完整藏文原文 · 德格版页 当前仅加载第 65 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུས་བརྟན་པ་དང་། སྨོན་ལམ་གྱི་མཐུས་གདོན་མི་ཟ་བར་སངས་རྒྱས་སྣང་མཛད་ཀྱི་ཚེ་སྔོན་གྱི་ལས་ཀྱི་སྒྲིབ་པ་ཐམས་ཅད་བྱང་བ་དང་། ལྷག་པའི་བསམ་པས་བསྟི་སྟང་དང་བཅས་ཏེ་བསྙེན་བཀུར་དང་། མཆོད་པ་གདོན་མི་ཟ་བར་བྱེད་པར་འགྱུར་རོ། །དེ་བཞིན་
D239.065.0197a01.01གཤེགས་པ་སྣང་མཛད་ཀྱིས་ཀྱང་གདོན་མི་ཟ་བར་ཉོན་མོངས་པ་ཐམས་ཅད་ཡོངས་སུ་གཅད་པའི་དགྲ་བཅོམ་པར་འགྱུར་བར་མཛད་དོ། །གདོན་མི་ཟ་བར་ཏིང་ངེ་འཛིན་གྱི་སྒོའི་ཡོན་ཏན་གྱི་ཁྱད་པར་ཐོབ་པར་མཛད་དོ། །དེ་ནས་ཉན་ཐོས་དེ་དག་དང་། བྱང་ཆུབ་སེམས་དཔའ་དེ་དག་དགའ་
D239.065.0197a02.01བཞིན་དུ་བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་ཕྱིར་ཡང་སོ་སོའི་སྟན་ལ་འཁོད་དོ། །དེའི་ཚེ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་ལ་བཀའ་སྩལ་པ། རིགས་ཀྱི་བུ་ངས་སངས་རྒྱས་ཀྱི་སྤྱན་གྱིས་འཇིག་རྟེན་ཐམས་ཅད་ལ་བརྟགས་ན། མ་
D239.065.0197a03.01འོངས་པའི་དུས་ན་སངས་རྒྱས་ཀྱི་ཞིང་འདིར་ཚད་མེད་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་སྙེད་ཀྱི་རྒྱལ་རིགས་གདོལ་པ་ཅན་དང་། བྲམ་ཟེ་གདོལ་པ་ཅན་དང་། བློན་པོ་གདོལ་པ་ཅན་དང་། ཁྱིམ་བདག་གདོལ་པ་ཅན་དང་། ཚོང་དཔོན་གདོལ་པ་ཅན་དང་། དགེ་སྦྱོང་གདོལ་པ་ཅན་དང་།
D239.065.0197a04.01རྗེའུ་རིགས་དང་། དམངས་རིགས་དང་གདོལ་པ་ཅན་གྱི་སྐྱེས་པའམ། བུད་མེད་ལ་སོགས་པ་དེ་དག་དགེ་བའི་རྩ་བ་ཆུང་ངུ་བསྐྱེད་པས་མིའི་ལུས་ཐོབ་ཏུ་ཟིན་ཀྱང་མི་དགེ་བའི་བཤེས་གཉེན་དང་སྟེན་ཅིང་ལོག་པའི་ལྟ་བ་བསྐྱེད་པས་སྡིག་པ་མི་དགེ་བའི་ལས་ཀྱིས་ངའི་བླ་ན་མེད་པའི་དམ་
D239.065.0197a05.01པའི་ཆོས་ཤིན་ཏུ་ཟབ་མོ་འཇིག་པར་བྱེད་དོ། །ངའི་བསྟན་པ་རྒྱས་པར་མི་བྱེད། རྒྱས་པ་རྣམས་མེད་པར་བྱེད་ཅིང་མོས་པ་མི་སྐྱེད། ངས་བསྟན་པའི་ཉན་ཐོས་ཀྱི་ཐེག་པ་ཅན་གྱི་དམ་པའི་ཆོས་ལ་འཕྱ་ཞིང་སྐུར་ཏེ། བགེགས་དང་བར་ཆད་བྱེད་ཅིང་རྒྱས་པར་མི་བྱེད་པ་དང་། བར་བར་ནི་ངས་
D239.065.0197a06.01བསྟན་པའི་རང་སངས་རྒྱས་ཀྱི་ཐེག་པ་ཅན་གྱི་དམ་པའི་ཆོས་ལ་འཕྱ་ཞིང་སྐུར་པ་དང་། བགེགས་དང་བར་ཆད་བྱེད་ཅིང་རྒྱས་པར་མི་བྱེད་པ་དང་། བར་བར་ནི་ངས་བསྟན་པའི་བླ་ན་མེད་པའི་ཐེག་པ་ཅན་གྱི་དམ་པའི་ཆོས་ལ་འཕྱ་ཞིང་སྐུར་པ་དང་། བགེགས་དང་བར་ཆད་བྱེད་ཅིང་རྒྱས་པར་མི་
D239.065.0197a07.01