完整藏文原文 · 德格版页 当前仅加载第 65 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་པ་བྱུང་ཚེ། །ས་ཆེན་ཆུ་ཡིས་གཡེངས་ཏེ་འཇིག་འགྱུར། །དེ་བཞིན་ང་ཡི་ཆོས་སྲུང་བ་ཡང་། །ཡིད་དུ་མི་འོང་འབྲས་བུ་འཇོམས་འགྱུར། །ཇི་ལྟར་རིན་ཆེན་ཡིད་བཞིན་ནོར་བུས། །འདོད་པ་ཐམས་ཅད་ཡོངས་སུ་རྫོགས་བྱེད། །དེ་བཞིན་ཐེག་པ་གསུམ་གྱི་ཆོས་ཀྱང་། །སེམས་
D239.065.0167b01.01ཅན་ཀུན་གྱི་སྨོན་པ་རྫོགས་བྱེད། །གང་གིས་བུམ་པ་བཟང་པོ་རྙེད་ན། །དབུལ་དང་བྲལ་ཏེ་བདེ་སྐྱིད་ཐོབ་འགྱུར། །དེ་བཞིན་སངས་རྒྱས་ཆོས་དང་ཕྲད་པ། །ཐེ་ཙོམ་གཅོད་ཅིང་བྱང་ཆུབ་ཐོས་འགྱུར། །ཇི་ལྟར་བཅོ་ལྔའི་ཟླ་བ་ཉ་ན། །འོད་ཀྱིས་ནམ་མཁའ་ཐམས་ཅད་ཀུན་སྣང་། །དེ་བཞིན་
D239.065.0167b02.01ཆོས་སྲུང་བ་ཡི་གང་ཟག །ཤེས་རབ་ཀྱིས་ནི་ཆོས་དབྱིངས་ཀུན་ཁྱབ། །ཇི་ལྟར་ནམ་མཁའ་ཀུན་ཏུ་མཉམ་ལ། །རྫས་ཀྱང་མེད་ཅིང་མཚན་མ་མེད་པ། །དེ་བཞིན་ཆོས་སྲུང་བ་ཡི་གང་ཟག །ཐམས་ཅད་ཆོས་ནི་རོ་གཅིག་པར་ཤེས། །ཇི་ལྟར་ཉི་མའི་འོད་ནི་བཀྱེ་བ། །འཇིག་རྟེན་མུན་
D239.065.0167b03.01པ་ཐམས་ཅད་ཀུན་སེལ། །དེ་བཞིན་ཆོས་སྲུང་བ་ཡི་གང་ཟག །རྟག་ཏུ་འཇིག་རྟེན་ཀུན་ཏུ་བདེ་བྱེད། །ཤིན་ཏུ་རྒྱས་པ་ཆེན་པོའི་མདོ་སའི་སྙིང་པོ་འཁོར་ལོ་བཅུ་པ་ཞེས་བྱ་བ་ལས་གནས་ཤིང་སྤྱད་པར་མི་བྱ་བའི་ལེའུ་སྟེ་གསུམ་མོ།། །།དེ་ནས་བྱང་ཆུབ་སེམས་དཔའ་སེམས་དཔའ་
D239.065.0167b04.01ཆེན་པོ་རྡོ་རྗེ་སྙིང་པོ་ཞེས་བྱ་བ་འཁོར་གྱི་དཀྱིལ་འཁོར་དེའི་ནང་ན་འདུག་པ་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ནས་བླ་གོས་ཕྱོགས་གཅིག་ཏུ་བྱས་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས་ཐལ་མོ་སྦྱར་བ་བཏུད་དེ་ཚིགས་སུ་བཅད་པས་གསོལ་པ།
D239.065.0167b05.01ཚུལ་ཁྲིམས་ཉམས་པས་རྣམ་དག་ཡོན་ཏན་སྟོར་བ་དག །འཕགས་པའི་སྣོད་མིན་པ་ཡིས་སྲས་མ་ཡིན་ཞེས་གསུངས། །དགེ་སྦྱོང་ཆོས་ཉིད་སྤངས་ཤིང་ཐལ་བ་འདྲ་བ་དག །ང་ཡི་རྣམ་དག་འཁོར་འདིར་གནས་པ་མཛེས་པ་མིན། །དྲི་མ་གསུམ་གྱིས་བསྒོས་ཤིང་འགོག་དང་ལམ་
D239.065.0167b06.01སྟོར་བའི། །ཁྱད་པར་ཅན་གྱི་མཆོད་པ་གང་ཡང་དེས་མི་ཞུ། །ཕྱོགས་བཞིའི་དགེ་འདུན་དབང་བར་བསྔོས་པའི་ནོར་དག་ལ། །ཆ་ཤས་ཅུང་ཟད་ཙམ་ཡང་སྤྱོད་དུ་ངས་མ་གནང་། །ཚུལ་ཁྲིམས་རྩ་བ་བཞི་ལས་གཅིག་ཙམ་ཉམས་པ་དག །དགེ་འདུན་འཁོར་དུ་མི་ཆུད་རྒྱ་མཚོའི་
D239.065.0167b07.01