完整藏文原文 · 德格版页 当前仅加载第 65 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པའི་ཆོས་ཀྱི་རོ་ཡོངས་སུ་བཏང་ནས་དགེ་བ་བྱེད་པ་ལ་དབང་ཟ་ཞིང་སྨོད་དོ། །དེ་སྔར་བདེ་ཞིང་སྐྱིད་པས་ནི་བྲེལ་ཅིང་ཕོངས་པར་འགྱུར་གྱི་རྟག་ཏུ་ཉོན་མོངས་པའི་དྲ་བ་རྣམ་པ་མང་པོས་དཀྲིས་ཤིང་གླགས་ནས་མུ་སྟེགས་ཅན་གྱི་སྟོན་པ་རྣམ་པ་དྲུག་པོ་ལ་སྐྱབས་
D239.065.0121a01.01སུ་སོང་སྟེ། འཕགས་པའི་ལམ་ལས་ཕྱིར་ལོག་ཅིང་ངན་སོང་གསུམ་ལས་གཞོལ་བར་གྱུར་ཏོ། །དེའི་ཚེ་ཞིང་དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྔོན་སངས་རྒྱས་ཚད་མེད་པ་སྙེད་ལ་མཆོད་ཅིང་བསྙེན་བཀུར་བྱས་པ། སངས་རྒྱས་ཀྱི་ཡོན་ཏན་གྱི་རྒྱ་མཚོར་ཞུགས་པ། སྔ་མ་
D239.065.0121a02.01འདས་པའི་སངས་རྒྱས་ཀྱི་སྤྱོད་ཡུལ་ལ་གནས་པ་ཐམས་ཅད་འདུས་ཤིང་ཚོགས་ནས་ངའི་སྤྱན་སྔར་ལྷགས་ཏེ་ཚིག་འཐུན་པར་འདི་སྐད་ཟེར་རོ། །ཁྱོད་སྔོན་འདས་པའི་དུས་ན་སྦྱིན་པ་ཚད་མེད་པ་ལ་ནན་ཏན་བྱས་པ་དང་། ཚུལ་ཁྲིམས་རབ་ཏུ་བསྲུངས་པ་དང་། ཤིན་ཏུ་འབད་པའི་
D239.065.0121a03.01བརྩོན་འགྲུས་ཀྱིས་ཤིན་ཏུ་སྤྱད་དཀའ་བ་སྤྱད་དེ། ཐམས་ཅད་ཡོངས་སུ་རྫོགས་པར་བསྒོམས་སོ། །དེ་ལྟ་བུའི་བསོད་ནམས་དང་ཡེ་ཤེས་ཀྱི་ཚོགས་དང་། ཤེས་རབ་དང་། ཐབས་མཁས་པ་དང་། སྙིང་རྗེ་ཆེན་པོ་ལ་སོགས་པས་ཡོངས་སུ་བརྒྱན་པས་ཡོན་ཏན་ཆེན་པོའི་
D239.065.0121a04.01གཏེར་དུ་གྱུར་པ། ཏིང་ངེ་འཛིན་ཐམས་ཅད་དང་གཟུངས་རྣམས་ལས་རབ་ཏུ་བཟོད་པ། སའི་ཡོན་ཏན་ཐམས་ཅད་ཡོངས་སུ་རྫོགས་པའི་རྒྱ་མཚོར་གྱུར་པའོ། །གཡོ་དང་སྒྱུ་མེད་ཅིང་ལུས་བྱད་ཤིན་ཏུ་རིང་ལ་མཚན་དང་དཔེ་བྱད་ཕུན་སུམ་ཚོགས་པར་གྱུར་པ་དང་དེས་པའི་བཟོད་
D239.065.0121a05.01པ་དང་ལྡན་ཞིང་ཤིན་ཏུ་མཛེས་པར་གྱུར་པ། གཞན་གྱི་དྲིང་ལ་མི་འབྲང་བས་བྱང་ཆུབ་ཀྱི་ལམ་བསྒོམ་པར་ཡེ་ཤེས་ཀྱི་རྒྱ་མཚོ་ཐམས་ཅད་ཡོངས་སུ་རྫོགས་པར་གྱུར་པ། ཕུལ་དུ་གྱུར་པའི་མདོག་མཆོག་དམ་པ་དང་ལྡན་པར་གྱུར་པ། ཉན་ཐོས་དང་རང་སངས་རྒྱས་ཐམས་
D239.065.0121a06.01ཅད་ཀྱི་སྟོན་པ་ཆེན་པོར་གྱུར་པ། འཁོར་བས་འཇིགས་སྐྲག་པའི་སེམས་ཅན་ཐམས་ཅད་ཀྱི་དཔུང་གཉེན་དུ་གྱུར་པ། བྱམས་པ་དང་སྙིང་རྗེ་ཆེན་པོ་ལ་སོགས་པ་ཡོན་ཏན་ཚད་མེད་པས་ཡོངས་སུ་བརྒྱན་པ། བཅོམ་ལྡན་འདས་ལོག་པར་དད་སེལ་དང་། གསེར་ཐུབ་དང་། འོད་
D239.065.0121a07.01