完整藏文原文 · 德格版页 当前仅加载第 65 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
ཐེག་པ་ཆེན་པོའི་རིགས་ལས་ཀྱང་ཕྱིར་མི་ལྡོག་པའི་གནས་ཡོད་དོ། །དེ་བས་ན་ཐེག་པ་གསུམ་ཆར་ལ་ཡང་བསླབ་ཅིང་ནན་ཏན་བྱའི། ང་རྒྱལ་གྱིས་ཐེག་པ་ཆེན་པོ་པའོ་ཞེས་ཁས་འཆེ་ཞིང་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་
D239.065.0179a01.01ཐེག་པའི་ཆོས་ལ་འཕྱ་ཞིང་སྐུར་པར་མི་བྱའོ། །ངས་སྔོན་ཐེག་པ་ཆེན་པོའི་ཆོས་ཀྱི་སྣོད་དུ་གྱུར་པ་བརྟན་པར་སྤྱོད་པ་འབའ་ཞིག་ལ་དེ་སྐད་དུ་ཐེག་པ་ཆེན་པོ་སྒོམ་པ་འབའ་ཞིག་གིས་མཐའི་གནས་བྱེད་པར་འགྱུར་རོ། །ཞེས་བཤད་པ་དང་འདིར་འགལ་བ་མེད་དོ། །
D239.065.0179a02.01དེ་ནས་བཅོམ་ལྡན་འདས་ཀྱིས་དོན་འདི་དག་གསལ་བར་བཟླས་པའི་ཕྱིར་ཚིགས་སུ་བཅད་པ་འདི་གསུངས་སོ། །འཁོར་གྱི་དཀྱིལ་འཁོར་ཆེན་པོའི་མངོན་སུམ། །རྡོ་རྗེའི་སྙིང་པོས་ང་ལ་ཞུས་པ། །ཚུལ་ཁྲིམས་ཉམས་པའི་དགེ་སློང་དག་ལ། །ཅི་ཕྱིར་མཆོད་པ་
D239.065.0179a03.01གྱིས་ཤིག་ཅེས་སྐུལ། །སྦྱངས་པའི་ཡོན་ཏན་ཀུན་ཀྱང་ཉམས་ནས། །གླེན་ཞིང་ངན་པར་ལྟ་བ་འཛིན་པ། །ཆོས་ཀྱི་སྣོད་མིན་ལམ་སུན་འབྱིན་ལ། །སྤྱོ་འམ་ཆད་པས་གཅད་དུ་མི་གནང་། །དེ་ལས་ཐེག་པ་གསུམ་གྱི་དམ་ཆོས། །ཡང་དག་པ་ཡི་རྣམ་པར་
D239.065.0179a04.01སྒྲོལ་བ། །སྨན་བཟང་ལྟ་བུ་བཤད་པ་ཐོས་ན། །ཞི་བའི་མྱ་ངན་འདས་འགྱུར་ཞེས་གསུངས། །ཅི་ཡི་ཕྱིར་ན་མདོ་སྡེ་གཞན་ལས། །ཐེག་པ་ཆེན་པོ་གཅིག་གིས་གྲོལ་འགྱུར། །ཐེག་པ་གཉིས་ཀྱི་ཆོས་ལ་སློབ་སྤངས། །ཡང་འདིར་ཐེག་པ་གསུམ་བཤད་
D239.065.0179a05.01ཅི་ཕྱིར། །སེམས་ཅན་ཀུན་ལ་ཐུགས་བརྩེ་ཅན་གྱིས། །ངན་པར་ལྟ་བའི་ལས་ཀུན་སྤངས་ཏེ། །ཕན་པ་དང་ནི་བདེ་བའི་དོན་ཕྱིར། །རྣམ་པར་གྲོལ་ཞིང་ཐེ་ཙོམ་གཅོད་གསོལ། །རྒྱལ་རིགས་རྒྱལ་པོ་དག་ལ་ཕན་པ། །རྗེའུ་རིགས་དམངས་རིགས་བར་
D239.065.0179a06.01དུ་བདེ་ཕྱིར། །དགེ་སློང་དག་ལ་གནོད་བྱེད་མི་གནང་། །ཁ་ན་མ་ཐོ་ཆེན་པོའི་སྡིག་འགྱུར། །ཁ་སྤུ་བྲེགས་ཤིང་ངུར་སྨྲིག་གོས་གྱོན། །སངས་རྒྱས་རྣམས་ཀྱི་ཆོས་ཀྱི་རྒྱལ་མཚན། །རྣམ་པར་གྲོལ་བའི་ལམ་གྱི་མིག་ཡིན། །སངས་རྒྱས་ཀུན་གྱིས་
D239.065.0179a07.01