完整藏文原文 · 德格版页 当前仅加载第 65 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
བཤེས་གཉེན་ཆོས་ཀྱིས་དུལ་བ། ཚུལ་ཁྲིམས་དང་ཡོན་ཏན་དུ་ལྡན་པ། བསོད་ནམས་ཀྱི་ཞིང་ཡང་དག་པ་དང་ཕྲད་དེ་ལུས་དང་སེམས་རབ་ཏུ་དགའ་བ་དང་། དེ་ལ་བཀུར་སྟི་དང་བཅས་པས་ཤིན་ཏུ་དད་པ་སྐྱེ་བར་འགྱུར་རོ། །ཚེ་འཕོས་ནས་ཀྱང་ཕྱིར་མིའི་ནང་དུ་སྐྱེ་ཞིང་དབང་པོ་
D239.065.0214b01.01ཡོངས་སུ་རྫོགས་པ། ཡན་ལག་དང་ལྡན་པ། གང་ནས་གང་དུ་སྐྱེས་པར་སེམས་རྣམ་པར་དག་ཅིང་རྙོག་པ་མེད་པ་དང་། བྱད་གཟུགས་བཟང་བ་དང་། ཡིད་གཞུངས་པ་དང་། རབ་ཏུ་བདེ་ཞིང་སྐྱིད་པ་དང་། ཕྱིར་ཡང་ཡིད་དུ་འོང་བའི་དགེ་བའི་བཤེས་གཉེན་ཆོས་ཀྱིས་དུལ་
D239.065.0214b02.01བ། ཚུལ་ཁྲིམས་དང་ཡོན་ཏན་དུ་ལྡན་པ། བསོད་ནམས་ཀྱི་ཞིང་ཡང་དག་པ་དང་ཕྲད་དེ། དེའི་རྗེས་སུ་སློབ་པ་དང་། ཆགས་སེམས་ཡོངས་སུ་སྤོང་བ་དང་། མི་དགེ་བའི་ཆོས་ཡོངས་སུ་གཅད་པ་དང་། དགེ་བའི་ཆོས་ཁྱད་པར་ཅན་ཐམས་ཅད་ཡོངས་སུ་རྫོགས་པ་
D239.065.0214b03.01དང་། ཐེག་པ་ཆེན་པོའི་ཆོས་ཀྱི་རྣམ་གྲངས་ཐམས་ཅད་ཚོལ་བ་དང་། བྱང་ཆུབ་སེམས་དཔའི་སྨོན་ལམ་དང་སྤྱོད་པ་ཐམས་ཅད་ལ་རིམ་གྱིས་གཞོལ་ཞིང་ཤིན་ཏུ་ཡངས་པའི་ཡེ་ཤེས་ཀྱི་རྒྱ་མཚོ་ལ་འཇུག་པ་ནས་བླ་ན་མེད་པའི་བྱང་ཆུབ་འཐོབ་པའི་བར་དུ་འགྱུར་རོ། །སངས་རྒྱས་
D239.065.0214b04.01ཀྱི་ཞིང་ལག་མཐིལ་བཞིན་དུ་མཉམ་ལ་རིན་པོ་ཆེ་རྣམ་པ་མང་པོས་ཡོངས་སུ་གང་བ་དང་། རིན་པོ་ཆེའི་ཤིང་རྣམ་པ་སྣ་ཚོགས་དཀྲིགས་པ་དང་། རིན་པོ་ཆེའི་གོས་དང་། རིན་པོ་ཆེའི་རྒྱན་གྱི་ཡོ་བྱད་དང་། རིན་པོ་ཆེའི་རྒྱལ་མཚན་དང་། བ་དན་དང་། གདུགས་དང་། གསེར་དང་། དངུལ་
D239.065.0214b05.01དང་། མུ་ཏིག་གི་དྲ་བ་དང་། ཤིང་ལ་སོགས་པས་ཡོངས་སུ་གང་བ་དང་། ཤིན་ཏུ་ཡིད་དུ་འོང་ཞིང་བལྟ་ན་སྡུག་པ། ང་རྒྱལ་ཡོངས་སུ་སྤངས་པ། བྱད་གཟུགས་ཤིན་ཏུ་མཛེས་པ་དང་། དབང་པོ་མ་ཉམས་པ། སེམས་མཉམ་པའི་སེམས་ཅན་དག་ཞིང་དེར་སྐྱེ་བར་འགྱུར་ཏེ།
D239.065.0214b06.01ཆགས་སེམས་མེད་པའི་ཡོན་ཏན་ཕུན་སུམ་ཚོགས་པས་བརྒྱན་པར་འགྱུར་རོ། །དེ་བཞིན་གཤེགས་པའི་ཚེའི་ཚད་ཀྱང་དཔག་ཏུ་མེད་དེ། སེམས་ཅན་དག་ཅིས་འདུལ་བ་བཞིན་དུ་དམ་པའི་ཆོས་སྟོན་ཏོ། །ཡོངས་སུ་མྱ་ངན་ལས་འདས་ནས་ཀྱང་དམ་པའི་ཆོས་ཡུན་རིང་དུ་
D239.065.0214b07.01