完整藏文原文 · 德格版页 当前仅加载第 65 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཡོངས་སུ་བྲལ་བ་དང་། དུས་མ་ལགས་པའི་ཚ་བ་དང་། གྲང་བ་དང་། རླུང་དང་། ཆར་དྲག་པོ་དང་། སད་དང་། སེར་བ་གནོད་པར་འགྱུར་བ་ཐམས་ཅད་དང་ཡོངས་སུ་བྲལ་བ་དང་། གཟའ་དང་ལྟས་ངན་དུ་གྱུར་པ་ཐམས་ཅད་དང་ཡོངས་སུ་བྲལ་བ་དང་། མུ་གེའི་
D239.065.0165a01.01གནོད་པ་ཐམས་ཅད་དང་ཡོངས་སུ་བྲལ་བ་དང་། དུས་མ་ཡིན་པར་ནད་ཀྱིས་འཆི་བར་འགྱུར་བ་དང་ཡོངས་སུ་བྲལ་བ་དང་། ལོག་པར་འཛིན་ཅིང་ངན་པར་ལྟ་བ་ཐམས་ཅད་དང་ཡོངས་སུ་བྲལ་བ་སྟེ། བཙུན་པ་བཅོམ་ལྡན་འདས་གལ་ཏེ་རྒྱལ་རིགས་དགེ་བའི་རྒྱལ་པོས་ཡོན་ཏན་སྔར་གསུངས་
D239.065.0165a02.01པ་དེ་དག་ཀུན་ལ་ནན་ཏན་བགྱིད་ཅིང་ཡོངས་སུ་རྫོགས་པར་བྱེད་ན་བདག་ཅག་འཁོར་དང་བཅས་པས་བསྲུང་ཞིང་བསྐྱབ་པར་འཚལ་ལོ། །རྒྱལ་པོ་འཁོར་དང་བཅས་པ་དང་། ཡུལ་དེ་ན་གནས་པའི་མི་ཐམས་ཅད་ཀྱང་ཡོངས་སུ་བྲལ་བའི་ཆོས་བཅུ་པོ་འདི་དག་ཐོབ་པར་བགྱིད་དོ། །དེ་ནས་
D239.065.0165a03.01བཅོམ་ལྡན་འདས་ཀྱིས་ལྷའི་དབང་པོ་འཁོར་དང་བཅས་པ་ནས་ཤ་ཟའི་དབང་པོའི་བར་དུ་འཁོར་དང་བཅས་པ་ལ་ལེགས་སོ་ལེགས་སོ་ཞེས་བསྟོད་ནས་ཁྱེད་རྣམས་འདི་སྐད་དུ་ཡི་དམ་བཅས་པའི་དངོས་པོ་འདི་དག་ཁྱེད་ཀྱིས་བྱ་བའི་རིགས་པ་སྟེ། དེའི་རྒྱུ་དེའི་རྐྱེན་གྱིས་ཁྱེད་ལའང་ཡུན་
D239.065.0165a04.01རིང་པོར་ཕན་པ་དང་བདེ་བའི་དོན་དུ་འགྱུར་རོ། །དེ་ནས་ཚངས་པ་ཆེན་པོ་ལྷའི་སྙིང་པོས་བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །མ་མཆིས་པའི་དུས་ན་སངས་རྒྱས་ཀྱི་ཞིང་འདིར་རྒྱལ་རིགས་དགེ་བ་ཐམས་ཅད་ཀྱི་སླད་དུ་ཡུལ་སྲུང་བ་ལ་སེམས་ཕྱིར་མི་ལྡོག་པའི་གཟུངས་འདི་
D239.065.0165a05.01དག་འཕུལ་ལོ། །ཡུལ་ཡོངས་སུ་བསྲུང་བའི་ཕྱིར་ཕྱིར་མི་ལྡོག་པའི་འཁོར་ལོ་ཞེས་བྱ་བའི་གཟུངས་སྔགས་ཆེན་པོའི་ཚིག་འདིའི་གཟི་བརྗིད་དང་མཐུས་མ་མཆིས་པའི་དུས་ན་སངས་རྒྱས་ཀྱི་ཞིང་འདིར་རྒྱལ་རིགས་དགེ་བའི་རྒྱལ་པོ་ཐམས་ཅད་ལ་ཕས་རྒོལ་བའི་དགྲ་ཐམས་ཅད་ཀྱིས་མི་ཚུགས་
D239.065.0165a06.01པ་དང་། ཕས་རྒོལ་བའི་དགྲ་ཐམས་ཅད་ཞི་ཞིང་རང་ལྡོག་པར་འགྱུར་བ་དང་། ལུས་དང་། ངག་དང་། ཡིད་ཀྱི་ལས་ཤིན་ཏུ་སྡོམ་པ་དང་། མཁས་པ་རྣམས་ཀྱིས་བསྔགས་ཤིང་བསྟོད་པ་དང་། སྡིག་པའི་ཆོས་ཡོངས་སུ་སྤོང་ཞིང་དགེ་བའི་ཆོས་ལ་རྟག་ཏུ་ནན་ཏན་བགྱིད་པ་དང་། ངན་པར་
D239.065.0165a07.01