完整藏文原文 · 德格版页 当前仅加载第 65 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རྙེད་པ་ལྷན་ཅིག་ཏུ་མི་སྤྱོད་པས་གཅོད་དོ། །ལ་ལར་ནི་རྩ་དགྲམ་པ་ལྟ་བུ་དང་། ལ་ལར་ནི་བསྐྲད་པ་ལ་སོགས་པའི་ཆད་པས་བཅད་པ་སྟེ། དེ་ལྟར་གང་ཟག་དེ་དག་གི་དབང་པོ་དང་། དད་པ་དང་། བག་ལ་ཉལ་བ་དང་། མོས་པ་ཀུན་མཁྱེན་པས་ཅི་རིགས་ཅི་འོས་སུ་
D239.065.0126b01.01ཆད་པས་གཅོད་དོ། །དེ་ཡང་དོན་མེད་པའི་མུན་པའི་ཚོགས་བསགས་པ་གཞོམ་པ་དང་། ཉོན་མོངས་པའི་ཆུ་བོ་བསྐམ་པ་དང་། མཐོ་རིས་ཀྱི་ལྷར་སྐྱེ་བ་ནས་མྱ་ངན་ལས་འདའ་བའི་བདེ་བ་ཐོབ་པའི་ཕྱིར་མི་དགེ་བ་སྤྱོད་པའི་གང་ཟག་འདུལ་བའི་ཕྱིར་ཅི་དང་ཅི་རིགས་སུ་ཆད་པས་
D239.065.0126b02.01གཅད་པའི་ཆོས་བསྟན་ཏོ། །མདོ་སྡེ་མང་པོ་ལས་ཀྱང་མི་དགེ་བ་སྤྱོད་པ་ཆད་པས་གཅད་པའི་ཆོས་ཅི་དང་ཅི་རིགས་པ་དེ་དང་དེའི་ཆོས་རྒྱ་ཆེར་བཤད་དོ། །ངས་མཆོག་དམ་པའི་ཡེ་ཤེས་ཀྱིས་སེམས་ཅན་གང་ལྷག་པའི་བསམ་པ་དང་། དད་པ་དང་། མོས་པ་ཡོངས་སུ་
D239.065.0126b03.01དག་པ་དང་ལྡན་པ་ཡང་ཤིན་ཏུ་མཁྱེན་པས་ཅི་དང་ཅིས་འདུལ་བ་བཞིན་དུ་དགེ་བའི་ཕྱོགས་ཀྱི་ཁྱད་པར་རྣམ་པ་སྣ་ཚོགས་བསྟན་ཏེ། བསླབ་ཅིང་གོམས་སུ་བཅུག་པ་ནས་དགེ་བའི་རྩ་བ་ཐམས་ཅད་ཀྱི་བར་དུ་ཡོངས་སུ་རྫོགས་ཤིང་འཇིགས་པ་མེད་པའི་གྲོང་ཁྱེར་ཆེན་པོར་བཙུད་དོ། །
D239.065.0126b04.01རིགས་ཀྱི་བུ་ང་ནི་དེ་ལྟར་སངས་རྒྱས་ཀྱི་འཁོར་ལོ་གསུམ་པོ་འདི་དང་ལྡན་ཏེ་འཁོར་ལོ་འདིའི་དབང་གིས་སེམས་ཅན་ཐམས་ཅད་ཀྱི་དབང་པོ་རྣམ་པ་སྣ་ཚོགས་དང་། དད་པ་དང་། བག་ལ་ཉལ་བ་དང་། མོས་པ་དང་། བསམ་པ་དང་། ལས་དང་། མྱོང་བའི་ཆོས་ཀུན་
D239.065.0126b05.01མཁྱེན་པས་ཅི་དང་ཅིས་འདུལ་བ་བཞིན་དུ་ཕན་པ་དང་བདེ་བའི་དོན་གྱིས་འཇིགས་པ་མེད་པ་ལ་བདེ་བར་བཀོད་དོ། །འཇིགས་པ་མེད་པས་ང་ནི་དྲང་སྲོང་ཆེན་པོའི་གནས་སུ་དམ་བཅའ་ཞིང་སངས་རྒྱས་ཀྱི་འཁོར་ལོ་རབ་ཏུ་བསྐོར་ནས་ལྷ་དང་བདུད་དུ་བཅས་པའི་མུ་སྟེགས་ཅན་ལོག་
D239.065.0126b06.01པར་སྨྲ་བ་ཐམས་ཅད་བཏུལ་ཏེ་འཁོར་མང་པོའི་དཀྱིལ་འཁོར་དུ་སེང་གེའི་སྒྲ་སྒྲོགས་སོ། །རིགས་ཀྱི་བུ་འདི་ལྟ་སྟེ། རྒྱལ་རིགས་རྒྱལ་ཐབས་སྤྱི་བོ་ནས་དབང་བསྐུར་བའི་རྒྱལ་པོ་ཆེན་པོ་ནི་བདག་གི་ཡུལ་ན་གང་ཟག་ཇི་སྙེད་ཅིག་འཇིག་རྟེན་གྱི་ལྷ་དང་མུ་སྟེགས་ཅན་རྣམ་པ་སྣ་ཚོགས་
D239.065.0126b07.01