完整藏文原文 · 德格版页 当前仅加载第 65 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
ས་ཆེན་པོ་ལ་བརྟེན་ནས་འཇིག་རྟེན་གྱི་རོ་བྲོ་བའི་མཆོག་ཐམས་ཅད་བཙལ་གྱིས་རྙེད་དོ། །དེ་བཞིན་དུ་ཚུལ་ཁྲིམས་ཀྱི་རྩ་བ་བཞི་པོ་སྲུང་བ་ལ་བརྟེན་ནས་དྲན་པ་དང་། ཏིང་ངེ་འཛིན་དང་། གཟུངས་དང་། ངང་དེས་པའི་བཟོད་པ་དང་། འཕགས་པའི་ལམ་ཐམས་ཅད་དང་། བླ་ན་མེད་པ་ཡང་དག་པར་
D239.065.0144b01.01རྫོགས་པའི་བྱང་ཆུབ་ཀྱི་བར་དུ་ཐོབ་པར་འགྱུར་རོ། །འདི་ལྟ་སྟེ་ས་ཆེན་པོ་ནི་གཙང་བ་དང་། མི་གཙང་བ་ཐམས་ཅད་སྙོམས་པར་འཛིན་ཏོ། །ཚུལ་ཁྲིམས་ཀྱི་རྩ་བ་བཞི་ཤིན་ཏུ་སྲུང་བའི་རིགས་ཀྱི་བུ་དང་། རིགས་ཀྱི་བུ་མོ་དག་ཀྱང་དེ་བཞིན་དུ་ཆོས་ཀྱི་སྣོད་དུ་གྱུར་པ་དང་། ཆོས་ཀྱི་སྣོད་དུ་མ་གྱུར་པ་ལ་སེམས་
D239.065.0144b02.01མཉམ་པར་བཞག་སྟེ། དེ་ལ་མི་བརྙས་མི་སྨད་བདག་མི་བསྟོད་མི་སྙེམས་ཅོ་མི་འདྲི་ན་དགེ་བའི་ཆོས་ཐམས་ཅད་སྐྱེ་བའི་གནས་སུ་འགྱུར་རོ། །འདི་ལྟ་སྟེ། ས་ཆེན་པོ་འདི་ལ་ནི་སེམས་ཅན་ཐམས་ཅད་དེ་ལ་ལོངས་སྤྱོད་ཅིང་བདེ་བར་འཚོའོ། །དེ་བཞིན་དུ་ཚུལ་ཁྲིམས་ཀྱི་རྩ་བ་བཞི་ཤིན་ཏུ་སྲུང་བའི་རིགས་ཀྱི་བུ་དང་། རིགས་
D239.065.0144b03.01ཀྱི་བུ་མོ་དག་ཀྱང་དེ་བཞིན་གཤེགས་པས་བསྟན་པ་ཡང་དག་པའི་ཆོས་ལ་ཤིན་ཏུ་སྤྲོ་བ་དང་། མཆོག་དམ་པའི་བསམ་པ་དག་པས་སེམས་ཅན་ཐམས་ཅད་ལ་བྱེ་བྲག་གི་འདུ་ཤེས་མེད་པར་བསྡུ་བ་རྣམ་པ་བཞིའི་ཆོས་ཀྱིས་མཉམ་པར་བསྡུས་ཏེ། སེམས་ཅན་ཐམས་ཅད་ཆོས་ཀྱི་དགའ་བ་ལ་ལོངས་སྤྱོད་ཅིང་
D239.065.0144b04.01བདེ་བར་འཚོ་བར་བྱེད་དོ། །དེ་ནས་ཚེ་དང་ལྡན་པ་ཨུ་པ་ལིས་བཅོམ་ལྡན་འདས་ཀྱིས་གསུངས་པ་འདི་དག་ཐོས་ནས་འདུག་པ་ལས་ལངས་ཏེ། གོས་ཚགས་བཅོས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ཏེ་བླ་གོས་གཅིག་ཏུ་བྱས། པུས་མོ་གཡས་པའི་ལྷ་ང་ས་ལ་བཙུགས་
D239.065.0144b05.01ནས་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསུངས་པ་ལྟར་ཚུལ་ཁྲིམས་ཀྱི་རྩ་བ་བཞི་ཤིན་ཏུ་སྲུང་བའི་རིགས་ཀྱི་བུ་དང་། རིགས་ཀྱི་བུ་མོ་དག་ཆོས་ཀྱི་སྣོད་དུ་གྱུར་པའི་ཆོས་ཀྱི་སྣོད་དུ་མ་གྱུར་པ་ཀུན་ལ་སེམས་མཉམ་
D239.065.0144b06.01པར་བཞག་སྟེ། མི་བརྙས་མི་སྨད་བདག་མི་བསྟོད་མི་སྙེམས་གློ་བུར་དུ་ཉེས་པ་མ་གླེང་ངོ་ཞེས་གསུངས་ན། དེ་ལྟ་ན་ནི་མ་མཆིས་པའི་དུས་ན་དགེ་སློང་ཚུལ་ཁྲིམས་ཉམས་ཞིང་མི་དགེ་བ་སྤྱོད་པ། དགེ་སྦྱོང་མ་ལགས་པར་དགེ་སྦྱོང་དུ་ཁས་འཆེ་བ། ཚངས་པར་སྤྱོད་པ་མ་ལགས་པར་
D239.065.0144b07.01