完整藏文原文 · 德格版页 当前仅加载第 65 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མངོན་པར་ཞེན་ཏེ། གཞན་ཡང་ལྟ་བ་ངན་པའི་སྡིག་པ་ལ་ཆགས་པར་བྱེད་པ་དེ་ལ་རྒྱལ་རིགས་དགེ་བ་དང་། དགེ་སྦྱོང་དང་། བྲམ་ཟེ་དང་། བློན་པོ་དང་། ཁྱིམ་བདག་དང་། ཚོང་དཔོན་དང་། རྗེའུ་རིགས་དང་། དམངས་རིགས་དང་། སྐྱེས་པ་དང་། བུད་མེད་དག་མེད་དོ་ཞེས་སྨྲ་བ་དང་།
D239.065.0172b01.01གཞན་ཡང་འཇིག་རྟེན་ན་ཕ་ཡང་མེད། མ་ཡང་མེད་པ་ནས། དགེ་བ་དང་མི་དགེ་བ་དང་། རྣམ་པར་སྨིན་པའི་འབྲས་བུ་ཡང་མེད། འཕགས་པའི་ལམ་གྱི་འབྲས་བུ་ཐོབ་པ་ཡང་མེད་དོ་ཞེས་སྨྲ་བ་དང་། ཆོས་ཐམས་ཅད་རྒྱུ་ལས་སྐྱེས་པ་མ་ཡིན་ནོ། །ཞེས་སྨྲ་བ་དང་། གཞན་ཡང་གཟུགས་
D239.065.0172b02.01ཡོད་པའི་ཁམས་ནི་རྟག་པ་ཡིན་གྱི་འཇིག་པའི་ཆོས་མ་ཡིན་པར་འཛིན་པ་དང་། གང་གཟུགས་མེད་པའི་ཁམས་ནི་རྟག་པ་ཡིན་གྱི། འཇིག་པའི་ཆོས་མ་ཡིན་པར་འཛིན་པ་དང་། ལ་ལ་ནི་མུ་སྟེགས་ཅན་གྱི་བརྟུལ་ཞུགས་ཀྱིས་མཐར་ཕྱིན་པའི་རྣམ་པར་དག་པ་ཐོབ་པར་འཛིན་ཏོ། །ལ་ལ་ནི་ཉན་ཐོས་ཀྱི་ཐེག་
D239.065.0172b03.01པ་འབའ་ཞིག་གིས་མཐར་ཕྱིན་པའི་རྣམ་པར་དག་པ་ཐོབ་ཀྱི། རང་སངས་རྒྱས་ཀྱི་ཐེག་པ་དང་། ཐེག་པ་ཆེན་པོས་མ་ཡིན་པར་འཛིན་ཏེ། ཉན་ཐོས་ཀྱི་ཐེག་པ་ལ་དད་ཅིང་ཡིད་ཆེས་ནས་བསྔགས་ཤིང་བསྟོད་པ་དང་། འབྱེད་ཅིང་སྟོན་གྱི། རང་སངས་རྒྱས་ཀྱི་ཐེག་པ་དང་། ཐེག་པ་ཆེན་པོ་ལ་འཕྱ་
D239.065.0172b04.01ཞིང་སྐུར་པ་འདེབས་པ་དང་། སྨོད་ཅིང་བར་ཆད་བྱེད་པ་བགེགས་བྱེད་དེ་སྟོན་དུ་མི་སྟེར་བ་ཡང་ཡོད་དོ། །ལ་ལ་ནི་རང་སངས་རྒྱས་ཀྱི་ཐེག་པ་འབའ་ཞིག་གིས་མཐར་ཕྱིན་པའི་རྣམ་པར་དག་པ་འཐོབ་ཀྱི། ཉན་ཐོས་ཀྱི་ཐེག་པ་དང་། ཐེག་པ་ཆེན་པོས་མ་ཡིན་པར་འཛིན་ཏེ། རང་སངས་རྒྱས་ཀྱི་ཐེག་པ་
D239.065.0172b05.01ལ་དད་ཅིང་ཡིད་ཆེས་ཏེ། བསྟོད་ཅིང་བསྔགས་པ་དང་། འབྱེད་ཅིང་སྟོན་གྱི། ཉན་ཐོས་ཀྱི་ཐེག་པ་དང་། ཐེག་པ་ཆེན་པོ་ལ་འཕྱ་ཞིང་སྐུར་པ་འདེབས་པ་དང་། སྨོད་ཅིང་བར་ཆད་བྱེད་པ་ལ་བགེགས་བྱེད་དེ་སྟོན་དུ་མི་སྟེར་བ་ཡང་ཡོད་དོ། །ལ་ལ་ནི་ཐེག་པ་ཆེན་པོ་འབའ་ཞིག་གིས་མཐར་ཕྱིན་པའི་
D239.065.0172b06.01རྣམ་པར་དག་པ་འཐོབ་ཀྱི། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པས་མ་ཡིན་པར་འཛིན་ཏེ། ཐེག་པ་ཆེན་པོ་ལ་བདག་དད་ཅིང་ཡིད་ཆེས་པས་ཕ་རོལ་གཞན་ཡང་དད་ཅིང་ཡིད་ཆེས་པར་བྱེད། བདག་རིམ་གྲོ་དང་། བཀུར་སྟི་བྱེད་པས་ཕ་རོལ་པོ་གཞན་ཡང་རིམ་གྲོ་དང་། བཀུར་
D239.065.0172b07.01