完整藏文原文 · 德格版页 当前仅加载第 65 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བའི་དོན་མཛད་དོ། །རིགས་ཀྱི་བུ་ང་དེ་ལྟར་སངས་རྒྱས་ཀྱི་འཁོར་ལོ་བརྒྱད་པ་འདི་དང་ལྡན་ཏེ། འཁོར་ལོ་དེའི་དབང་གིས་སེམས་ཅན་ཚད་མེད་པ་ལ་ཕན་པ་དང་བདེ་བའི་དོན་གྱིས་འཇིགས་པ་མེད་པ་ལ་བདེ་བར་བཀོད་དོ། །འཇིགས་པ་མེད་པས་ང་ནི་དྲང་སྲོང་ཆེན་
D239.065.0131b01.01པོའི་གནས་སུ་བཞུགས་ཏེ། སངས་རྒྱས་ཀྱི་འཁོར་ལོ་བསྐོར་ནས་ལྷ་དང་བདུད་དུ་བཅས་པའི་མུ་སྟེགས་ཅན་ལ་སོགས་པ་ལོག་པར་སྨྲ་བ་ཐམས་ཅད་བཏུལ་ཏེ། འཁོར་མང་པོའི་དཀྱིལ་འཁོར་དུ་སེང་གེའི་སྒྲ་སྒྲོགས་སོ། །རིགས་ཀྱི་བུ་འདི་ལྟ་སྟེ། རྒྱལ་རིགས་རྒྱལ་
D239.065.0131b02.01ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་ནི་བསམས་པ་བཞིན་དུ་བདག་གི་རིས་ན་གནས་པའི་སེམས་ཅན་གྱི་རིགས་དང་། རུས་དང་། རྩལ་ཅི་ཡོད་པ་དང་། ལས་ཀྱི་དངོས་པོ་ཅི་བྱེད་པ་དང་། འདི་ནས་ཚེ་འཕོས་ནས་གང་དུ་སྐྱེ་བ་དང་། རྒྱུ་དང་འབྲས་བུ་བཟང་ངན་གྱི་
D239.065.0131b03.01ཁྱད་པར་མི་འཐུན་པ་ཀུན་ཤིན་ཏུ་རྟོག་གོ། །སེམས་ཅན་གང་སུའི་ཁྱིམ་དུ་སྐྱེས་ན་རྟུལ་ཕོད་ཅིང་དཔའ་བ་དང་། ཞན་ཅིང་སྡར་བ་དང་། བཟོ་རྩལ་བསླབས་ན་ལོབས་པ་དང་། མི་ལོབས་པ་དང་། ལས་ཅི་བྱེད་པ་དང་། དགེ་བ་བྱེད་པ་དང་། སྡིག་པ་བྱེད་པ་དང་། ཕྱུག་ཅིང་བཙན་པ་
D239.065.0131b04.01དང་། དབུལ་ཞིང་ཉེན་པ་དང་། མཛེས་པ་དང་། མི་མཛེས་པ་ལ་སོགས་པ་ཀུན་ཤེས་པ་ནས་ཚེ་འཕོ་བའི་བར་དུ་ཀུན་ཤེས་ཏེ་གང་སུ་ཞིག་ལས་མ་ཟད་པར་འཆི་བ་དང་། གང་ནི་ལས་ཟད་དེ་འཆི་བ་དང་། གང་ནི་རྒྱལ་པོའི་ཁྲིམས་དང་འགལ་ནས་བསད་པ་དང་། གང་ནི་
D239.065.0131b05.01དགྲས་བསད་པ་དང་། གང་ནི་ལྕག་གིས་གཞུས་པས་འཆི་བ་དང་། གང་ནི་བཙོན་རར་བཅུག་པས་འཆི་བ་དང་། གང་ནི་བཟོ་རྩལ་སྦྱོང་བའི་ཕྱིར་འཆི་བ་དང་། གང་ནི་ཕས་རྒོལ་བའི་དགྲའི་གཡུལ་ངོར་འཆི་བ་དང་། གང་ནི་རྩོད་ཅིང་འཐབས་ནས་འཆི་བ་དང་། གང་ནི་ནོར་
D239.065.0131b06.01དབྱིག་སྲུང་བའི་ཕྱིར་འཆི་བ་དང་། གང་ནི་འདོད་ཆགས་ཀྱི་དབང་གིས་འཆི་བ་དང་། གང་ནི་ཁོང་ཁྲོ་ཞིང་འཁོན་དུ་འཛིན་པའི་ཕྱིར་འཆི་བ་དང་། གང་ནི་ངལ་ཆད་ནས་འཆི་བ་དང་། གང་ནི་ལྟོགས་ཏེ་འཆི་བ་དང་། གང་ནི་ཉེས་པའི་སྐྱོན་དང་བཅས་ཏེ་འཆི་བ་དང་། གང་ནི་སྐྱོན་མེད་
D239.065.0131b07.01