完整藏文原文 · 德格版页 当前仅加载第 65 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་དུ་འགྱུར་ཏེ། གལ་ཏེ་འཇིག་རྟེན་ཀུན་དུ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ན་ཏིང་ངེ་འཛིན་དེའི་མཐུས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་མུན་པ་དང་བྲལ་ཏེ། སངས་
D239.065.0107a01.01རྒྱས་ཀྱི་ཞིང་དེ་ན་གནས་པ་ཐམས་ཅད་ཀྱང་ཕྱོགས་བཅུའི་སངས་རྒྱས་ཀྱི་ཞིང་ཀུན་མངོན་སུམ་དུ་མཐོང་བར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་དུ་འགྱུར་ཏེ། གལ་ཏེ་སངས་རྒྱས་ཀྱི་སྒྲོན་མ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་
D239.065.0107a02.01ན་ཏིང་ངེ་འཛིན་དེའི་མཐུས་སངས་རྒྱས་ཀྱི་ཞིང་དེ་དག་ན་གནས་པའི་སེམས་ཅན་ཐམས་ཅད་ལོག་པར་ལྟ་བ་ཡོངས་སུ་སྤངས་ནས། དཀོན་མཆོག་གསུམ་ལ་སྐྱབས་སུ་འགྲོ་བར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་དུ་གྱུར་ཏེ།
D239.065.0107a03.01གལ་ཏེ་རྡོ་རྗེའི་འོད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ན་ཏིང་ངེ་འཛིན་དེའི་མཐུས་སངས་རྒྱས་ཀྱི་ཞིང་དེ་དག་གི་རི་ཁོར་ཡུག་དང་། ཁོར་ཡུག་ཆེན་པོ་དང་། རི་རབ་ལྷུན་པོ་དང་། དེ་མ་ཡིན་པའི་རི་གཞན་དང་། ལུང་པ་དང་། ལུང་ཕྲན་དང་། གཅོང་རོང་དང་།
D239.065.0107a04.01གསེག་མ་དང་། གྱོ་མོ་དང་། ཚེར་མ་དང་། རྩྭ་དང་། ཤིང་ངན་པ་ཐམས་ཅད་མི་སྣང་ངོ་། །སངས་རྒྱས་ཀྱི་ཞིང་དེ་ན་ཇི་ཙམ་དུ་ངན་པར་གདགས་པ་དུག་དང་། བྱད་སྟེམས་དང་། གཅན་གཟན་མ་རུངས་པ་དང་། ཡེ་འདྲོག་དང་། གློ་བུར་དང་། རིམས་ནད་དང་། ཡུལ་
D239.065.0107a05.01ངན་དང་། ནམ་རྨུས་པ་དང་། རྡུལ་དང་། དྲི་མ་དང་། མི་གཙང་བའི་ཉལ་ཉིལ་ཐམས་ཅད་ཀྱང་ཞི་ཞིང་མེད་པར་འགྱུར་རོ། །སངས་རྒྱས་ཀྱི་ཞིང་དེའི་ས་གཞི་ཡང་ལག་མཐིལ་བཞིན་དུ་མཉམ་ཞིང་བཀྲ་ཤིས་པ་རྣམ་པ་སྣ་ཚོགས་རང་འབྱུང་བ་དང་། རྣམ་པར་དག་པར་འགྱུར་
D239.065.0107a06.01བ་དང་། ཕུལ་དུ་འགྱུར་བ་དང་། དམ་པར་འགྱུར་བ་དང་། མཚན་མ་བཟང་པོ་དུ་མས་ཡོངས་སུ་བརྒྱན་པར་འགྱུར་རོ། །དེ་ཇི་ལྟར་གནས་པ་བཞིན་དུ་སངས་རྒྱས་ཀྱི་ཞིང་རྣམས་ཀྱང་དེ་བཞིན་དུ་འགྱུར་ཏེ། གལ་ཏེ་ཡེ་ཤེས་ཀྱི་སྟོབས་གདུལ་དཀའ་བ་ཞེས་བྱ་བའི་ཏིང་ངེ་འཛིན་
D239.065.0107a07.01