完整藏文原文 · 德格版页 当前仅加载第 65 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
སྡང་གི་སེམས་བསྐྱེད་པ་ནས་དེ་བཞིན་དུ་རྒྱས་པར་རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་། ཚོང་དཔོན་དང་། དགེ་སྦྱོང་དང་། བྲམ་ཟེ་ལ་སོགས་པ་གདོལ་པ་ཅན་དེ་དག་རིང་པོ་མི་ཐོགས་པར་ལུས་ཀྱི་ཡན་ལག་ཀུན་དུམ་བུར་ཆད་པ་དང་། ཞག་མང་
D239.065.0159a01.01དུ་ལྕེ་ལྡིབས་པ་དང་། ཤིན་ཏུ་མི་བཟད་པའི་ན་བ་དང་ཚ་བའི་སྡུག་བསྔལ་ཆེན་པོ་མྱོང་བ་དང་། འཆི་འཕོས་ནས་ཀྱང་གདོན་མི་ཟ་བར་མཚམས་མེད་པའི་སེམས་ཅན་དམྱལ་བར་ལྟུང་བར་འགྱུར་རོ། །རིགས་ཀྱི་བུ་རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་།
D239.065.0159a02.01ཚོང་དཔོན་དང་། དགེ་སྦྱོང་དང་། བྲམ་ཟེ་ལ་སོགས་པ་འདི་དག་སྡིག་པའི་འཁོར་ལོ་རྣམ་པ་བཅུ་པོ་གསུངས་པ་འདི་ལས་འགའ་ཞིག་དང་ལྡན་ན་ཡང་དགེ་བའི་རྩ་བ་སྔར་བསགས་པ་ཐམས་ཅད་ཐལ་བ་བཞིན་དུ་ཚིག་སྟེ་མེད་པར་འགྱུར་ལ། རིང་པོར་མི་ཐོགས་པར་ལུས་ཀྱི་ཡན་ལག་དུམ་
D239.065.0159a03.01བུར་ཆད་པ་དང་། ཞག་མང་དུ་ལྕེ་ལྡིབས་པ་དང་། ཤིན་ཏུ་མི་བཟད་པའི་ན་བ་དང་ཚ་བའི་སྡུག་བསྔལ་ཆེན་པོ་མྱོང་བ་དང་། ཤི་ནས་ཀྱང་མཚམས་མེད་པའི་སེམས་ཅན་དམྱལ་བ་ཆེན་པོར་ལྟུང་བར་འགྱུར་རོ། །རྒྱལ་རིགས་གདོལ་པ་ཅན་དང་། བློན་པོ་དང་། ཁྱིམ་བདག་དང་། ཚོང་དཔོན་དང་།
D239.065.0159a04.01དགེ་སྦྱོང་དང་། བྲམ་ཟེ་ལ་སོགས་པ་གདོལ་པ་ཅན་འདི་དག་མ་འོངས་པའི་དུས་ན་མི་མ་རབས་ཐ་མའི་ལུས་ཀྱང་འཐོབ་པར་དཀའ་ན་ཐེག་པ་རྣམ་པ་གཉིས་ཀྱི་བྱང་ཆུབ་བམ་བླ་ན་མེད་པའི་བྱང་ཆུབ་ཐོབ་པ་ལྟ་ཅི་སྨོས་ཏེ་སྐལ་བ་མེད་པ་མེད་དོ། །སྡིག་པ་ཅན་དེ་ཐེག་པ་ཆེན་པོའི་མིང་ཡང་ཐོས་པར་
D239.065.0159a05.01དཀའ་ན་བླ་ན་མེད་པར་མངོན་པར་འཚང་རྒྱ་བའི་འབྲས་བུ་ཐོབ་པ་ལྟ་ཅི་སྨོས་ཏེ། གང་ཟག་དེ་ནི་ཡུན་དུ་བདག་མ་རུང་ལ་གཞན་ཡང་མ་རུང་བར་བྱས་པས་སངས་རྒྱས་ཐམས་ཅད་ཀྱིས་ཀྱང་བསྐྱབ་མི་སྤྱོད་དོ། །རིགས་ཀྱི་བུ་འདི་ལྟ་སྟེ། འབྲུའི་མར་འཚིར་བའི་ལས་བྱེད་པ་ནི་འབྲུ་རེ་རེ་ལས་སྲིན་བུ་རེ་རེར་
D239.065.0159a06.01གྱུར་ཏེ་བཙིར་ནས་མར་འབྱུང་ངོ་། །ཁྱོད་ལྟོས་ཤིག་མར་འཚིར་བའི་ལས་བྱེད་པ་དེ་ཉིན་གཅིག་ལ་སེམས་ཅན་ཇི་སྙེད་ཅིག་གསོད་པར་འགྱུར། གལ་ཏེ་འབྲུ་མར་འཚིར་བ་དེ་མར་འཚིར་བའི་གནས་རྣམ་པ་བཅུ་བཅས་ནས་ཉིན་ཞག་གཅིག་ལ་གནས་དེ་རེ་རེར་ཡང་འབྲུ་ཁལ་སྟོང་སྟོང་རྒྱུན་མི་
D239.065.0159a07.01