完整藏文原文 · 德格版页 当前仅加载第 65 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
སྟང་བྱ་བའི་སེམས་མེད་དོ། །དེ་ལ་མཆོད་པ་དང་། བསྙེན་བཀུར་བྱེད་པ་ལ་མི་མོས་ཤིང་། ཇི་སྐད་དུ་བསྟན་ཀྱང་དེའི་ཚིག་མི་ཉན་ཏེ་དེ་ལ་བརྙས་ཤིང་སྨོད་དོ། །དེ་ལྟར་བས་མཐར་གནས་པའི་དགེ་སློང་ཡོངས་སུ་དག་པ་ལ་བརྙས་སྨོད་པ་ཉིད་ཆོས་ཀྱི་མིག་དང་དཀོན་མཆོག་གསུམ་གྱི་གདུང་
D239.065.0149b01.01ལ་བརྙས་ཤིང་སྨོད་པ་ཡིན་པས་དེའི་ཚེ་ཡུལ་དེ་ན་གནས་པའི་ལྷ་དང་། ཀླུ་དང་། གནོད་སྦྱིན་དང་། ལྷ་ལ་སོགས་པ་དཀོན་མཆོག་གསུམ་ལ་བསམ་པ་དག་པ་དད་པ་མི་ཕྱེད་པ་དག་རྒྱལ་རིགས་གདོལ་པ་ཅན་ནས་བྲམ་ཟེ་གདོལ་པ་ཅན་གྱི་བར་དུ་གདོལ་པ་ཅན་དེ་དག་ཐམས་ཅད་ཁྲོས་ཏེ་ཞེ་སྡང་
D239.065.0149b02.01གི་སེམས་སྐྱེས་ནས་གཅིག་ལ་གཅིག་འདི་སྐད་ཟེར་རོ། །ཀྱེ་སྐྱེས་བུ་དག་ལྟོས་རྒྱལ་རིགས་གདོལ་པ་ཅན་དང་། རྗེའུ་རིགས་དང་། ཁྱིམ་བདག་དང་། ཚོང་དཔོན་དང་། དགེ་སྦྱོང་དང་། བྲམ་ཟེ་གདོལ་པ་ཅན་འདི་དག་ཆོས་ཀྱི་མིག་དཀོན་མཆོག་གསུམ་གྱི་གདུང་འཚོབ་པ་ཐམས་ཅད་
D239.065.0149b03.01ལ་ནི་བརྙས་ཤིང་དབང་བཟས་པས་དགེ་བའི་རྩ་བ་ཡང་མེད་པར་བྱས་ཏེ་མི་དགེ་བའི་བཤེས་གཉེན་གྱི་དབང་དུ་གྱུར་པས་སྡིག་པའི་ལས་ཀྱིས་ངན་སོང་དུ་ལྟུང་བར་འགྱུར་གྱིས་བདག་ཅག་དེང་ཕྱིན་ཆད་དེ་དག་གི་སྐྱབས་མི་བྱའོ། །རྒྱལ་རིགས་གདོལ་པ་ཅན་ལ་སོགས་པ་དེ་དག་གི་གནས་
D239.065.0149b04.01དང་། ཡུལ་དང་། གྲོང་ཁྱེར་དང་། སྲིད་ཀྱང་མི་བསྲུང་ངོ་ཞེས་ཟེར་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་ལ་སོགས་པ་ཐམས་ཅད་དེ་དག་ལ་མི་སྐྱོ་བ་མི་འགོ་སྟེ་ཡལ་བར་གཏོང་ངོ་། །དེ་བས་ན་རྒྱལ་རིགས་གདོལ་པ་ཅན་ལ་སོགས་པའི་ཡུལ་དང་། གྲོང་ཁྱེར་ན་གནས་
D239.065.0149b05.01པའི་ཡང་དག་པའི་ཆོས་ཀྱི་སྣོད་དུ་འགྱུར་བ་དང་། ཡང་དག་པར་བསོད་ནམས་ཀྱི་ཞིང་དུ་འགྱུར་བ་ཐམས་ཅད་ཡུལ་དེ་ནས་བྱུང་སྟེ་འགྲོའོ། །ཇི་སྟེ་འདུག་པ་ཞིག་ཡོད་ན་ཡང་མི་འདོད་ཅིང་གཏོང་བའི་བསམ་པ་སྐྱེས་པས་བསྐྱབ་ཅིང་བསྲུང་བའི་སེམས་མེད་དོ། །དེ་ལྟར་ལྷ་དང་། ཀླུ་དང་། གནོད་
D239.065.0149b06.01སྦྱིན་དང་། ལྷ་ལ་སོགས་པ་དང་། ཡང་དག་པའི་ཆོས་ཀྱི་སྣོད་དུ་གྱུར་པ་དང་། བསོད་ནམས་ཀྱི་ཞིང་དུ་འགྱུར་བ་ཐམས་ཅད་ཀྱིས་རྒྱལ་རིགས་གདོལ་པ་ཅན་དང་། དེའི་སྲིད་དང་། ཡུལ་དང་། གྲོང་ཁྱེར་ལ་བསྲུང་ཞིང་བསྐྱབ་པའི་སེམས་མེད་དེ། བསྲུང་ཞིང་བསྐྱབ་པའི་སེམས་མེད་པས་དེའི་ཚེ་ན་ཡུལ་
D239.065.0149b07.01