ནི་སངས་རྒྱས་ཀྱི་དམ་པའི་ཆོས་ལ་བརྙས་སྐུར་བ་དང་། དུས་གསུམ་གྱི་
D239.065.0150b05.01སངས་རྒྱས་བཅོམ་ལྡན་འདས་ལ་དབང་ཟ་བ་དང་། །དུས་གསུམ་གྱི་སངས་རྒྱས་ཀྱི་ཆོས་ཀྱི་སྡེ་སྣོད་ཐམས་ཅད་བཤིག་ནས་བསྲེགས་ཏེ་ཐལ་བ་བཞིན་དུ་འཇིག་པར་བྱེད་པ། འཕགས་པའི་ལམ་གྱི་ཡན་ལག་བརྒྱད་པ་ཐམས་ཅད་གཅོད་པ། ཚད་མེད་པའི་སེམས་ཅན་གྱི་མིག་འཛར་བ་ཞེས་བྱའོ། །རྒྱལ་
D239.065.0150b06.01རིགས་གདོལ་པ་ཅན་ནས་དགེ་སྦྱོང་དང་། བྲམ་ཟེ་གདོལ་པ་ཅན་གྱི་བར་དུ་དེ་དག་གིས་སངས་རྒྱས་ཀྱིས་བསྟན་པའི་ཉན་ཐོས་ཀྱི་ཐེག་པའི་ཆོས་དང་། རང་སངས་རྒྱས་ཀྱི་ཐེག་པའི་ཆོས་དང་། ཐེག་པ་ཆེན་པོའི་ཆོས་བཅབས་ཏེ་བར་ཆད་བྱས་ནས་ཚིགས་སུ་བཅད་པ་གཅིག་ཙམ་གྱི་བར་དུ་
D239.065.0150b07.01