完整藏文原文 · 德格版页 当前仅加载第 65 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
བཏུལ་ཏེ། འཁོར་མང་པོའི་ནང་དུ་སེང་གེའི་སྒྲ་སྒྲོགས་སོ། །རིགས་ཀྱི་བུ་ང་ནི་དེ་ལྟར་སངས་རྒྱས་ཀྱི་འཁོར་ལོ་བཅུ་པ་འདི་དག་དང་ལྡན་ཏེ། སྔོན་གྱི་སྨོན་ལམ་གྱི་ཤུགས་ཀྱིས་སངས་རྒྱས་ཀྱི་ཞིང་རྙོག་པ་ལྔ་ཅན་གྱི་སེམས་ཅན་ཐམས་ཅད་རྣམ་པར་དཀར་བའི་
D239.065.0135a01.01ཆོས་རྣམས་ཉམས་པ། འཕགས་པའི་ནོར་བདུན་གྱིས་བྲེལ་བ། མཁས་པ་དག་དང་རིང་དུ་གྱུར་པ། རྟག་པ་དང་ཆད་པའི་དྲ་བས་ཀུན་ནས་གླགས་ཤིང་ཟིལ་གྱིས་ནོན་པ། ངན་སོང་དུ་འགྲོ་བའི་ཤིང་རྟ་ལ་སྤྲོ་ཞིང་དགའ་བ་སྐྱེད་པ། ཕྱི་མའི་སྡུག་བསྔལ་གྱིས་མི་འཇིགས་པ།
D239.065.0135a02.01རྟག་ཏུ་ཀུན་ནས་ཁེབས་པའི་མ་རིག་པའི་མུན་པར་གནས་པ་ལ་དད་པ། མི་དགེ་བ་བཅུའི་ལས་ཀྱི་ལམ་རྫོགས་པར་བྱེད་པ། མཚམས་མེད་པ་ལྔའི་ལས་བྱེད་པ། དམ་པའི་ཆོས་ལ་སྐུར་ཅིང་འཕགས་པ་ལ་དབང་ཟ་བ། དགེ་བའི་ཆོས་ཐམས་ཅད་རིང་དུ་སྤོང་བ། མི་དགེ་
D239.065.0135a03.01བའི་ཆོས་རྫོགས་པར་བྱེད་པ་འདིར་བཞུགས་ཏེ། ང་ནི་སངས་རྒྱས་ཀྱི་འཁོར་ལོ་རྣམ་པ་བཅུ་པོ་འདི་དང་ལྡན་པས་འཇིགས་པ་མེད་པར་བདེ་བར་གནས་སོ། །འཇིགས་པ་མེད་པས་ང་ནི་དྲང་སྲོང་ཆེན་པོའི་གནས་སུ་བཞུགས་ཏེ། སངས་རྒྱས་ཀྱི་འཁོར་ལོ་བསྐོར་ནས་ལྷ་དང་
D239.065.0135a04.01བདུད་དུ་བཅས་པའི་མུ་སྟེགས་ཅན་ལོག་པར་སྨྲ་བ་ཐམས་ཅད་བཏུལ་ཏོ། །སེམས་ཅན་ཐམས་ཅད་ཀྱི་རིགས་ལ་རྡོ་རྗེ་ལྟར་སྲ་བའི་ཉོན་མོངས་པ་ཐམས་ཅད་བཅོམ་ནས་ཅི་དང་ཅིས་འདུལ་བ་བཞིན་དུ་སྣོད་དུ་གྱུར་པའི་སེམས་ཅན་ཐམས་ཅད་ཐེག་པ་གསུམ་ལས་ཕྱིར་མི་ལྡོག་པར་
D239.065.0135a05.01རྣམ་པར་བཞག་གོ། །དེ་ནས་འཁོར་དེའི་ནང་ནས་འདུལ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་དང་། ཉན་ཐོས་ཀྱི་དགེ་འདུན་ཐམས་ཅད་དང་། ལྷ་དང་ཀླུའི་འཁོར་ཐམས་ཅད་ནས། ལུས་སྲུལ་པོ་དང་། མི་དང་མི་མ་ཡིན་པ་ལ་སོགས་པའི་བར་
D239.065.0135a06.01དུ་འཁོར་མང་པོ་ཐམས་ཅད་རབ་ཏུ་དགའ་ནས། སྐད་འཐུན་པར་ལེགས་སོ་ཞེས་སྨྲས་ཏེ། སྤོས་ཀྱི་ཆར་ཆེན་པོ་རབ་ཏུ་ཕབ་བོ། །མེ་ཏོག་གི་ཆར་ཆེན་པོ་ཡང་རབ་ཏུ་ཕབ་བོ། །རིན་པོ་ཆེའི་ཆར་ཆེན་པོ་ཡང་རབ་ཏུ་ཕབ་བོ། །ན་བཟའི་ཆར་ཆེན་པོ་ཡང་རབ་ཏུ་ཕབ་སྟེ།
D239.065.0135a07.01