完整藏文原文 · 德格版页 当前仅加载第 65 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
ཤན་པ་གཅིག་གི་སྡིག་དང་དེ་མཉམ། །ཤན་པའི་གནས་ནི་བཅུ་ཡི་སྡིག་དང་། །རྒྱལ་པོ་གཅིག་གི་སྡིག་དང་དེ་མཉམ། །ཡང་དག་དགེ་བའི་རྒྱལ་པོ་དག་ནི། །ང་ཡི་ཡང་དག་ཆོས་ཀུན་རྒྱས་བྱེད། །ཐེག་པ་རྣམ་གསུམ་ཀུན་ལ་མཆོད་པས། །ཡོན་ཏན་རྣམ་པའི་རྒྱ་
D239.065.0167a01.01མཚོར་དེས་འགྱུར། །རིན་ཆེན་སྣ་བདུན་འཛམ་གླིང་བཀང་སྟེ། །སངས་རྒྱས་དགེ་འདུན་རྣམས་ལ་ཕུལ་བའི། །བསོད་ནམས་ཕུང་པོ་ཐོབ་པ་དེས་ནི། །སངས་རྒྱས་ཆོས་སྲུང་ཙམ་དུ་མི་ཕོད། །སངས་རྒྱས་དགེ་འདུན་བཞུགས་པའི་གནས་དག །གླིང་བཞི་བཅུ་དང་མཉམ་
D239.065.0167a02.01པར་བྱས་པའི། །བསོད་ནམས་ཕུང་པོ་ཐོབ་པ་དེས་ཀྱང་། །སངས་རྒྱས་ཆོས་སྲུང་ཙམ་ནི་མི་ཕོད། །སངས་རྒྱས་དག་གི་མཆོད་རྟེན་བརྩིགས་པ། །སྟོང་གསུམ་ཁམས་དང་མཉམ་པ་བྱས་པའི། །བསོད་ནམས་ཕུང་པོ་ཐོབ་པ་དེས་ཀྱང་། །སངས་རྒྱས་ཆོས་སྲུང་ཙམ་ནི་མི་ཕོད། །
D239.065.0167a03.01དགྲ་བཅོམ་པ་ཡི་བཅིངས་པ་བཀྲོལ་ནས། །མཆོད་པ་རྣམ་པ་སྣ་ཚོགས་ཀུན་པས། །ཆོས་ཀྱི་བར་ཆད་མ་བྱས་པ་ཡི། །བསོད་ནམས་དེ་ནི་དེ་བས་མཆོག་འགྱུར། །བསྐལ་པ་བྱེ་བ་སྟོང་གི་བར་དུ། །མཁས་པས་ཏིང་འཛིན་བསྒོམས་པ་ཡི་ནི། །ཁྱད་པར་ཅན་གྱི་བློ་སྐྱེས་གང་བས། །
D239.065.0167a04.01ཆོས་སྲུང་བ་ཡི་བསོད་ནམས་དེ་ཆེ། །ཤིན་ཏུ་དགེ་བའི་རྒྱལ་པོ་གང་དག །སྡིག་པ་བཅུ་ཡི་འཁོར་ལོ་སྤངས་ཏེ། །ང་ཡི་ཡང་དག་ཆོས་འདི་བསྐྱབས་སམ། །ངུར་སྨྲིག་གྱོན་པ་དག་ཀྱང་བསྲུངས་ན། །ངས་གསུངས་པ་ཡི་ཐེག་པ་གསུམ་དང་། །གང་ཟག་དག་ལ་འཕྱ་སྐུར་མི་བྱེད། །ཀུན་
D239.065.0167a05.01ཀྱང་ཉན་ཅིང་མཆོད་པ་བྱེད་ལ། །ཆོས་སྨྲ་བ་ཡི་སྐྱབས་དང་མགོན་བྱེད། །དཀོན་མཆོག་གསུམ་ནོར་ཆུད་མི་གཟོན་ཅིང་། །ཆོས་གོས་གྱོན་པའི་བར་ཆད་མི་བྱེད། །སྣོད་དང་སྣོད་མ་ཡིན་པ་ཀུན་ལ། །གུས་ན་དེ་ཡི་བསོད་ནམས་དཔེ་མེད། །ཇི་ལྟར་ཉི་མ་ལྔ་པོ་ཤར་ན། །རྒྱ་མཚོ་ཆེན་པོ་
D239.065.0167a06.01ཀུན་ནི་སྐེམས་ཏེ། །དེ་བཞིན་ང་ཡི་ཆོས་སྲུང་བ་དེ། །ཉོན་མོངས་པ་ཡི་རྒྱ་མཚོ་སྐེམས་འགྱུར། །ཇི་ལྟར་རླུང་གིས་འཇིག་པ་བྱུང་སྟེ། །རི་རྣམས་ཐམས་ཅད་འཇིག་པ་བཞིན་དུ། །ང་ཡི་ཆོས་ལ་སྲུང་བ་དེ་ཡང་། །ཀུན་ནས་ཉོན་མོངས་ཐམས་ཅད་འཇོམས་འགྱུར། །ཇི་ལྟར་ཆུ་ཡིས་
D239.065.0167a07.01