完整藏文原文 · 德格版页 当前仅加载第 65 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
བསྔལ་གྱི་མཐའ་ཟད་པར་བྱེད་དོ། །རིགས་ཀྱི་བུ་འདི་ལྟ་སྟེ། ཉི་མའི་དཀྱིལ་འཁོར་ཆེན་པོ་འཇིག་རྟེན་དུ་ཤར་བ་ན་ལོ་ཏོག་ཐམས་ཅད་སྐྱེ་ཞིང་འཕེལ་ཏེ། མེ་ཏོག་དང་། ལོ་ཐོག་དང་། ལོ་མ་ཐམས་ཅད་རྒྱས་པ་དང་། མནམ་ཤིང་བཙོག་པ་ཐམས་ཅད་སེལ་བ་
D239.065.0204b01.01དང་། ལོ་ཐོག་གི་འབྲུ་དང་། སྨན་གྱི་འབྲས་བུ་ཐམས་ཅད་སྨིན་པ་དང་། གངས་ཀྱི་རི་བོ་ཀུན་ཞུ་བས་འབབ་ཆུ་ཀུན་བྲུག་སྟེ། རིམ་གྱིས་རྒྱ་མཚོ་ཆེན་པོར་འབབ་པར་འགྱུར་རོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཁོར་ལོ་རྣམ་པ་འདི་བཅུ་
D239.065.0204b02.01དང་ལྡན་ཏེ། ལྷག་པའི་སྦྱིན་པ་ལ་གནས་ཤིང་། དུལ་བའི་ཚུལ་ཁྲིམས་དང་། བདེ་བའི་བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་། ཐབས་དང་། བྱམས་པ་དང་། སྙིང་རྗེ་དང་། སྤོབས་པའི་ཡོན་ཏན་ཤིན་ཏུ་རྒྱས་ཤིང་སེམས་
D239.065.0204b03.01ཅན་ཐམས་ཅད་ལ་དམ་པའི་ཆོས་སྟོན་ཏོ། །ཆོས་དེའི་འོད་ཀྱི་གཟི་བརྗིད་ཀྱིས་སེམས་ཅན་ཐམས་ཅད་ཀྱི་དགེ་བའི་རྩ་བ་ལྷག་པའི་ལོ་ཏོག་རྣམ་པ་སྣ་ཚོགས་སྐྱེ་ཞིང་འཕེལ་བ་དང་། ལྷག་པའི་སྤྱོད་པ་དམ་པའི་མེ་ཏོག་དང་། ལོ་མ་རྣམ་པ་སྣ་ཚོགས་ཤིན་ཏུ་རྒྱས་པ་དང་།
D239.065.0204b04.01ཉོན་མོངས་པའི་ལས་ངན་པ་ཐམས་ཅད་ཡོངས་སུ་སེལ་བ་དང་། མཐོ་རིས་དང་། མྱ་ངན་ལས་འདའ་བའི་འབྲས་བུ་ཡོངས་སུ་སྨིན་པར་འགྱུར་བ་དང་། ལོག་པར་ལྟ་བ་དང་། ང་རྒྱལ་གྱི་རི་བོ་ཐམས་ཅད་ཞུ་ཞིང་འབབ་པས་ཡང་དག་པའི་དང་བ་དང་། ཚུལ་
D239.065.0204b05.01ཁྲིམས་དང་། ཐོས་པ་དང་། གཏོང་བ་དང་། ཤེས་རབ་དང་། ཏིང་ངེ་འཛིན་གྱི་ཆུ་རིམ་གྱིས་འབབ་ཅིང་མྱ་ངན་ལས་འདའ་བའི་རྒྱ་མཚོ་འགེངས་པ་དང་། སེམས་ཅན་ཐམས་ཅད་ཡིད་བཞིན་དུ་འཇིགས་པ་མེད་པ་མྱ་ངན་ལས་འདའ་བའི་གྲོང་ཁྱེར་དུ་འཇུག་པར་འགྱུར་
D239.065.0204b06.01རོ། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་ལོ་བཅུ་པོ་གང་ཞེ་ན། རིགས་ཀྱི་བུ་འཁོར་ལོ་བཅུ་ཞེས་བྱ་བ་ནི་ཆོས་གཞན་ལ་མི་གདགས་ཀྱི། དགེ་བ་བཅུའི་ལས་ཀྱི་ལམ་ཉིད་ཡིན་པར་ཤེས་པར་བྱའོ། །འཁོར་ལོ་
D239.065.0204b07.01