完整藏文原文 · 德格版页 当前仅加载第 65 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་འདི་ལྟ་སྟེ། ཡུལ་ཁ་ཅིག་ཏུ་སྲིད་མེད་པར་འགྱུར་བ་ན་དེ་ན་གནས་པའི་མི་ཐམས་ཅད་བདག་གི་དམག་དང་། གཞན་གྱི་དམག་གིས་ཡོངས་སུ་གཙེས་ཤིང་ཉོན་མོངས་པ་དང་སྡུག་བསྔལ་བར་གྱུར་ཏེ། དེ་ན་གནས་པའི་མི་མང་པོ་ཡང་མི་བདེ་བས་འཐབ་པ་དང་། རྩོད་
D239.065.0119b01.01པ་དང་། གཅིག་ལ་གཅིག་སྨོད་པ་ཚད་མེད་པ་སྙེད་འབྱུང་སྟེ། {བརྫུན་,རྫུན་}དུ་སྨྲ་བ་དང་། གཡོ་སྒྱུ་དང་། ཚིག་རྩུབ་པོར་སྨྲ་བ་དང་། སྐུར་ཀླང་འདེབས་ཤིང་འཁྲུག་པ་དང་། དམུས་ལོང་དང་། ལིང་ཏོག་ཅན་དུ་འགྱུར་བ་དང་། ནད་རྣམ་པ་སྣ་ཚོགས་ཀྱིས་གཟིར་བ་དང་། གྲང་བ་དང་། ཚ་བའི་
D239.065.0119b02.01ནད་མ་རུངས་པ་དང་། རིམས་རྣམ་པ་མང་པོ་དང་། སྨྱོ་བ་དང་། སྐེམ་བྱེད་དང་། ཁ་ཟས་མི་འཇུ་བ་དང་། སེམས་འཁྲུག་ཅིང་མྱོས་པ་དང་། དབང་པོ་མ་ཚང་ཞིང་ཡན་ལག་དང་ཉིང་ལག་ཉམས་པ་དང་། བགོ་བ་དང་། བཟའ་བ་དང་། འཚོ་བའི་ཡོ་བྱད་རྣམ་པ་སྣ་ཚོགས་ཀྱིས་ཕོངས་ཤིང་
D239.065.0119b03.01བྲེལ་ཏེ། བདོག་པ་ཐམས་ཅད་ཡིད་དུ་མི་འོང་བ་དང་། སྐྱེ་བོ་ཐམས་ཅད་མུ་སྟེགས་ཅན་དང་། འཇིག་རྟེན་གྱི་ལྷ་ལ་སྐྱབས་སུ་སོང་ཞིང་ལྟ་བ་ངན་པ་དང་། བསམ་པ་ངན་པ་དང་། མོས་པ་ངན་པ་ཡོངས་སུ་རྒྱས་ཏེ། ཡང་དག་པའི་ལམ་སྟོར་ནས་ངན་སོང་དུ་ལྟུང་བར་འགྱུར་བ་
D239.065.0119b04.01ན། དེའི་ཚེ་ཡུལ་དེ་ན་གནས་པའི་རྒན་པོ་བློ་དང་ལྡན་ཞིང་ཡིད་གཞུངས་པ། མང་དུ་ཐོས་པ། དྲང་དཀན་ཆེ་བ་འདུས་ནས་གྲོས་སུ་བགྲོས་ཏེ། ཡུལ་དང་གྲོང་མི་ཀུན་བསྡུས་ནས་ཐམས་ཅད་ཀྱིས་འཐུན་པར་རྒྱལ་བུ་གཅིག་བཏུས་པ་ནི་སྔོན་སྦྱིན་པ་རབ་ཏུ་བྱས་པ། ཚུལ་ཁྲིམས་ཤིན་
D239.065.0119b05.01ཏུ་བསྲུངས་པ། བརྩོན་འགྲུས་ལ་བརྟུན་པ། ཤིན་ཏུ་དཀའ་བ་སྤྱོད་པ་དང་ལྡན་པ། མཆོག་ཏུ་གྱུར་པའི་བསོད་ནམས་ཀྱི་མཚན་དང་ལྡན་པ། དབང་པོ་ཡོངས་སུ་རྫོགས་ཤིང་ཡན་ལག་མ་ཉམས་པ། ལུས་བྱད་ཆེ་ཆུང་རན་པ། མཚན་དང་དཔེ་བྱད་བཟང་པོས་བརྒྱན་པ། ཕུལ་དུ་
D239.065.0119b06.01གྱུར་པའི་མདོག་དམ་པ་དང་ལྡན་པ། ཐམས་ཅད་ཀྱིས་བཀུར་སྟི་དང་རིམ་གྲོ་བྱེད་པ། ཡུལ་དེ་ན་གནས་པའི་མི་ཐམས་ཅད་ཀྱི་ཡིད་དུ་འོང་ཞིང་ལྟ་འདོད་པ། རང་བཞིན་གྱིས་དྲང་ཞིང་བརྟན་པ། བྱམས་པ་དང་སྙིང་རྗེར་ལྡན་པ། མང་དུ་ཐོས་པ། རྩལ་ཐམས་ཅད་དང་ལྡན་པ་དང་། དེས་
D239.065.0119b07.01