完整藏文原文 · 德格版页 当前仅加载第 65 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
སྤོས་དང་། མེ་ཏོག་དང་། རོལ་མོ་རྣམ་པ་སྣ་ཚོགས་ཀྱིས་མཆོད་པའི་བསོད་ནམས་ཀྱི་ཕུང་པོ་བས་སངས་རྒྱས་ཀྱི་རིང་བསྲེལ་གྱི་ཕྱིར་མཆོད་རྟེན་བརྩིགས་པའི་བསོད་ནམས་ཀྱི་ཕུང་པོ་མང་སྟེ། དགྲ་བཅོམ་པའི་བཅིང་བ་བཀྲོལ་ཏེ་མཆོད་པ་བྱས་པའི་བསོད་ནམས་ཀྱིས། བརྒྱའི་ཆར་
D239.065.0162b01.01ཡང་ཉེ་བར་མི་འགྲོའོ། །སྟོང་གི་ཆར་ཡང་ཉེ་བར་མི་འགྲོའོ། །བརྒྱ་སྟོང་གི་ཆར་ཡང་ཉེ་བར་མི་འགྲོའོ། །བྱེ་བའི་ཆར་ཡང་ཉེ་བར་མི་འགྲོའོ། །ཁྲག་ཁྲིག་གི་ཆར་ཡང་ཉེ་བར་མི་འགྲོ་བ་ནས། རྩིས་ཀྱི་ཆར་རམ། གྲངས་ཀྱི་ཆར་རམ། དཔག་པའི་ཆར་རམ། དཔེའི་ཆར་རམ།
D239.065.0162b02.01རྒྱུའི་ཆར་ཡང་ཉེ་བར་མི་འགྲོའོ། །རིགས་ཀྱི་བུ་གལ་ཏེ་རྒྱལ་རིགས་དགེ་བ་ནས་བྲམ་ཟེ་དགེ་བའི་བར་དུ་གང་གིས་སྡིག་པའི་འཁོར་ལོ་བཅུ་པོ་བདག་ཀྱང་མི་བྱེད་ལ། གཞན་དག་ཀྱང་སྡིག་པའི་འཁོར་ལོ་བཅུ་པོ་མ་སྤྱོད་ཅིག་པར་གྲོས་འདེབས་ན་དེའི་བསོད་ནམས་ཀྱི་ཕུང་པོ་ནི། བསོད་
D239.065.0162b03.01ནམས་ཀྱི་ཕུང་པོ་སྔ་མ་གང་བས་ཀྱང་ཚད་མེད། དཔག་ཏུ་མེད། བརྗོད་དུ་མེད་པར་ཆེ་སྟེ། ཇི་སྙེད་ཀྱི་བསོད་ནམས་སྐྱེས་པ་དེ་སྙེད་ཀྱི་སྡིག་ཀྱང་ཡོངས་སུ་འབྱང་བར་འགྱུར་རོ། །རིགས་ཀྱི་བུ་གལ་ཏེ་རྒྱལ་རིགས་དགེ་བའམ། བློན་པོ་དགེ་བའམ། ཁྱིམ་བདག་གམ། ཚོང་དཔོན་ནམ།
D239.065.0162b04.01དགེ་སྦྱོང་ངམ། བྲམ་ཟེ་དགེ་བ་གང་ཞིག་མ་འོངས་པའི་དུས་ལྔ་བརྒྱའི་ཐ་མ་ལ་དམ་པའི་ཆོས་རྣམ་པར་འཇིག་ཏུ་ཉེ་བ་ན་ངས་བསྟན་པའི་ཆོས་ཀྱི་མིག་ཤིན་ཏུ་སྲུང་ཞིང་བདག་ཀྱང་ཤིན་ཏུ་སྡོམ་ལ། ཕ་རོལ་པོ་གཞན་ཡང་སྲུང་བ། འཇིག་རྟེན་ཕྱི་མའི་བག་བྱེད་པ་ངའི་བསྟན་པ་ལ་རབ་ཏུ་བྱུང་བའི་སློབ་མ་
D239.065.0162b05.01ཆོས་ཀྱི་སྣོད་དུ་གྱུར་པའམ་ཆོས་ཀྱི་སྣོད་དུ་མ་གྱུར་པ་ཡང་རུང་། མཐར་ནི་ཚུལ་ཁྲིམས་མེད་པ་ཡང་རུང་སྟེ། སྐྲ་དང་ཁ་སྤུ་བྲེགས་ནས་གོས་ངུར་སྨྲིག་གྱོན་པ་ལ་ཤིན་ཏུ་བག་བྱེད་ཅིང་བསྟི་སྟང་དང་བཅས་པས་མཆོད་དེ་གནོད་པ་མི་བྱེད་དམ། གཞན་ཡང་ཐེག་པ་གསུམ་གྱི་དམ་པའི་ཆོས་
D239.065.0162b06.01ཤིན་ཏུ་སྲུང་ཞིང་ཉན་ཏེ་འཛིན་པ་དང་། ཉན་ཐོས་ཀྱི་ཆོས་ལ་བསྟི་སྟང་བྱེད་པ་ན་རང་སངས་རྒྱས་ཀྱི་ཐེག་པའི་ཆོས་དང་ཐེག་པ་ཆེན་པོའི་ཆོས་ལ་མི་འཕྱ་མི་སྐུར་པ་དང་། རང་སངས་རྒྱས་ཀྱི་ཐེག་པ་པ་དང་། ཐེག་པ་ཆེན་པོ་ལ་ཕྲག་དོག་མི་སྐྱེད་པ་དང་། རང་སངས་རྒྱས་ཀྱི་ཐེག་པའི་
D239.065.0162b07.01