完整藏文原文 · 德格版页 当前仅加载第 65 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ན་གནས་པའི་སེམས་ཅན་ཐམས་ཅད་ལུས་དང་། སེམས་ཟོ་མདོག་བདེ་ཞིང་ཡང་བ་དང་། དགྲ་སྡང་བ་དང་། འཆིང་བ་ཐམས་ཅད་དང་བྲལ་བ་དང་། འདུམ་ཞིང་དགའ་བ་དང་། སྤྲོ་བ་དང་། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་
D239.065.0108a01.01འགྲུས་རྩོམ་པ་དང་། སེམས་མི་འཁྲུག་པ་དང་། ཤེས་རབ་ཡོངས་སུ་རྫོགས་པ་ལ་དགའ་ཞིང་མོས་པར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་དུ་འགྱུར་ཏེ། གལ་ཏེ་ཕུལ་དུ་གྱུར་པའི་སྤྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་
D239.065.0108a02.01ན་ཏིང་ངེ་འཛིན་དེའི་མཐུས་སངས་རྒྱས་ཀྱི་ཞིང་དེ་དག་ན་གནས་པའི་སེམས་ཅན་ཐམས་ཅད་ཁྱད་པར་ཅན་གྱི་རབ་ཏུ་དགའ་བ་ཚད་མེད་པ་དང་ལྡན་པར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་དུ་འགྱུར་ཏེ། གལ་ཏེ་འཇིག་རྟེན་པའི་ལམ་གྱི་འོད་ཅེས་བྱ་བའི་ཏིང་ངེ་
D239.065.0108a03.01འཛིན་ལ་སྙོམས་པར་ཞུགས་ན་ཏིང་ངེ་འཛིན་དེའི་མཐུས་སངས་རྒྱས་ཀྱི་ཞིང་དེ་ན་གནས་པའི་སེམས་ཅན་ཐམས་ཅད་ཐོགས་པ་མེད་པའི་ཡེ་ཤེས་ཐོབ་ཅིང་རྣམ་པར་དག་པའི་ལས་རྣམ་པ་སྣ་ཚོགས་སྦྱོང་བར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་
D239.065.0108a04.01དུ་འགྱུར་ཏེ། གལ་ཏེ་རྒྱལ་བའི་རྡོ་རྗེ་ལ་ཤིན་ཏུ་གནས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ན་ཏིང་ངེ་འཛིན་དེའི་མཐུས་སངས་རྒྱས་ཀྱི་ཞིང་དེ་ན་གནས་པའི་སེམས་ཅན་ཐམས་ཅད་དབང་པོ་ཀུན་དང་ལྡན་ཞིང་དབང་པོ་མི་ཉམས་པ་དང་། རྟག་ཏུ་ཡང་དག་པར་འབྱུང་བའི་
D239.065.0108a05.01ལམ་ལ་མོས་ཤིང་སེམས་རབ་ཏུ་ཞི་བར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་དུ་འགྱུར་ཏེ། གལ་ཏེ་ལྷག་པའི་རྒྱལ་མཚན་རྟོག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ན་ཏིང་ངེ་འཛིན་དེའི་མཐུས་སངས་རྒྱས་ཀྱི་ཞིང་དེ་དག་ན་
D239.065.0108a06.01གནས་པའི་སེམས་ཅན་ཐམས་ཅད་བདག་སྡིག་པ་མི་དགེ་བའི་ཆོས་ལ་ཤིན་ཏུ་སྐྱོ་ཞིང་མི་འདོད་པ་དང་། ཐམས་ཅད་ཀྱང་དགེ་བ་སྲུང་བ་དང་། དགེ་བ་བཅུའི་ལས་ཀྱི་ལམ་གྱིས་མཐོ་རིས་ཀྱི་ལྷར་སྐྱེ་བར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་
D239.065.0108a07.01