完整藏文原文 · 德格版页 当前仅加载第 65 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ལངས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ཏེ། བཅོམ་ལྡན་འདས་ཀྱི་སྤྱན་སྔར་ཤིན་ཏུ་འཛེམ་པ་དང་ངོ་ཚ་བ་དང་བཅས་པས་སོ་སོར་བཤགས་ཏེ་ཐལ་མོ་སྦྱར་བ་བཏུད་ཅིང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་སྔོན་
D239.065.0192b01.01རང་སངས་རྒྱས་ཀྱི་ཐེག་པའི་རིགས་སུ་དགེ་བའི་རྩ་བ་བསྐྱེད་པ་ལས་རང་སངས་རྒྱས་ཀྱི་ཐེག་པའི་སྣོད་དུ་ཡང་ཡོངས་སུ་མ་སྨིན་པར་ཐེག་པ་ཆེན་པོའི་ཆོས་ཐོས་ནས་དད་པ་དང་མོས་པ་སྐྱེས་ཀྱང་མ་རིག་པས་ལྡོངས་ཤིང་རྟོགས་པར་མ་གྱུར་ཏེ་སྟོང་པར་ལྟ་ཞིང་རྒྱུ་དང་འབྲས་བུ་མེད་པར་བཟུང་ངོ་། །དེའི་རྒྱུ་དེའི་
D239.065.0192b02.01རྐྱེན་གྱིས་ལུས་དང་། ངག་དང་། ཡིད་ཀྱིས་སྡིག་པ་མི་དགེ་བའི་ལས་ཚད་མེད་པ་དག་བགྱིས་པས་བསྐལ་པ་ཚད་མེད་པའི་བར་དུ་ཤིན་ཏུ་མི་བཟད་པའི་སྡུག་བསྔལ་རྣམ་པ་སྣ་ཚོགས་མྱོང་ཞིང་ངན་སོང་དུ་ལྟུང་བར་འགྱུར་བ་ལས་དེང་བཅོམ་ལྡན་འདས་ཀྱི་སྤྱན་སྔར་མདོ་སྡེ་བཤད་པ་ཐོས་ནས། སླར་
D239.065.0192b03.01ཡང་དག་པའི་ལྟ་བ་རྙེད་དེ། ཤིན་ཏུ་འཛེམ་པ་དང་ངོ་ཚ་བར་ལྡན་པ་མི་འཆབ་པའི་སེམས་ཀྱིས་སོ་སོར་འཆགས་ཏེ། དེང་སླན་ཆད་ཇི་སྙེད་སྒྲིབ་པར་འགྱུར་བའི་ལས་རྣམས་མི་བགྱིད་པར་ཡོངས་སུ་བསྲུང་བར་འཚལ་ལོ། །བཅོམ་ལྡན་འདས་ཐུགས་བརྩེ་བ་ཅན་གྱིས་བདག་ཅག་གི་སྡིག་པ་དེ་དག་
D239.065.0192b04.01ཡོངས་སུ་བྱང་བ་དང་། སླན་ཆད་མི་བགྱིད་པར་རྗེས་སུ་གཟུང་དུ་གསོལ། བདག་ཅག་མ་འོངས་པ་ན་ངན་སོང་གི་སྡུག་བསྔལ་མྱོང་བར་འགྱུར་བ་ལས་བཅོམ་ལྡན་འདས་ཀྱི་ཐུགས་རྗེས་བསྐྱབ་ཏུ་གསོལ། བདག་ཅག་སླར་ཡང་སྔོན་སྤྱད་པའི་རང་སངས་རྒྱས་ཀྱི་ཐེག་པ་ལ་སྤྱོད་ཅིང་ནན་ཏན་བགྱིད་ཀྱིས་
D239.065.0192b05.01བཅོམ་ལྡན་འདས་ཐུགས་བརྩེ་བ་ཅན་གྱིས་བསྟན་དུ་གསོལ། བཅོམ་ལྡན་འདས་ཀྱིས་ལེགས་སོ་ཞེས་བཀའ་སྩལ་ཏེ་ལེགས་སོ་ལེགས་སོ། །ཁྱེད་འདི་ལྟར་འཛེམ་པ་དང་། ངོ་ཚ་བས་སོ་སོར་བཤགས་པ་ལེགས་སོ། །ངའི་བསྟན་པ་ལ་མ་ཉམས་པའི་སྐྱེས་བུ་གཉིས་ཡོད་དེ། གཅིག་ནི་
D239.065.0192b06.01རང་བཞིན་གྱིས་ཡོངས་སུ་དག་ཅིང་ཐོག་མ་ནས་ཉེས་པ་མི་བྱེད་པའོ། །གཅིག་ནི་ཉེས་པ་བྱས་སུ་ཟིན་ཀྱང་འཛེམ་པ་དང་ངོ་ཚ་བས་སོ་སོར་འཆགས་པ་སྟེ། སྐྱེས་བུ་དམ་པ་འདི་གཉིས་ནི་ངའི་ཆོས་ལ་ཤིན་ཏུ་འདུན་པ་རྣམ་པར་དག་པ་ཞེས་བྱའོ། །དེ་ནས་བཅོམ་ལྡན་འདས་ཀྱིས་དེ་དག་གི་མོས་
D239.065.0192b07.01