完整藏文原文 · 德格版页 当前仅加载第 65 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
ཁེ་དང་། གྲགས་པའི་ཕྱིར་གཞན་དག་འདུལ་བའི་སྡེ་སྣོད་སློབ་པར་གཞེན་འདེབས་པ་དེ་ལྟར་གཡོ་དང་གྱ་གྱུར་ལྡན་ལ་སླུ་བའི་ངང་ཅན་གྱི་སེམས་ཅན་དེ་དག་ནི་མིའི་ལུས་ཐ་མ་ཡང་ཐོབ་པར་དཀའ་ཞིང་མཐོ་རིས་ཀྱི་ལྷ་དང་། ཐེག་པ་གཉིས་ཀྱི་མྱ་ངན་ལས་འདའ་བ་ཡང་ཉམས་ཏེ་མི་ཐོབ་ན་ཐེག་པ་
D239.065.0189b01.01ཆེན་པོ་ཐོབ་པ་ལྟ་ཅི་སྨོས་ཏེ་དེ་ནི་གནས་མེད་དོ། །དེ་འཆི་འཕོས་ནས་ཀྱང་སེམས་ཅན་དམྱལ་བར་ལྟུང་སྟེ། ཐར་པའི་དུས་མེད་པས་མཁས་པ་དག་གིས་དེ་ལ་བསྟེན་པར་མི་བྱའོ། །ཁྲེལ་བ་དང་། ངོ་ཚ་བ་མེད་པ། འཁོར་མང་པོའི་ནང་དུ་ཁེ་དང་། བཀུར་སྟིའི་ཕྱིར་ང་ནི་ཐེག་པ་ཆེན་པོ་
D239.065.0189b02.01པའོ་ཞེས་སེང་གེའི་སྒྲ་སྒྲོགས་པས་གླེན་པ་གཏི་མུག་ཅན་དག་དང་བསྙེན་ཅིང་གྲོགས་སུ་བྱེད་དོ། །དེ་ནི་དཔེར་ན་བོང་བུས་སེང་གེའི་པགས་པ་གྱོན་ཏེ་བདག་ནི་སེང་གེའོ་ཞེས་ཁས་འཆེ་བས་མི་ཞིག་གིས་རྒྱང་ནས་མཐོང་ན། དེ་སེང་གེ་ཉིད་ཡིན་པར་འཛིན་ཏོ། །དེ་ནས་དེས་སྒྲ་ཕྱུང་བ་དང་། ཐམས་
D239.065.0189b03.01ཅད་ཀྱིས་བོང་བུ་ཡིན་པར་ཤེས་ནས་ཀུན་གྱིས་མཆིལ་མས་བཏབ་སྟེ། སོ་སོ་ནས་སྨྲས་པ། འདི་ཀོ་མི་གཙང་བ་ཟ་བའི་སྡིག་ཏོ་བོང་བུ་ལྟ་ན་ཞེས་ཚིག་ངན་པ་སྣ་ཚོགས་ཀྱིས་སྨད་དེ་དོང་ངོ་། །དེ་ལྟར་ན་དེ་བཞིན་དུ་ངས་བཤད་པའི་གང་ཟག་མི་དགེ་བ་བཅུའི་ལས་ཀྱི་ལམ་སྤྱོད་པ་ལ་སྤྲོ་བ། ལྷ་དང་
D239.065.0189b04.01མི་ཐམས་ཅད་ཀྱི་ས་བོན་བསྲེགས་པ་ཡིན་ཏེ། ཉན་ཐོས་དང་། རང་སངས་རྒྱས་ཀྱི་ཐེག་པའི་ཆོས་ལས་ཀྱང་ཕྱིར་ལྡོག་པ་ཡིན་ན་ཐེག་པ་ཆེན་པོའི་སྣོད་དུ་འགྱུར་བ་ལྟ་ཅི་སྨོས། དེ་ལྟར་གླེན་པ་གཏི་མུག་ཅན་ང་རྒྱལ་གྱིས་མངོན་པར་ཟིན་ཏེ་བདག་ཐེག་པ་ཆེན་པོ་པའོ་ཞེས་ཕ་རོལ་ལ་སྒྱུས་བརྗོད་
D239.065.0189b05.01ཅིང་ཁེ་དང་། བཀུར་སྟི་སྡུད་པ་དེ་ནི་དཔེར་ན་རྐང་ལག་མེད་པའི་མི་གླེན་པ་ཞིག་དགྲ་ལ་བརྒལ་བའི་ཕྱིར་གཡུལ་དུ་ཞུགས་ཀྱང་བདག་ཉོན་མོངས་པ་ལས་དོན་དུ་འགྲུབ་པ་མེད་དོ། །དེ་ལྟར་དེ་བཞིན་དུ་ཐེག་པ་ཆེན་པོ་པར་སྒྱུས་ཁས་འཆེ་བ་དེ་ཡང་འདི་ལྟར་དད་པའི་ལག་པ་དང་། ཚུལ་ཁྲིམས་
D239.065.0189b06.01ཀྱི་རྐང་པ་མ་ཚང་བར་རང་གི་ལས་དང་སྤྱོད་པ་ལ་མི་དཔོག་ཅིང་ཉོན་མོངས་པའི་གཡུལ་ཆེན་པོ་ལ་རྒོལ་བར་ཆགས་པ་ནི་བདག་ཉོན་མོངས་པ་ཙམ་ལས་དོན་དུ་མི་འགྱུར་རོ། །གང་ཟག་དེ་སྒོ་གསུམ་མི་སྡོམ་པར་སྡིག་པ་འབའ་ཞིག་སྤྱོད་ཅིང་བདག་ནི་ཐེག་པ་ཆེན་པོ་པའོ་ཞེས་ཁས་འཆེ་ཡང་ཐེག་
D239.065.0189b07.01