完整藏文原文 · 德格版页 当前仅加载第 65 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་པས་མཆོད་པ་བྱས་ན། དེ་ཀུན་བཙོན་དུ་བཟུང་བ་དང་། གཞུ་འཚོག་པ་དང་། ནན་ལ་བོར་བ་ལས་ཐམས་ཅད་ཐར་ཏེ་སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །གནས་
D239.065.0110b01.01གང་དག་ན་སེམས་ཅན་གང་དག་ལུས་དང་སེམས་དུབ་པ་དང་། མཐུ་སྟོབས་དང་མི་ལྡན་ཅིང་། ཉམ་ཆུང་བདག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་པས་མཆོད་པ་བྱས་ན་
D239.065.0110b02.01དེ་ཀུན་ལུས་དང་སེམས་ཡང་ཞིང་བདེ་བ་དང་མཐུ་སྟོབས་བསྐྱེད་དེ་ཅིས་འདུལ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །གནས་གང་དག་ན་སེམས་ཅན་དབང་པོ་ཉམས་པ་དང་མ་ཚང་བར་གྱུར་པ་དག་གིས་སེམས་རྩེ་གཅིག་ཏུ་བྱང་ཆུབ་
D239.065.0110b03.01སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་པས་མཆོད་པ་བྱས་ན། དེ་ཀུན་དབང་པོ་མ་ཚང་བ་མེད་ཅིང་དབང་པོ་དང་ལྡན་ཏེ་སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་
D239.065.0110b04.01རོ། །གནས་གང་དག་ན་སེམས་ཅན་གང་དག་སྨྱོས་ཤིང་སེམས་འཁྲུགས་སམ། འབྱུང་པོའི་གདོན་གྱིས་བརླམས་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་མཚན་ནས་བརྗོད་ཅིང་དམིགས་པས་བསྟི་སྟང་དང་བཅས་ཏེ་
D239.065.0110b05.01མཆོད་པ་བྱས་ན། དེ་ཀུན་སྨྱོས་ཤིང་སེམས་འཁྲུགས་པ་དང་བྲལ་ཏེ་རབ་ཏུ་བདེ་བ་དང་སྐལ་བ་ཇི་ལྟ་བ་བཞིན་དུ་མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བར་དུ་འཐོབ་པར་འགྱུར་རོ། །གནས་གང་དག་ན་སེམས་ཅན་གང་དག་འདོད་ཆགས་དང་། ཞེ་སྡང་དང་། གཏི་
D239.065.0110b06.01མུག་དང་། ཁོང་ཁྲོ་བ་དང་། ཕྲག་དོག་དང་། ང་རྒྱལ་དང་། ངན་པར་ལྟ་བ་དང་། གཉིད་དང་། བག་མེད་པ་དང་། ཐེ་ཙོམ་ལ་སོགས་པས་ལུས་དང་སེམས་གདུངས་ཏེ་མི་འཕོ་བར་གྱུར་པ་དག་གིས་སེམས་རྩེ་གཅིག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོའི་
D239.065.0110b07.01