完整藏文原文 · 德格版页 当前仅加载第 65 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་དང་ཆ་ལུགས་འཕགས་པ་རྣམས་དང་འཐུན་ཏེ། དེ་ལ་ནི་རྒྱལ་པོ་དང་། བློན་པོ་ཆེན་པོ་དང་། ཁྱིམ་པ་རྣམས་ཀྱིས་ཁྱིམ་པའི་ཆོས་ཉིད་དང་ཡང་སྦྱར་དུ་མི་གནང་ན། གཞུ་བ་དང་། འཚོག་པ་དང་། ནན་ལ་བོར་བ་དང་། བཙོན་རར་གཞུག་པ་དང་། གཤེ་
D239.065.0152a01.01ཞིང་སྤྱོ་བ་དང་། ལུས་ཀྱི་ཡན་ལག་གཏུབ་པ་དང་། འཚོ་བའི་དབང་པོ་དང་ཕྲལ་བ་ཆོས་མ་ཡིན་པ་བྱེད་པ་ལྟ་ཅི་སྨོས། རྒྱལ་པོའམ། བློན་པོའམ། ཁྱིམ་པ་རྣམས་ཀྱིས་གལ་ཏེ་དེ་ལྟར་བྱས་ན་ཁ་ན་མ་ཐོ་བའི་སྡིག་པ་ཆེན་པོ་འཐོབ་པར་འགྱུར་ཏེ། གདོན་མི་ཟ་བར་མཚམས་མེད་
D239.065.0152a02.01པའི་སེམས་ཅན་དམྱལ་བར་སྐྱེའོ། །འདི་ལྟར་ཚུལ་ཁྲིམས་ཉམས་པ་སྡིག་པ་སྤྱོད་པའི་དགེ་སློང་ལ་ཡང་ཆད་པས་གཅོད་དུ་མི་གནང་ན་ཚུལ་ཁྲིམས་དང་ལྡན་པ་དགེ་བ་སྤྱོད་པ་ལ་ལྟ་ཅི་སྨོས། རིགས་ཀྱི་བུ་དགེ་སློང་གང་གིས་ཚུལ་ཁྲིམས་ཀྱི་རྩ་བའི་སྡིག་ལས་གཅིག་ཉམས་པ་ཡང་
D239.065.0152a03.01ཚུལ་ཁྲིམས་ཉམས་ཤིང་སྡིག་པ་སྤྱོད་པའི་དགེ་སློང་ཞེས་བྱ་མོད་ཀྱི། བསྟན་པ་བཞིན་དུ་དད་པའི་དགེ་འདུན་གྱིས་ལས་བྱས་པའི་སྡོམ་པ་རྒྱུན་མི་འཆད་པར་ཡོད་དེ། བསླབ་པ་དང་། ཚུལ་ཁྲིམས་ཀྱི་བར་དུ་བཏང་ཡང་རྣམ་པར་དཀར་བའི་ཆོས་ཀྱི་གསུང་ཙམ་ཡོད་ཀྱིས། དེ་
D239.065.0152a04.01ལ་ཡང་རྒྱལ་པོ་དང་། བློན་པོ་དང་། ཁྱིམ་པ་དང་། སྡོམ་པ་མེད་པ་རྣམས་ཀྱིས་བརྙས་སྨོད་དམ། ཆད་པས་གཅད་དུ་མི་གནང་ངོ་། །དེ་ལྟར་དགེ་སློང་དེ་ཆོས་ཀྱི་སྣོད་མ་ཡིན་ཏེ། འཕགས་པའི་ཆོས་ཉམས་པས་ཡོངས་སུ་དག་པའི་དགེ་འདུན་སྨེ་བར་བྱེད་ཅིང་དགེ་སྦྱོང་གི་ལས་སུ་
D239.065.0152a05.01བྱ་བའི་ལས་ཐམས་ཅད་མི་རུང་བར་བྱེད་པ་ཡིན་ཏེ། ཕྱོགས་བཞིའི་དགེ་འདུན་གྱི་ལོངས་སྤྱད་ལ་སྤྱོད་དུ་ནི་མི་དབང་མོད་ཀྱི། འོན་ཀྱང་ཡིད་འཐུན་པའི་དགེ་འདུན་ལས་བསྙེན་པར་རྫོགས་ཏེ་སྡོམ་པ་ཐོབ་པ་མ་བཏང་བས་ཁྱིམ་པ་སྐྱེ་བོ་ཐམས་ཅད་པས་མཆོག་གོ། །རྩ་བའི་
D239.065.0152a06.01སྡིག་ཉམས་ཀྱང་དེ་ལྟ་བུ་ཡིན་ན། དེ་མ་ཡིན་པ་བཅས་པའི་སྡིག་ཕྲ་མོ་གཞན་ཉམས་པ་ལྟ་ཅི་སྨོས་ཏེ། དེ་བས་ན་རྒྱལ་པོ་དང་། བློན་པོ་དང་། ཁྱིམ་པ་རྣམས་ཀྱིས་བརྙས་པའམ། སྨོད་པ་བྱེད་དམ། ཆད་པས་གཅོད་དུ་མི་དབང་ངོ་། །དེ་ཅིའི་ཕྱིར་ཞེ་ན། རིགས་ཀྱི་བུ་
D239.065.0152a07.01